61. De s. Marcellino Ebredunensi.

Lectio 1.

O beate Marcelline,

gloriose pontifex,
Qui fuisti praedicator

et dux innocentiae,
Intercessor sis pro nobis

ad regem clementiae.

Lectio 2.

Qui ab Africa venisti

te ducente Domino
Parentibus inconsultis

et relictis omnibus,
Citra mare remeasti

versus partes Alpium ;
Impetra, ut deleantur

sordes nostrum omnium.

Lectio 3.

Benignissime confessor,

domino praedilectus,
Qui serpenti venenoso

eras non incognitus
Et sodalem elegisti

beatum Vincentium,
Ut opprimeres errorem

perfidorum omnium,
Praebe nobis, te rogamus,

bonum patrocinium.

Lectio 4.

Sancte pater Marcelline,
nobilis progenie

Fideque nobilior

erga regem gloriae,
Per diversas mundi partes

docuistipopulum,
Ut errorem relinquendo

sequerentur Dominum;
Funde preces, deprecamur,

pro nobis ad Dominum.

Lectio 5.

Sanctissime Marcelline,

Pontifex egregie,
Illustrator veritatis,

monstrans viam veniae,
Custos gregis Iesu Christi

[et] doctor assiduus,
Nomen suum praedicasti,

electorum socius,
Sis tuorum devotorum

adiutor perpetuus.

Lectio 6.

Pater sancte, Marcelline,

nobis suspirantibus
Manum tuam sic extende

cum fletu poscentibus,
Ut exutos a peccatis

in caeli palatio
Tuis precibus oblatis

caelorum altissimo
Valeamus collocari

cum sanctorum gaudio.