58. De sancta Erentrude.

In 1. Vesperis.
Ad Magnificat.

A. Virginei flores

mutant virtute labores
In sponsi requie

cupientes alta sophiae;

De quibus Erntrudis
percepit gaudia lucis,

Nos fervore precum

faciat post vivere secum.

Ad Matutinum.
Invitatorrum.

Jam fontem vitae
cuncti sitientes adite,

Quo capit Erntrudis
vigili prece dona salutis.

In 1. Nocturno.
Antiphonae.

1. Virginis ornatae
coelesti nobilitate
En colimus festa,

purgentur exinde scelesta.
2. Clara stirpe nata,

virtutibus accumulata,
Ora, manum, mentem
direxit ad omnipotentem.

3. A primo flore

Christi fundatur timore,
Cum stabili cura
transcendit carnea jura.
4. Sic victrix fortis

devicit spicula mortis,
Tota Deum caeli

quaesivit corde fideli,

5. Vitutum meritis

gliscens procedere mitis,
Ad Christum tendit,

cruce qui pro gente pependit.
6. Actibus ornata

fuit comparibus grata,
Praecellit amore

omnes seduloque labore.

Responsoria.

1. Sidus ut in caelis,

sic fulsit virgo fidelis
Erntrudis, Christo

dum mundo vixit in isto;

V. His opibus functa

despexit noxia cuncta.

2. Stemmate Francigena,

Christi fundamine plena,
Moribus ornatur

simul et virtute probatur;

V. In coelis visum

fixit quaerens paradisum.
3. Post In matrona

Deus agens coelica dona,
Ornatu morum

matrem dedit esse suorum;
V. Juste vivebat,

subjectos pace regebat.
4. Vilibus ablatis

cum consensu pietatis
Noxia destruxit,

sensus super aethera duxit ;
V. Nil fuit his litis,

cavit Id mater, quia mitis.

In 2. Nocturno.

Antiphonae.

1. Hinc premit antiquus

harum mentes Inimicus
Atque parat lites,

studuit sic premere mites.

2. Heu ruit In pejus

grex, mater roborat ejus
Mentes hortando,

grex obstat corde nefando.
3. Virgo simultates,

declinat Impietates
Ac cum Rudberto

discessit patre deserto.

4. Mellis nempe favum

cepit haec visendo Juvavum,
Sanctis ancillis

Christi matrem dedit Illis.

5. Divitias patriae

mutans In morte Mariae,
Christo servivit,

studium semper repetivit.

6. Quae foret et qualis,

docet auctor spiritualis
Qui vult laudari,
sed a sanctis venerari.

Eesponsoria.

1. Ordo monasterii

succrescens subditur Illi,

Semper dona precum

quia vexit ad aethera secum ;
V. Laudant sol et luna

Christum de virgine pura.

2. Fletibus, orando,

jejunando, vigilando
Prava coercebat,

bona congrua quaeque doce-
bat.
V. Captant doctrinam

moniales ac medicinam.

3. Deponunt mores

faces fugiendo sorores,
Pennis justitiae

volitant ad summa sophiae ;
V. Praevalet Ista pia

complures bac theoria.

4. Haec Christi donis

fugiens calicem Babylonis
Ebibit ecclesiae

potum de fonte sophiae;
V. Vitae pincerna

fuit omnibus atque lucerna.

In 3. Nocturno.

Ad Cantica.

A. Virgo, sponsa Dei,

rutilans virtute fidei,

Moribus ablutis

captabat dona salutis ;

Nos purgando prece
sic eruat undique faece.

Responsoria.

1. Sorde fuit munda

hac lacrimabilis unda,
Fletibus et pura

prece tergens et his nocitura,
V. Viribus ornata,

fidei purgamine grata.
2. More Sareptenae

Deus hanc fecundat habere
Pauperibus danda,

Quae non sunt hic repro-
banda,

V. Dividit In mensa,

sic tu de paupere pensa.

3. Pauperis et pueri

studet ulcera saepe mederi
Ac manibus sacris

purgans haec Ista lavacris,
V. Infundat pro se

vel pro cunctis studiose.

4. O rex coelorum,

qui destruis acta malorum,
Hanc revocas ad te,

manet In coelestibus apte;
Nos prece conservet,

quae cum justis modo fervet,
V. Ut sibi jungamur

et coelica post mereamur.

Ad Laudes.
Antiphonae.

1. Debora sub palma

sic plebem recreat alma,
Erntrudis clare

studuit Dominum praeamare.
2. Ista Sion nata,

Christi virtute probata.
Dissimilis Dinae

nunquam fuit apta ruinae.
3. Haec studiosa bonis

diadema capit Salomonis,
Laetitiae donis

gaudet quasi sponsa coronis.
4. In cultu caeli

par exstitit Ista Racheli,
Unaquaque die

perfecerat acta Mariae.
5. Tunc bona quae gessit,

haec laude bona pie pressit.
Fecerat occulte

spe mercedis sibi multae.

Ad Benedictus.

A. Christe tuo more

trahe nos a daemonis ore,
Ut post In caelis

vivamus ut Ista fidelis,

Quam dilexisti,

cui coelica jura dedisti,
Laetitiae plena

quam vitis pascit amoena.

In 2. Vesperis.

A. Summi filia sprevit vilia
virginitate,

Florent lilia gaudent milia

cum pietate,
Erntrudis pia sancta patet via

et coelica vita,
Ista via sit mente pia

quae patet polita ;
Nobis aeterna

prece des et nostra guberna.