57, De s. Leonardo Lemovicensi.

In 1. Vesperis.

Antiphonae.

1. Christe, tui sancti

confessoris Leonardi
Laude pia praesta

nobis sacra solvere festa.

2. Adflictis operante Dei
virtute potenter
Auxilium merait

conferre salubre frequenter.

3. Hic vir despecto

mundi praesentis honore
In sancto studuit

Domino servire timore.

4. Hinc algore, fame

fragilis instantius artus
Corporis edomuit,

daret ut sibi praemia Christus.

5. Iste, salutaris

baptismi gurgite tinctus
Est fidei verae

prudenter dogma secutus.

Ad Magnificat.

A. Confessor Christi,

sublimi proxime patri,
O Leonarde tuis

hodie succurre ministris,
Digna laude tua

recolentibus inclita festa,
Et, qui peccati

sumus undique mole gravati,
Clemens dignare

relevando iustificare.

Ad Matutinum.

Invitatorium.

Cuncta gubernantem

Dominum laudemus in unum,
Qui famulum dignum

sibi praevidit Leonardum.

In 1. Nocturno.
Antiphonae.

1. Hymnis almiluis

Christo pariter iubilemus,
A quo supremum

decus estLeonardus adeptus.

2. Hic aetate tener

didicit mundana cavere,
Mundo corde Deo

satagens et mente placere.

3. Sedulus ardenti

stadio praebebat ovanter
Auditum sacris

evangelii documentis.

Responsoria.

1. Servus Christi Leonardus,
coruscans virtutibus,
A primaevo coepit Deo,

servire attentius,
Sanctitatis incessanter
insistens operibus.
V. Claruit eximiis

Francorum gentibus ortus.

2. Sanctitate roboratus

fidelis Christi famulus
Erat, rebus vir benignus
perfectus in omnibus,
Trinitati summae semper
obsequens viriliter.
V. Edidit hunc alitrix
Gallia nobiliter.

3. Elegit sanctum

de plebe Deus Leonardum,
Nomine, virtute

magnificavit eum.
V. Solveret Vae, quosque

vinctos, sanaret et aegros.

In 2. Nocturno.
Antiphonae.

1. In terris degens

Christi miles Leonardus
Membra voluptati

carnis sua non dedit ulli.

Dreves, Historiae Rhythmicae.

2. Qui postquam coepit

probitatis viribus uti,
A Domino meruit

dare morbida membra saluti.

3. Fulget in excelsis

coniunctus coetibus almis,
Perpetuo potiens

doni cum principe summo.

Responsoria.

1. Incrementis adulescens
Bonitatis bis succrescens
Tanta Dei sublimari
Gratia promeruit,
Ut reginae aegrotanti
Prae dolore pariendi
Sospitatem redderet.
V. Ad Dominum lacrimando
preces fudit Leonardus.

2. Vere miranda

magnalia sunt Leonardi,
Noveral adflictis

dare caelica commoda cunctis,
V. Quo fundente preces

[vina fiunt] latices.

3. O felix dilecte Deo
Leonarde coheres,
Custodi nos et

nostri dignare reatus
Iam nexus laxare tui
virtute precatus;
V. Nobis ergo bonus

petimus succurre patronus.

In 3. Nocturno.
Antiphonae.

1. Demus digna Deo

laudis praeconia summo,
Qui sibi dilecto

regna dedit Leonardo.

2. Iste Dei sanctus

divino robore fretus
Sanavit multos

morbi valetudine pressos.

3. Te, clemens, aeterne Deus,
proni rogitamus,
Suscipe vota precum
tibi devote famulantum.

Responsoria.

1. Quidam servus Leonardi,

dira vinctus compede
Augebatur taetrae trusus

angustia speleae,
Cui sanctus in vestitu

candido apparuit
Atque potenter eum

solvit et eripuit.
V. Ecce, daturus opem

tibi misertus ait: assum.

2. Miles erat positus

angustiis artis in antris,
Qui graviter diris

constringebatur habenis,
V. Huic Christi famulus

mos subvenit Leonardus.

3. O beati Leonardi

veneranda praeconia !
O immensae admiranda

caritatis opera!
Qui, dum saeculi des exit

[prospera] labentia,
Supernae felicitatis

promeruit gaudia.
V. Reddidit aegrotos

validos, alacres tribulatos.

4. O disruptor vinculorum,
Pater et dux captivorum,
Conservator infantium,
Liberator praegnantium
Et curator languentium
Superatorque daemonum,

Leonarde, fidelium
Audi preces servulorum,
Impetrans nobis gaudium
Ante regem saeculorum.
V. Reginam et plebem
qui succurristi
Ac regem dolentem
qui confortasti,
Leonarde.

In Laudibus.
Antiphonae.

1. Laudibus alma tui

dilecti festa colentes
Fac pie provisi,

Deus, heredes paradisi.

2. A puero sanctus

athleta Dei Leonardus
Moribus, eloquiis

praefulsit et actibus almis.

3. Iste salutaris

baptismi gurgite tinctus
Est fidei verae

prudenter dogma secutus.

4. Sancti Remigii

veris rutilans documentis
Elegit placitam

Domino deducere vitam.

5. Digne iam superis

est civibus associatus,
Qui culmen renuit

praesumere pontificatus.

Ad Benedictus.

A. Alme Deus trine,

qui cuncta regis sine fine,
Agminibus concede piis

meritis Leonardi
Iustorum nos spirituum

feliciter addi.

In 2. Vesperis.
Ad Magnificat.

A. O bone protector,

clemens Deus, optime rector,

Custodi famulos

semper ab hoste tuos
Et fer opem nobis

ipsius propter amorem,
Cuius sollennem

das celebrare diem.