71. De sancta Reparata.

Ad Magnificat.

A. O beata Reparata,

virgo prudentissima,

Quae cum Christo thronum tenes

in caelesti curia,
Famulorum supplicantum

attende precamina,

Tua prece fac, ut Christi
perfruamur gratia.

Ad Matutinum.
Invitatorium.

Virginis ad festum
Reparatae convenientes

Reddamus Christo
grates indeficientes.

In 1. Nocturno.
R esponsoria.

1. Virgo, satis grata

reparatori, Reparata,
Nos sponso repara

danti tibi regna beata,
V. Ut sponso cari

mereamur sponsa vocari.

2. Gaude, virgo Dei,

quae praesidis ante tribunal
Promerita es sisti

pro dulci nomine Christi.
V. Molles adfatus,

terrores et cruciatus
Aeque contemnis

pro dulci nomine Christi.

3. Eia, virgo decens,

monitus attende salubres,
Esto nostrorum

cultrix devota deorum;
V. Hoc decet, hoc fas est,

Christum coluisse nefas est.

In 2. Nocturno.
Responsoria.

1. O iudex insanis,

non sunt libamina vanis

Diis impendenda,

Christo sunt baec referenda,
V. Qui mare quique solum
condidit atque polum.

2. Mox ad tormenta

manus est conversa cruenta,
Virginis et corpus

duros tolerat cruciatus,
V. Lampades ardentes,

plumbum fornacis et ignes.

In 3. Nocturno.
Antiphonae.

1. Virgo prudens, fide fervens
in aetate tenera,
In amore Christi [sui]
permanet inconcussa.

2. Christum verum esse Deum
clamat, voce praedicat,
Deos illos falsos esse
ratione comprobat.

3. Christo, inquit, soli debet
immolari hostia,
Per quem fiunt, vivunt, crescunt
et reguntur omnia.

Responsoria.

1. Virgo virum fortem

fragilis, iuvenem duodennis
Vicit et ad vitae

festinat regna perennis,
V. Pervigili cura

reprobat, refugit peritura.