24. De sancto Eunnphrio.

In 1. Vesperis.
Ad Magnificat.

A. Exsultet caeli curia

Sanctorum ad consortium
Novo cive translato,
Congaudeat ecclesia,

Nostrum quoque collegium
Eunufrio beato,
Omnis Christi militia
Virum laudet humillimum
In caelis exaltatum.

Ad Matutinum.
Invitatorium.

In militis sollemniis
Rex regum collaudetur

Eunufrii, cum gaudiis
Et votis honoretur.

In 1. Nocturno.
Antiphonae.

1. Ut arbor iuxta fluvium
Aquae vivae plantata
Eunufrii dat nimium
Fructum vita beata.

2. Casto timore pertulit
Imbutus disciplinam,
Iugum peccati reppulit
Et saeculi ruinam.

3. Voce devota clamitat
Et Dominus exaudit,
Opem devotis impetrat
Et monitis adplaudit.

Responsoria.

1. Vir sanctus ad coenobium

Eunufrius cum properat,
Implens Christi consilium

Virtus aetatem superat,
Per gratiae praesidium

Menti sensus obtemperat.
V. Luxu calcato noxio

Deo firmus inhaeret,
Foedo cura sui gaudio

Occasum mundi maeret.

2. Novit Heliae merita

Scriptura referente
Et praecursoris inclita

Duce Christo favente,
Deserti petit abdita

Spreta mundana gente;
V. Subtractus a consortio

Mundi decipientis,
Purgatus a contagio

Carnis allicientis.

3. Ingressus solitudinem

Virtute roboratur,
Temptantis altitudinem

Contra fidem luctatur,
Dei beatitudinem

Devote contemplatur.
V. Solis ardore squalidum

Ventus, imber infestat,
Casto timore candidum

Lux vitae manifestat.

In 2. N octurno.
Antiphonae.

1. Quiete pacis intimae
Christo mirificatur,
Electae pacis optime
Cum merito laetatur.

2. Ornatur scuto fidei

Christi miles invictus,

Dignus cum palma provehi

Ad caelum benedictus.

3. Caelis emisso nuntio
A Deo visitatur,
Honore, laude, praemio
Coronae decoratur.

Responsoria.

1, Capillo pro tegmine

Nudum corpus obducitur,
Radicum in esurie

Virentis herbae fruitur,
Tali cum moderamine

Daemon victus eicitur.
V. Aquae mensura bibitur

Vini spreta dulcedine,
Hostilis fraus depellitur

lllaqueans mulcedine.

2. Mirandum est, quod creditur,

Si summum sacramentum
Presbytero conficitur

Per Christi documentum,
A sancto viro sumitur

Salutis in augmentum.
V. Quod agitur, spiritibus

Sanctis ratificatur.
Virtus sacratis ritibus

Divina non ligatur.

3. Sex lustris pane pascitur

Mirando vir beatus,
Pampnutius suscipitur

Hospes fame laxatus,
Verbo Dei reficitur

Virtute solidatus.
V. Uterque pane vescitur

Tunc integro delato,
Largitor benedicitur

Egcnte saturato.

In 3. No cturno.
Antiphonae.

1. Hic iustus sine macula
Verax et mansuetus

Dilecta tabernacula
Colit iam Deo fretus.

2. Vultus divini visio

Virum virtute gratum
Completo desiderio
Laetificat beatum.

3. Hic quaerens Dei faciem
Eius subit in montem,
Contemplans Dei speciem,
Beatae vitae fontem.

Respousoria.

1. Oculis ac manibus

In caelum elevatis
Iungebat preces precibus

Devotis impetratis
Gratiae muneribus

A fonte bonitatis.
V. Migrantis luce claruit

Vultus viri mirificus,
Locum mirandus imbuit

Odor ut aromaticus.

2. Ad sancti viri transitum

Sanctorum chorus advenit
Laudes Deo canentium,

Christus ad caelum provehit
Virum, quem carne positum

Donis supernis imbuit.
V. Tamquam columba candida

Petit anima Deum
In omni vita nitida;

Prece pulsemus eum.

3. Leo deplorat mortuum

Curvatus et adorat,
Fodit in ungue tumulum,

Pampnutius ut orat,
Nudum viri corpusculum

Tegens vestis honorat.
V. Translato patre concidit

Palma cum sua cellula.
Pampnutius haec concinit

Eius vitae miracula.

In Laudibus.
Antiphonae.

1. Praecinctus fortitudine
Eunufrius prostravit

Hostem et pulchritudine
Indutus honoravit

Christum et sanctitudinem
Domus eius amavit.

2. Soluto culpae vinculo
Contemnit civitatem,

Deserti tabernaculo
Locatus ubertatem

Quaerit virentis pascuae,
Dei suavitatem.

3. De luce Deo vigilans
In sancto sic apparet,
Ut ipsum mente sitiens

Videret et amaret,

Antra deserti penetrans

Quietus et oraret.

4. Vir corde sanctus, humilis

In vita benedixit
Deum, virtute stabilis

Diabolum adflixit,
Se mente caeli habilis

Christo cruci confixit.

5. Hunc sanctum contra militat
Nix, ignis, grando, pluvia,

Sed robore stabilitat
Perfusa caeli gratia,

Hymnum novum cum gloria
Sibi canat ecclesia.

Ad Benedictus.

A. In sanctitate Domino
Servivit et iustitia,
Mortalis vitae termino
Solutus a miseria

Eunufrius beatus,
Nunc fruitur in patria
Beata caeli gaudia
Splendoribus ornatus.

In 2. Vesperis.
Ad Magnificat.

A. Eunufri, pater optime,
Te invocamus hodie,
Imple tui memoribus,
Quod pie promisisti.
Funde preces ad Dominum,
Ut deleat contagia,
Cuncta pellat tristia,
Fuget adversantia

Sublato saevo iudice,
Concessa culpae venia,
Omni pulsa miseria
Nobis aeterna gaudia
Donet in caeli curia.