29. De sancto Firmina.

In 1. Vesperis.
Antiplionae.

1. Firmina virgo,

virtutis speculum,
Transit felix

ad caeli solium,
Cuius prece

coetus fidelium
Summi regis

intret in gaudium.

2. Opus Firmina

fecit mirificum
Ad lucem de tenebris

revocans impium
Elimpiadem,

convertens ad Dominum.

3. Manus, quam levat impius
Stetit immobilis,
Adflictus clamans caelitus
Liberatur virginis precibus
Et sic pro fide moritur.

4. O quam magnum miraculum I
Flatu confringens idolum,
In Iulumque convertitur,
Sic error vincitur.

5. Post tot magna miracula
Tantaque dira martyria
Crinibus virgo suspenditur,
Rogus adhibitur
Et sic felix

caelum ingreditur.

Ad Magnificat.

A. Gaude, Roma,

ditata gloria,
Tot sanctorum

agens sollemnia,
Gaude tota

de rosa rubea,
Qua ditatur

felix Amelia,
Quam tu profers,

vivit in saecula.

Ad Matutinum.
Invitatorium.

Christum, regem gloriae,

omnes adoremus,
In honorem virginis

ipsi iubilemus.

In 1. Nocturno.
Antiphonae.

1. Praefecti genere
rosa progreditur,
Cuius odor

per mundum spargitur.

2. Mundum fugit

spernens illicita,
Deum pulsat
prece mirifica.

3. Haec constanter

tyrannum superat,
Dum ferventer
iidem annuntiat.

Responsoria.

1. Mundum calcat sub pedibus
Romam derelinquens,
Deserta Joca transmeat
obsequiis insistens.
V. Mentis servans munditiam,
carnis virginitatem,
Deo servire studuit
per morum honestatem.

2. Virgo, pugil Christi,

virtutum forma fuisti,
Dum pro fide Christi
coronari meruisti;

V. Fulgida stella maris,

nos protege, nos tuearis.

3. Dum Firmina gressum figit

in Christo, stat fortiter,
Fidem tenet, non mollitur

resistens viriliter,
Iudex furit nec timetur,

dum sperat sublimiter.
V. Haec blandimenta respuens

iudicem despexit,
In Christo sponso glorians,

quem multum dilexit.

In 2. Nocturno.
Antiphunae.

1. Dum iniusti

lacertus tenditur,
Riget statim,

nequaquam flectitur.

2. Orat firma

Firmina dulciter,
Relaxatur

Lacertus iugiter.

3. Stupet iudex,

statim convertitur,
Fidem tenens
pro fide moritur.

Responsoria.

1. Nobilis est genere

praefectorum alumna,
Gentem devicit perfidam-
que nimis furibundam
Coronam lncrans gloriae
pretiose iucundam.
V. Haec convertit praesidem
Secumque traxit iudicem
Ad gloriam caelorum.

2. Virgo flagellatur,

suspenditur et cruciatur,
A Christo iuvatur

nec flagellis superatur.
V. Stat constanter pugil fortis.
Fidem tenet hora mortis,
Dum pro Christo patitur.

3. Dum orantis

devota carmina
Caeli petunt

alta sublimia,
Mox redduntur
stupida brachia
Iam fideli.
V. Adflictus verbere,
Promittit credere,
Redditur sanitas.

In 3. Nocturno.
Antiphonae.

1. Dum imago devastatur,
Virtus Christi demonstratur
Flatu sanctae virginis.

2. Stupent omnes et mirantur,
Laudes Christo decantantur
Immenso prodigio.

3. Cum Firmina verberatur.
Amor Christi inflammatur,
Nec terretur verbere.

Responsoria.

1. Verbum Christi

dum palam promitur,
Multitudo

magna convertitur.
Iudex furit,

mina contemnitur

Nec timetur.
V. Vix flagelli

amore vincitur,
Dum in Christo

Firmina figitur.

2. Deos exprobrat.

statua frangitur,
Dum Firminae

flatu contingitur,
Stupent omnes,

fides extollitur;

Sic error vincitur.
V. Firma, [virgo],

fortis in agmine !
Verba profert

virtutis nimiae.

3. O, quam magna
virtus ostenditur,
Dum Firmina
crine suspenditur,

Stat invicta,

sic tamen moritur.
Alleluia.
V. Virgo, sancta,

commenda Domino,
Qui te laudant
devoto cantico.

Ad Laudes.
Antiphonae.

1. Adest dies laetitiae,
Qua rosa delicata
Offertur regi gloriae
Deliciis ornata.

2. Haec corona duplici
In caelis coronatur
Et virtute multiplici
In terris comprobatur.

3. Nobilis es genere,

Firmina, virgo Christi,
Non superaris verbere
Inimicum vicisti.

4. Carnem adflixit iugiter
Ieiuniis vacando,
Fidem defendit fortiter
Pro Christo moriendo.

5. Castitatis lilium

Suspenditur per crines,
Gloriatur nimium
Tendens in sublimes.

Ad Benedictus.

A. Ave, virgo speciosa,

Gemmae iubar, florens rosa.
Stella splendens virtuosa,
Nos conserva iugiter.

In 2. Vesperis.
Ad Magnificat.
A. O speculum munditiae,
Summi vas honoris,

Virginitatis lilium
Mirifica candoris,

Translata es cum gloria
In supernis choris.