89. De ss. Victore et Urso.

In 1. Vesperis.
Ad Magnificat.
A. O quanta est exsultatio
angelicis turmis,
Quam dulces in astris
resonant laudes,
Vobis martyres Christi,
Victor et Urse,
Nam nunc fruimini
visione regis,
pro quo calcata
mundi gloria
vos morti tradidistis.
Nunc petimus Domini
famulis estote benigni.

Ad Matutinum.
Invitatorium.

Perpetuo regi

corde jubilemus fideli,
Ante thronum cujus

jubilant nunc Victor et Ursus,

In 1. Nocturno.

Antiphonae.

1. Principe vesano

regnante Diocletiano
Deditus ad facinus

furit ut leo Maximianus,

2. Milia sex fratrum

Christi munimine tuti
Transierunt Alpes
Augusti signa secuti.

3. Foedera militiae

Romanis Inviolata,
Jura Deo fidei

servabat turba beata.

Responsoria.
1. Ecce dies celebris,

jubilet nunc turba fidelis,
Sanguine proprio

pro Christi nomine fuso
Sacris martyribus

sociantur Victor et Ursus.
V. Personet angelicus

laudes super aethera coetus,
Plaudat et In terra
Domino devota caterva.

2. Hytarcus Insano

veniens Maximiano
Imperat, Inquiri

sanctos captosque teneri,
Tentos suppliciis

conatur perdere diris.
V. Praesidis Imperio

feriuntur verbere diro
Carnificumque manus

sanctorum saevit In artus.

3. Vincula sanctorum

torquebant colla morum,
Et sacra carnifices

cruciabant membra furentes,
Compatuit subito

lux ordine coelica miro.
V. Deficiunt poenae,

solvuntur vincla, catenae,
Tortor prostratus,

martyr sacer exhilaratus.

In 2. Nocturno.
Antiphouae.
1. Imperat Octodorum

legionem Caesar adire,
Thura cremare Jovi,
post Idola vana redire.

2. Sed virtute Dei

solidati corde Thebaei,
Quod jubet Insanus,
contemnunt Maximianus.

3. Delubra despiciunt,

ad coelica praemia tendunt,
Et properant hilares

ultro ad sua funera fratres.

Eesponsoria.
1. Sit tibi, Christe, decus,

sit honor, laus, gloria, virtus,
Praesidio cujus

confusus est hostis Iniquus.
Hytarcus victus,

victores Victor et Ursus.
V. Turba frequens populi

cernens magnalia Christi,
Vocibus altisonis

Deo dat cantica laudis.
2. Impius ut vidit

sanctos bis clarificatos
Auxilio Christi,

meditatur pectore tristi,
Ut ferat gladiis,

quibus urens cesserat Ignis,
V. Utque videt gentem

sua delubra despicientem
Et populum terrae

laudes tibi, Christe, referie.
3. Athletae Christi

sacra plebi dogmata dantes
Et fidei pennis

ad coelica regna volantes
Sacrilegi gladio
jugulati judicis ambo.
V. Astra petunt caesi

feliciter ense Thebaei.
Christus eis roseas

dat In aetheris arce coronas.

In 3. Nocturno.
Antiphonae.
1. O felix tellus,

venerabilis atque beata,
Sanguine sanctorum

semel et bis terque rigata.

2. Bis decimas sancti

dant ad fera jussa tyranni,
Post pariter cuncti

sunt mortis munere functi.
3. Milia sanctorum

sexcenti sexque fuerunt,
Qui pariter Domini
pro nomine procubuerunt.
R esponsoria.
1. Summe Deus, tibi laus,

tibi gloria, summa potestas,
Muneribus cujus

vicerunt Victor et Ursus
Carnificum diras
per rorem sanguinis Iras.
V. Castro Solodoro

sub Caesare Maximiano
Sancti sunt Isti
passi pro nomine Christi.
2. Hierusalem sancti

baptismate purificati,
Catholicae fidei

post rore consolidati,
Solodoro tandem

pro Christi nomine passi
Caesaris Incursus

exsultant Victor et Ursus.
V. Nos fidei pennae

tollant super astra, Gebennae
Misit Solodorum

quibus Inclita membra pio-
rum.

Ad Laudes.
Antiphonae.
1. Pretiosa mors sanctorum
Ante regem saeculorum,

Ad sepulchrum fulget quorum
Claritas miraculorum.
2. Caecis visus, claudis gressus,
mutis sermo redditur,
Aegris salus et auditus
surdis restituitur.
3. Resupinus hic malignus,
dum jurare nititur,
Cereoque manus haerens
rursus sibi redditur.
4. Exit aure dirus hostis
ex obsesso corpore
In deformi transformatus
reptilis effigie.

5. Laudet Deum candidatus
martyrum exercitus,
Laudet coelum, terra, mare,
laudet omnis spiritus.

Ad Benedictus.
A. Martyribus sanctis

Victori demus et Urso
Annua, Christicolae,

praeconia ore venusto,
Coelica qui meritis
acquirant gaudia nobis.

In 2. Vesperis.

Ad Magnificat.

A. Insignes martyres Christi,
Victor et Ursus,
Servorum vota vestrorum
Suscipite, quaesumus,
Et In conspectu

aeterni regis offerre
Petimus, ut nobis

sit propitius. Alleluja.