85. De sancta Ermelinde.

Introitus,

Gaudeamus

in te nos, Domine,
Et psallamus

in tuo nomine,
Sub colendis

condigno carmine
Ermelindis

festis et familie
Coastantibus

caeli civibus
Nomenque tuum

collaudantibus.

Graduale.

Virgo gradu gradiens

directo, sedula fiens,
Gratiore grata

veneratione veneranda;
Cur quasi regina

pro virginitate supina
Est exaltata

caeloque beatificata.

Alleluia.

O vere digna monacha,
O virgo cultrix eremi,

Christum tua prece placa,
Qui ne velit dire premi

Nos sorte daemoniaca,
Quos curavit semel emi,

Sed te frui

Vultu sui.

Quae per pudoris flosculum
Et per virtutes alias

Ornasti tuum vasculum,
Tu nobis hic et alias

Christum mitigato,

Pacisque bona dato.

Tractus.

Tu dives opum gratiae
Sponsa regis gloriae,
Te collaudat hodie
Plebs ovante facie.

Assis, pia,
Et de via
Lapsos rege
Et protege,

Deo tota
Funde vota
Vique tota
Nobis hic et alias
Christum mitigato
Pacisque bona dato.

Offertorium.

Offer summae trinitati

Votum prece supplice,
Virgo pia, ne peccati

Impediamur obice,
Sub peccato venumdati

Redempti sumus apice,
Ne damnemur iudicati

A Christo pio iudice.

Communio.

Stat tua per labia
distillans gratia dia,

Scandit et in Rama
redolendo tui thymiama.