10. De sancto Alexandro.

In 1. Vesperis.
Super Psalmos.

A. Ave, decus martyrum,
Ave, splendor siderum,

Alexander pie, bone;
Ave, caeli gaudium,
Ave, salus hominum,

Ductor viae, spes coronae,
Eductos de tenebris
Nos coniunge superis.

R. Gloriosa bella certaminis

Recolens ecclesia
Alexandri, EventiietTheodoli

Venerantur merita,
V. Triumphalem titulum

Erigens ad sidera.

Ad Magnificat.

A. O vos flores pretiosi,
In conspectu Domini

Assistentes gloriosi
Cum palma martyrii,

Alexander, instar rosae
Stipatus Eventio

Et fulcitus specioso
Flosculo Theodolo.

Preces nostras exaudite,
Ut consortes fieri

Mereamur, subvenite.
Vestri pleni gaudii.

Ad Matutinum.
Invitatorium.

Christo, regi martyrum,
Laeti iubilemus,

Alexandrum martyrem,
Venite, laudemus.

Ad Nocturnum.
Antiphonae.

1. Alexander, ecclesiae
Pontifex Romanae,
Velut lignum frondibus
Sic viruit virtutibus.

2. Hunc sequens Eventius,
Fide constantissimus,
Caritate fervidus,
Spe regni fortissimus.

3. Quorum se collegio
Securus de praevio
Sociat Theodolus,
Poenis invictissinus.

Responsoria.

1, Quorum meritorum

specialis gratia
Corpus oppressorum

Levat de angaria,
V. Una trium horum

Celebris memoria.

2. Hi tres viri trinitatis
Unitatem, maiestatis
Praedicant imperium,
V. Trinum amant,
Unum clamant
Auribus fidelium.

In Laudibus.
Antiphonae.

1. In camino caritatis
Martyres probati
Scandunt thronum claritatis
Lauro coronati.

2. Hymnizantes, iubilantes
Deo canunt dulcius,
Qui per Deum triumphantes
Ludunt in caelestibus.

3. In crucis angaria
Isti tres igniti
Mente ad caelestia
Oscitant in siti.

4. Hi cum tribus pueris
In camino passionis
Creatorem omnium
Benedicunt Dominum.

5. Laus immensa Deo,

sanctorum digna tropaeo,
Quorum martyrium

sanguine pingit humum.

Ad Benedictus.

A. Benedictus Dominus,
Qui beatum Alexandrum

Coronavit hodie,
Eventium et Theodolum
Simile ob meritum

Pari iungit gloriae.

In 2. Vesperis.
Ad Magnificat.

A. O Christi martyres,
Nos in via fragiles

Prece sustentate,
Ne in fide debiles
Ruamus ad flebiles

Poenae praeparatae.