54. De s. Kathanna de Suecia.

In 1. Vesperis.
Ad Magnificat.

A. O beata sponsa Christi,
Katbarina, meruisti
Apud regem angelorum
Suscitatrix mortuorum

Fieri quam plurium;
Felix tui depressio
Superbis fit repressio

Et robur humilium.
Tu pro nobis, virgo pia,

Roga regem omnium,
Ut donet vera gaudia

Praesens post exsilium.

Ad Matutinum.
Invitatorium.

Regi Christo iubilantes
Laudum per insignia

Exsultemus venerantes
Katharinae sollemnia.

In 1. Nocturno.
Antiphonae.

1. Nata virgo Katharina
Regalis prosapiae
Rara continentiae
Mox refulsit gratia.

2. Katharina puellula,

Flagellata (a) daemonibus,
In amore radicata
Christi stat robustius.

3. Adulta virgo nubilis
Duci desponsatur,
Quem sanctis suis monitis
Castum Christo lucratur.

Responsoria.

1. Facto voto castitatis

Sponsa, sponsus pariter
Sub aspectu deitatis

Mundum ludunt fortiter,
Spreta spe posteritatis

Deo vivunt dulciter.
V. Carnem sub cilicio

Iugiter premebant,
Precibus, ieiunio

Semper insistebant.

2. Dum sic ambo continenter

Christum colunt sedulo,
Urget daemon fraudulenter

Cadere proposito,
Hinc in sanctos impudenter

Fratrem movet odio.
V. Nam dum frater observavit

Horum castimoniam,
Quasi stultos obiurgavit

Exprobrans ignaviam.

8. Sanctae matris et avorum

Sequitur vestigia,
Romam petit, ut sanctorum

Veneretur limina
Et ut Christi passionem

Recolat intimius,
Terrae sanctae regionem

Visitat devotius.
V. Sicut quondam patriarcha

Dereliquit propria,
Sic maritum Kathariria

Spreta liquit patria.

In 2. Nocturno.
Antiphonae.

1. Postquam virgo Katharina
Exsul Romae habitat,
Matrem piam comitata
Sancta loca visitat.

2. A maligno est tentata
Coniugis memoria,
Quem mox Deus ad beata
Caeli duxit gaudia.

3. Maria matri reserat,
Quam felix eius filia,
Quod pauper facta spreverat
Opes cum mundi gloria.

Responsoria.

1. Quidam comes inflammatur

Veneris incendio,
Ab hoc sancta postulatur

Iungi matrimonio ;
At repulsus comes nocte

Abditur in vineis,
Ut hanc raptet facto mane,

Sed privatur oculis.
V. ''Apertis comes oculis, nihil
videbat ; ad manus autem
illum trahentes introduxerunt
ad sanctam Katharinam,
qua orante cum matre pro
eo confestim cecidit caligo ab
oculis et visum recepit''

2. Virgo Christi passionem

Cogitabat sedulo,
Semper sponsi unionem

Affectabat serio,
Ut referret talionem

Ex affectu intimo.
V. Quaerit Iesum toto corde,
Eius mortem cum maerore
Tractat fundens omni die
Lacrimas pro sanguine.

3. Matris ossa, virgo pia,

Dum defers in Sueciam,
Ne errares hac in via,

Stellam habes praeviam,
Cuius luce Deo duce

Recta petis patriam.
V. Quot perversi sunt conversi

Sacris tuis monitis,
Quot infirmi sunt curati

Precibus et meritis
!In 3. Nocturno.
Antiphonae.

1. Quanto sese deprimebat
Humilis nobilitas,
Tanto magis elucebat
Nobilis humilitas.

2. Quando Tibris alte suum

Superabat alveum,
Grave Romae civitati

Minitans exitium,
Haec rogata tactu pedum

Dimovet imperium.

3. Sicut coenobitas fugit

Suis votis non contentos,
Katharina sic diligit
Factis votis delectatos.

Responsoria

1. Tordonis manum praesulis

Post mortem virgo comprimit,
Hoc, ut fidelem subditis

Impendat curam, innuit,
Quem vivens iuvit gratia
In Romana curia
Pro confirmanda infula.
V. Quod viva verbis, precibus,

Exemplo, zelo, monitis,
Post mortem fecit nutibus,

Sic salus facta plurimis.

2. Post labores hic completos

Vocaris ad praemium,
In amplexus sponsi laetos

Properas et gaudium.
Gaudet terra, plaudit caelum

Sidus mittens lucidum,
Quod ad tui stetit promptum

Funeris obsequium.
V. ''Stella, quam viderant viri
timorati cum aliis luminari-
bus in aere, antecedebat funus,
usque dum veniens staret
supra, tibi sacrum pignus
conditum fuit.''

In Laudibus.
Antiphonae.

1. Sicut Ioseph et Maria,
(Sic) Eghardus et Katharina
Carnali sine copula
Casta fuerunt lilia.

2. Devota meditatio,

Preces et ieiunia,
Iugis humi cubatio

Erant horum media,
Quibus petiebant vitia;
Sequamur haec vestigia.

3. Pompam despexit vestium
Non sequens morem principum,
Hinc oculis nobilium
Ipsius vestis lacera
Divinum per miraculum
Putatur praestantissima.

4. Ab ancillis obiurgata

Gaudens fert ludibria,
A vicinis damnis laesa
Reddit beneficia.

5. O Katharina filia,

Non cedis matri mortua
Miraculorum gratia.
Sancta mater, felix nata,

Nobis per vestra merita
Caeli donentur gaudia.

Ad Benedictus.

A. Gestant reges et magnates
Corporis exuvias,

Multis modis student omnes

Tangere reliquias;
Eius sanctos imitantes

Mores simus humiles,
Ut pro nobis fundat preces,

Deprecemur supplices.