15. De conceptione BMV.

In 1. Vesper
Antiphonae.

1. Ab aeterno ordinata,
Mater Deo praeparata,
Per te cunctis salus data,
Quae per Evam est sublata.

2. Benedicta mulierum,

Stella fundens solem verum,

Jubilare Dei clerum

Tibi carmen fac sincerum.

3. Castae matris coelibatus
Patet Moysi praenotatus,
Quando rubus est monstratus,
Flammis tactus non crematus.

4. Dulcem virga profert florem,
Suavem vitis dat odorem,
Cum jam suum genitorem
Nata parit praeter morem.

5. En antiqua carnis jura
Mutat nova genitura,
Et dum factor fit factura,
Suum perdit jus natura.

E. Sponsum, virgo, paris,

cujus tu sponsa vocaris,
Nescia peccati

genitrix et filia nati;

V. Sana peccantes

et protege te celebrantes.

Ad Magnificat.

A. Gloria reginae

coelorum sit sine fine,
Quae jubar Ingessit,

quo nox aeterna recessit.

Ad Matutinum.
Invitatoriam.

In jubilo dici

debet laus Dei genetrici,
Quae parit absque viro

verbum patris ordine miro.

In 1. Nocturno.

Antiphonae.

1. Hoc est nomen, quod miramur,
Te, quem Deum contestamur,
Humanatum veneramur.

2. In hac forma tam exili
Tu procedis, patris fili,
Tamquam sponsus de cubili.

3. Valvae matris Integrales
Nulli viro subjugales,
Hae sunt portae aeternales.

Responsoria.

1. Arens virga fronduit,

Radix Jesse floruit,

Virgo Deum genuit;
V. Ordo naturae

non Imperat huic geniturae.
2. Concludens puerulum

Non pandit cubiculum

Virginale pessulum;
V. Intrat et egreditur

Dominus sed non aperitur.

3. Dat praesaga boni

duo signa Deus Gedeoni:
Absque solo vellus,

maduit sine vellere tellus ;
V. In te monstratur,

virgo, quod utroque notatur.

In 2. Nocturno,
Antipaonae.

1. Partu felix illibato
Stat regina coram nato
In vestitu deaurato.

2. Sicut psalmus hoc testatur,
Dei vultu adjuvatur,
Quem In regno contemplatur.

3. Digne cunctis praeferenda,
De te, virgo, reverenda,
Gloriosa sunt dicenda.

Responsoria.
1. Fontis vivi pocula
Emanant per saecula
Virginis e situla;
V. Inde sitis mentis,

fluit Inde fons salientis.

2. Signatum umbraculum
Edidit Infantulum
Ut manna vermiculum;

V. Plasma creatorem

genuit, genitrix genitorem.

3. Triste caput colubri

veteris jam calce salubri
Femina calcavit,

quae vita nos reparavit;

V. Quam vetus Impegit,

nova mortem mater abegit.

In 3. Nocturno.

Antiphonae.

1. Eja, mater, gratulare,
Digna Deum generare,
Plaudant astra, solum, mare.

2. Haec est Illa coeli porta,
Per quam justis lux est orta,
Umbris Illis non retorta.

3. Dum haec virgo gravidatur,
Salutare revelatur,
Per quod mundo salus datur.

Responsoria.
1. Summus praeco dulcia
Fert de coelo nuntia;
Plena omni gratia,
V. Nescia virgo viri

gaudet se prole potiri.
2. Aura sancti spiritus
Crescit venter coelitus
Nulli viro cognitus ;
V. Integer et salvus

pudor est. sacer dum tumet
alvus.
3. Sola salus mundi

maris haec In nocte profundi,
Fluctivagis gratum

fert praevia stella ducatum,

V. Per mare tuta via

sit te duce, virgo Maria.

Ad Laudes.

Antiphorrae.

1. Plenitudo deitatis
Intrat sinum castitatis,
In quo Deo mediante
Homo liber fit ut ante.

2. In hac carne, qua velatur,
Trina unus operatur,
Coeli civem In se munit,
Lapsum levat, hostem punit.

3. Haec est Ille fons signatus,
Hortus clausus et perflatus
A supernis austro flante,
Quo concepit obumbrante.

4. Fac a patre benedici
Nos, qui tuae genitrici.
Laudes, Christe, personamus
Et In Illa te laudamus.

5. Vere partum salutarem,
In quo mater matrem parem
Nullam habet praecedentem
Nec habebit subsequentem.

Ad Benedictus.

A. Pulchrior aurora,

rutilo plus sole decora,
Virgo, tuos verum

solem sine fine dierum
Fac contemplari,

qui gaudent te venerari.

In 2. Vesperis.
Ad Magnificat.

A. Spes desperatis,

fons magnificae pietatis,
Virgineo flore

pollens cum matris honore,
Flos Inter spinas,

nostras sustolle ruinas.

In 2. Vesp. ad Magn. hat C:

O Libani palma florens et amygdalus alma,
Quae fructu casti ventris lapsos reperasti,
Per te vita data, lux orta, salus renovata,
Morti est perempta, tibi cuncta plaudant redempta.