68. In Inventione s. Quintini.

In 1. Vesperis.
Antiphonae.

1. Eligius praesul,

Quintinus, martyr honoras,
Quorum festivis

iam nunc incumbimus actis,
Subveniant nobis

meritis precibusque benignis.

2. Martyr mirificos

passus dire cruciatus

Praesul et egregios

lucratus mente maniplos,

Submissae vobis

semper succurrite plebi.

3. Nomine pro Christi

poenarum milia passe

Angustaeque viae

praesul, qua tendis in aethra,
Pro nobis Dominum

famulis orate subactis.

4. Domine vulnifice

Cbristi testisque laudate,
Assertor fidei

verae praesul et luculente,
Impetrate gregi

veniam vitaeque coronam.

5. Martyris eximii

confessorisque benigni
Impetret oratus,

quod nostra non prece quimus.

Ad Matutinum.
Invitatorium.

Thesauri sacri

celebre festum recolentes
Aeternum columen

speciosa voce canamus.

In 1. Nocturno.
Antiphonae.

1. Orbita solaris

satagit nos festa novare
Corporis inventi

Quintini, martyris almi.

2. Cuius sancta Deo

texit servante vetustas
Membra trecentenis

annis et quinque viginti.

3. Cuius praesidiis

virtus rutilabat opimis
Languentum membris
infesta peste gravatis.

In 2. Nocturno.
Antiphonae.

1. Quidam Martinus,

regis cantor vitiosus,
Corpus nacturum

iactabat se fore sanctum.

2. Qui praesumptivae

mentis molimine [pravae]
Aggreditur sanctam

cumbo divellere terram.

8. Slivae moxque manus
eius haesere ligonis,
Plebs stupet, haeret, hebet,
refugit, miratur et horret.

In 3. Nocturno.
Antiphonae.

1. Vermibus ephesis

manibus stillantibus eius
Amisit vitam
divino verbere laesam.

2. Hoc gentis nostrae

signo radiante per aures
Multo magnificus

ditatur munere sanctus.

3. Martyris ob meritum

mirabile praesulis atque,

Harmonicas quorum

digne persolvimus odas,

Quorum subsidiis

semper [fruamur] honestis.

In Laudibus.
Antiphonae.

1. Eligius praesul

Quintini martyris artus
Quaesitos studio

vigilanti repperit agro.

2. Visibus humanis

ter centum quinque fuerunt
Annis absconsi

Christo servante viginti.

3. Perfodiens cumbum

terebrando ligone venustum
Lux et odor pariter
cunctis fulsere verenter.

4. Pignora cum caperent,

clavos capitisque capillos,
Dentibus abstractis

profluxit lympha cruoris.

5. Tunc pater Eligius,

tanto de munere laetus,
Corpus susceptum

condivit more sacrorum

Ad Benedictus.

A. O Quintine sacer,

nostras iam suscipe preces,
Eligio Christum

poscens cum praesule Iesum,
Conferat ut veniam

nobis vitaeque coronam.