70. De Reliquiis Ecclesiae s. Framfoaldi Silvanectensis.

In 1. Vesperis.
Antiphonae.

1. Ad laudem regis gloriae
De thesauris ecclesiae

Lapides pretiosi
Prodeunt in propatulo
Radiantes in populo
Virtute luminosi.

2. Attolamus praeconio,
Ne lateant sub modio,
Lucernas claritatis ;
Hi sunt iubar ecclesiae,
Exemplar sanctimoniae,
Speculum sanctitatis.

3. Vigens vigore spiritus
Vigor, antistes inclitus

Baiocae civitatis,
Hanc exornat ecclesiam,
Quam collaudat ad gloriam

Divinae maiestatis.

4. Ad laudis assint cumulum
Laudes sanctorum praesulum

Silvini et Gerbaldi,
Quos hic in sede propria
Comitatur praesentia

Gloriosi Frambaldi.

5. Assint cum rosis lilia,
Reginarum consortia

Ac beati Baumiri,
Quibus sanctis corporibus
Et sacris nos quam plurimis

Datum est insigniri.

Ad Magnificat.

A. O quantis magnificat

Vos Christus honoribus,

Quos et hic mirificat
Signis et virtutibus

Et secum glorificati
Assit vestris precibus

Nobis, quos laetificat
[Hodie] his laudibus.

Ad Matutinum.
Invitatorum.

Adoret ecclesia
Regem saeculorum

De sanctorum gloria
Gaudens confessorum.

In 1. Nocturno.
Antiphonae.

1. Sancti legem Domini
Corde meditantur,
Per quos Christi nomine
Plebes adgregantur.

2. Praecepta dominica
Docent et consilia
Contemnentes lubrica
Pro perenni gloria.

3. Sic suos mirificat

Sanctos rex virtutum,
In caelo glorificat,
Hic dat iter tutum.

Responsoria.
1. Sonet vox in laudibus
Surnmae bonitati,
Nam accepti ratio

Nos monet et dati,

Ne de tanto munio

Reddamur ingrati ;

V. Gratiarum sit actio

Pro tanto beneficio

Divinae largitati.

2. In carnis huius carcere
Carne mortificati,

Non sibi soli vivere
Sed Christum amplexati,

Plurimorum proficere
Student utilitati;

V. Docentes bona facere,
Mundana vana fugere,
Pro Christo mala pati.

3. Intima brevi tempore
Christo foenerantes
Et cum multo foenore
Lucrum deportantes
In promissum gaudium
Intrant gloriantes,

V. O quam felix comercium ! -
Pro terrenis caelestium
Regna commutantes.

In 2. Nocturno.
Antiphonae.

1. Laetentur in te, Domine,
Sancti, quos hic inhabitas
Et quos aeterno lumine
Tua replet aeternitas.

2. Militans ecclesia

Sanctos hic honorat,
Quos Christus in gloria
Corona decorat.

3. Hic qui sine macula
Sanctos honorabunt,
Tua tabernacula,
Deus, habitabunt.

Responsoria.

1. Adflicti paenitentia
Carnis vicerunt vitia

Despecto mundi flore,
Cesserunt his daemonia,
Spreverunt temporalia
In spiritus ardore.
V. Ex hac trina victoria
Coronantur in gloria
Et [maximo] honore.

2. In praesenti periculo
Ferebant in propatulo
Lucernas sanctitatis,

Exemplum dantes populo
Lumbosque suos cingulo

Praecincti castitatis,
V. Christo vacabant sedulo
Et proximis in osculo

Mutuae caritatis.

3. Per istorum precamina
Nostra delere crimina,

Salvator mundi, velis,
Vitae nostrae discrimina,
Tua virtute termina,
Protector Israelis;
V. Reiecta carnis sarcina
Transferamur ad agmina
Beatorum in caelis.

In 3, Nocturno.
Antiphonae.

1. Tu sanctis es, Domine,
Pars hereditatis,
Totus cum dulcedine,
Torrens voluptatis.

2. Sanctorum generatio

Christum quaerunt et sitiunt,
Mundum habent fastidio
Et,quae sursum sunt, sapiunt.

3. Sanctorum suffragio
Tecta sunt peccata,
Ne sint in iudicio
Cunctis revelata.

Responsoria.

1. Si narrem miracula,
Narrando deficiunt
Lingua, vox et manus,
Nam mors, error, vincula,
Daemon, lepra fugiunt,
Aeger redit sanus.
V. Ne sanctorum singula
Facta retexamus,
Haec de multis paucula
Gesta recolamus.

2. O virtutum rosaria,
O lilia fragrantia

Sanctitatis odore !
O clara luminaria,
Vos sidera micantia
Veritatis splendore!
V. Opem nobis impendite,
Mentes nostras accendite
Caritatis ardore.

3. In circuitu, Domine,

Tuo lux nunquam deficit,
Ubi lumen de lumine,

Christus, electos reficit,
Ibi sanctorum animae,

Quas sanctus ardor afficit;
V. O quam felix iucunditas

Est in tanta dulcedine
Et quam mira suavitas

Aeterno frui numine !

In Laudibus.
Antiphonae.

1. Cinctis lumbis deportemus
Lucernas in manibus,
Ut sic laudes praesentemus
Sanctis confessoribus.

2. Creatori iubilantes

Cum cordis laetitia
Gloriemur exsultantes
Cum sanctis in patria.

3. Vigilantes hic de luce
Post mundi vigilias
Perducamur Christo duce
Ad sanctorum nuptias.

4. Sacerdotes [praelecti],
Summo benedicite,
Ad superna iam provecti
Nos illuc ascribite.

5. Laudes demus altissimo,
Fervore cordis intimo

Regnantem contemplemur,
Ut post praesens exsilium
Per sanctorum suffragium

Cum ipsis coronemur.

Ad Benedictus.

A. Confessores

excelsi meriti,
Vestram nobis

opem porrigite;
Patres sancti,

pastores incliti,
Nos in viam

pacis dirigite.

Ad Magnificat.

A. Tu, Christe, nostrum gaudium,
Adesto nostris precibus,
Qui cum sanctorum milibus
Veniens ad iudicum
Apparebis in nubibus,
Da sanctorum cultoribus
Cum Sanctis vitae praemium.