2. De Corona Spinea.

In 1. Vesperis.
Antiphonae.

1. Gaude felix

mater ecclesia,
Assunt titi

nova sollemnia,
Nam corona

quondam in gloria
Nunc per orbem

refulget gloria.

2. Corona conturoeliae
Cruore regis gloriae

Sacro consecratur,
Veneremur opprobrium,
Quo salutis remedium

Mundo reparatur.

3. Exite, Sion filiae,
Videte regem gloriae

Sub coronae ludibrio,
Fert diadema spineum
Et sceptrum arundineum

Mundano spreto gaudio.

4. Coronam pulchritudinis
De carne sumptam virginis

Pro nobis Christus detulit,
Quae sub corona spinea
Pio cruore rosea

Vitae coronam contulit.

5 Christum eductum populo
Damnant crucis patibulo

Iudaei, viri sanguinum,
In vestitu purpureo
Illusum serto spineo

Mundi coronant Dominum.

Ad Magnificat

A. O coronae

miranda dignitas,
Poenas mortis
repellens debitas!

Tu spes lapsis,

infirmis firmitas,
Tu restauras

coronas perditas.

Ad Matutinum.
Invitatorium.

Assunt dominici

Serti sollemnia.
Laude multiplici

Plaudat ecclesia.

In 1. Nocturno.
Antiphonae.

1. Christum sub serto spineo
Deridet plebs perfidiae,
Cuius cruore roseo

Sertum confertur gloriae.

2. Plebis fit abiectio
Decus angelorum,
Spinae sub opprobio
Datus rex caelorum.

3. Sertum contumeliae
Non abominatus
Florem sprevit gloriae
Spinis coronatus.

Responsoria.

1. Spina carens

flos spina pungitur,
Per quam culpae

spina confringitur,
Spina mortis

spinis retunditur,
Dum vita moritur.
V. Hac ludibrium

Hostis deluditur,
Mortis dominium
Per mortem tollitur.

2. Spinae poeria

culpas exterminat,

Et dolores
dolor eliminat,

Mors[que] vitam
sub spina germinat
Et mortem terminat.
V. Inter spinas

honor illuditur,

Vita mortem

sub spinis patitur.

3. Flos de virga

natus virginea,
Puritate

nitescens nivea,
Sub punctura

marcescit spinea

Crucis in area;
V. Virga florem

virtutum genuit,
Per quem totus

orbis refloruit.

In 2. Nocturno.
Antiphonae.

1. Gestat coronam spineam
Rex in derisum traditus,
Ut ad coronam auream
Nobis pateret aditus.

2. De torrente

bibens miseriae
Exaltavit

caput rex gloriae
Coronatum

spinis angustiae.

3. Regem Sibylla cecinit,

Quod ferret sertum spineum,
Hoc Iudaea non meminit
Spinae praebens aculeum.

Responsoria.

1, O miranda

regis dignatio,

Quae se spinae

subdit opprobrio ;
Felix huius

spinae condicio,
Quae spinetum

purgat a vitio !
V. Flos, spineti

decus et gloria,
Pro spineto

suffert opprobria.

2. Mortis sceptrum comminuit
Vita, dum spinis pungitur,
Vitae coronam tribuit,
Dum sub corona moritur.
V. Christus spinae

punctus angustia
Nobis confert
coronae gaudia.

3. Coronat regem omnium

Iudaea serto spineo,
Stat inter spinas lilium

Vernans cruore roseo,
Spinarum culpae nescium,

Spinae punctum aculeo.
V. Sub decore

fulget purpureo
Corpus nitens

candore niveo.

In 3. Nocturno.
Antiphonae.

1. O felix punctio,

Quae vitam reddidit,
Cuius supplicio
Mors mortem perdidit.

2. Spinam rex non reppulit
Nec spinae dolorem,
Spinae sertum detulit
Nostrum ob amorem.

3. Rex sub spinae cuspide
Olim laureatus
Pretioso lapide
Fulget coronatus.

Responsoria.

1. Felix spina,

per cuius circulum
Fluit sanguis,

qui sanat populum,
Felix poena,
felix piaculum,
Quod salvat saeculum!
V. Spina, quae Christum cruciat,
Mundum a culpis expiat.

2. O coronae

tropaeum inclitum,
Sub quo vita

vicit interitum,
Tu tuorum

solamen militum
Et perennis

coronae militum.
V. O praeclarae

signum victoriae,
Tuos serva

servos in acie.

3. Felix spina,

cuius aculei
Guttis rubent

roris sanguinei,
Vires frangunt

regis tartarei,
Seras pandunt

regni aetherei.
V. O spinarum

immensa gloria,
Quae tot nobis

praestant remedia!

In Laudibus.
Antiphonae.

1. Adest dies laetitiae,
Quo diadema spineum
Regnum suscepit Galliae
Christi cruore roseum.

2. Summum regem gloriae
Spinis coronatum
Ridet plebs perfidiae
Morti condemnatum.

3. O quam felix punctio,
Quam beata spina.
De qua fluit unctio
Mundi medicina!

4. Pungens spina vulnerat
Christum patientem
Et a morte liberat
Populum credentem.

5. Spinae rubent sanguine
Christum cruentantes,
Mundum lavant crimine
Caelum reserantes.

Ad Benedictus.

A. Ave, spina,

poenae remedium,
Servi decus,

regis opprobrium,
Tua plaga,

dolor, ludibrium
Vitae nobis

mercantur praemium.

In 2. Vesperis.

Ad Magnificat.

A. O decus ecclesiae,

Gloriosa spina,
Sertum regis gloriae,

Mundi [medi]cina,
Praesentis angustiae

Dulcor et resina,
Te laudantes hodie

Serves a ruina.