46. De s. Iohanne Evangelista.

In 1. Vesperis.
Ad Magnificat.

A. O pater venerabilis,
Orbi cuncto mirabilis,

Lux evangelistarum,

O lux apostolorum,
Exemplar abstinentiae,
Insigne pudicitiae,

Imago veritatis,
Te laudat caeli curia
Christi felici gloria

Assumptum cum beatis
Chorisque apostolicis,
Propheticis, angelicis

Fac frui deitatis.

In 1. Nocturno.
Antiphonae.

1. Ioliannes velut aquila

Transcendens mentem omnium

Beatorumque agmina

Adeptus est in praemium.

2. Hic a Deo praedilectus

Adhaesit Christo firmiter,
Cena stringens sacrum pectus
Obdormivit suaviter.

3. Alta voce coetus clamat:
O pie discipule,
Drusiana, quam amabas,
Fertur in hoc funere.

4. Mortem vicit hic mortalis,
Dum mortuos resuscitat,
Fervens oleum legalis
Iohannes in se superat.

5. Pendens Christus patibulo
Matrem Iohanni condonat
Et de puro discipulo
Virginis natum adprobat.

6. Funde preces iam pro tuis
Devotis fidelibus,
Ut fruantur tamquam suis
Gaudiis caelestibus.

In 2. Nocturno.
Antiphonae.

1. Venenum mortem continens
Crucis signo praemonitus
Iohannes, vitam instruens.)
Sumpsit ob id intrepidus.

2. Revelator arcanorum

Se transtulit ad insulam,
Librum vitae atque morum
Scripsit hic christicola.

3. Mira virtus de Iohanne
In Pathmos extollitur,
Ubi dulce canit carmen,
Quo secretum panditur.

4. Sit qui venit benedictus
In honorem Domini,

Clamat populus electus
Civitatis Ephesi.

5. Cura hic esset scriba doctus
Confectus dulci senio,
Iesum vocat praeelectus
Ferventi desiderio.

6. Sponte se submittit humo,
Unde manna provenit,
Liberum a mortis fumo
Iohannem Christus suscipit.

In 3. Nocturno.
Responsorium.

Supra pectus Iesu Christi
Tu, Iohannes, dorniivisti,
Eius matrem recepisti,
Cruci cuius astitisti;
Veni, mi amor, audisti,
Cum ad caelos ascendisti.
V. Sicut absque omni labe,
Ita sine carnis tabe
Iungi Christo meruisti.