52. De s. Iusto Tergestino.

In 1. Vesperis.
Ad Magnificat.

A. Fulget clara dies,

a Christo magnificata
Martyrio sancti

Iusti nimis atque dicata ;
Hanc omnes Christi

merito venerantur amici,
Ecclesiae sanctae

per quam pereunt inimici,
Hanc Tergestini

cives recolunt pretiosam,
Per quam se noscunt

turbam superare dolosam ;
Ergo pio Christo

pie tu nos redde patrone.

A d Nocturnum.
Invitatorium.

Regem iustorum,

quem Iustus, frater eorum,
In regno vitae

laudat, rogitare venite.

In 1. Nocturno.
Antiphonae.

1. Iste beatus vir,

nomine Iustus, sapienter
Absque reatu legit
in actu vivere semper.

2. Adversus Iustum

populi mala sunt meditati,
Quos pia mens risit
Iusti super astra beati.

3. Ad Dominum Iustus
clamavit voce beatus
Et de monte Dei

fuit bac in valle iuvatus.

Responsoria.

1. Tempore, quo vanus
regnabat Maximianus

Eius et insanus

collega Diocletianus,

In Tergestina

micuit ceu stella marina

Urbe sacer Iustus,

vitiis vir semper innstus.
V. Iste fide, verbis

pro Christi iure superbis
Obstabat magnus

martyr, mitis velut agnus.

2. Sanctum credentes

postquam genuere parentes
Iustum, se Christo

mundo commisit in isto,
Actibus in sanctis

observans iussa tonantis.
V. Pro regno Christi

quia mortem sponte subisti,
Gaudes in caelis

cum iustis, Iuste fidelis.

3. Dum sacer hic turbae

Tergesti ferret in urbe
Iustitiae lumen

fidei condendo cacumen,
Magnatius praeses

barathri mox frenduit heres
In servum Christi

minitans sibi verbere tristi ;
V. Tunc Iesu dignus

martyr, per cuncta benignus,
Exoptans Christum

minitantem non timetistum.

In 2. Nocturno.
Antiphonae.

1. Iustitiae solem,

quia Christum Iustus amavit,
Hunc scitote, pii,

Dominus quia mirificavit.

2. Iste domum Domini
fidei virtute regebat,
Qui fidei scuto

ceu sidus in astra nitebat.

3. Gloria, laus et honor

Christus Deus atque corona
Martyris est Iusti,

sibi dans caelestia dona.

Responsoria.

1. Vir Domini Iustus,

fidei sub tegmine tutus,
Non dubitans Christum

venerari tunc crucifixum,
Coram praefecto

respondit familie recto;
V. Hic inquisitus

fidei de iure peritus,
Mente quidem sana
contemnens idola vana.

2. Tunc sanctum vanus

Magnatius ille tyrannus
Carcere conclusit,

sed, cum lux altera fulsit,
Orantem istum

renuit de carcere ductum.
V. Hunc iussit servis

crudis affligere nervis,
Laudantem Christum

Dominum, Iesum crucifixum.

3. Iste mori lucrum

pro Christi nomine multum
Credidit et Christum

semper coluit crucifixum,
Optans post istam

caelestem ducere vitam;
V. Verus amor Christi

sic iusto praefuit isti,
Quod nihil in terra

cuperet nisi sola superna.

In 3. Nocturno.
Antiphonae.

1. Iustus te Dominus

dilexit, Iuste beate,

Per quem sunt gentes
Christo credendo renatae.

2. In sancto sanctus

iam Iustus monte quiescit,
A Christo Domino

qui nunquam corde recessit.

3. In caput huius te

lapidem summum posuisti,
Iesu, tuque corona sibi
pretiosa fuisti,

Responsoria.

1. Postquam vel poenae

vel sponsio vocis amoenae
In sanctum vere

Iustum non praevaluere,
Ipsum per mortem

vultpraesesperdere fortem ;
V. Hic solum Christum

quia praedicat. in cruce fixum
Atque diis terrae

contemnit tura referre.

2. Ergo praefatum

Iustum per saecla beatum
Praeses damnavit

nec non sibi membra li-
gavit,
Sub multo plumbo

pelagi dans ipsa profundo ;
V. Prudens iste nimis,

dum sic pateretur in imis,
Laudabat Iesum

pro mundi crimine laesum.

3. Funibus et plumbo

Iustum per membra ligatum
De pelagi fundo

solvit maris unda beatum,
Martyris ergo Dei

dedit aequor signa tropaei,
Cum non est tanti

[mare] passum vincula
sancti.
V. Praecipiente pio

tunc noctis tempore Iusto
Condita sunt digno

sua digne membra [se-
pulcro].