6. De Beata Maria V.

In 1. Vesperis.
Super Psalmos.

A. Trinitatis thalamum,
Angelorum gloriam,

Castitatis balsamum
Et lapsorum veniam

Laude totus et devotus
Chorus iste veneretur,
Dei matrem et precetur,

Ut nos ita sub hac vita
Mundos omni vitio
Caros reddat filio,

Quod ipsius prece pius
Piae matris regno patris
Ipsa duce vera luce
Frui donet et coronet
Ut dilectos et electos
Laurea triumphali.

Ad Matutinum.
Invitatorium.

Salutis matrem

adoremus virginem,
Cuius sanctitas mundo

Deum parit et hominem.

In 1. Nocturno.
Responsoria.

1. Mater casta, pia

rosa, mitis virgo, Maria
Concepit florem

nec perdidit ipsa pudorem,
V. Haec impraegnata

Christum parit inviolata.

2. Florem virga parit,

quam flospriusipse creavit,
V. Teste prophetia

Deus est flos, virga Maria.

3. Virga dedit florem

castum servando pudorem,
Iustitiae solem,

patris per saecula prolem.
V. Gaudeat omnis homo,

quoniam peperit pia virgo.
Gloria divino

sit regi, nomine trino.

Prosa.

Pater per saecula
Sponsam ad oscula

Invitat virginem,
Adulescentula
Confestim credula

Gignit propaginem.

Res mira geritur,
Vilibus tegitur

Hic infans vestibus,
Quo solo regitur,
Quidquid concipitur

In mundi finibus.

Hostis perfidiam
Non per iniuriam

Hic fregit parvulus.
Precatur Mariam,
Matrem et filiam,

Fidelis populus,

Auferat haec molem,

frangantqueprecaminapro-
lem.

In 2. Nocturno.
R esponsoria.

1. Ave festiva ferculis

Salomonis conviva,
Regis aurea

conscendens triclinia,
Pro agni occisione

martyr purpurea mente,
Pro gratia

benedictionis
Argenteis

suffulta colonnis.

V. Monte Libano magis
candida virgo,
O quam terribilis

in ordine caritatis
Transiit per medias
Ierusalem filias.

2. Maria sacratissima,

Dei mater et hominis,
Roga natum, piissima,

Ne nos ob culpas criminis
Tradat in obscurissima

Loca poenalis fulminis.
V. Cuius praesidio

toti succurritur orbi,
Posce reis veniam

nobis cum prole beata.

3. Haec est mater triumphalis,
Mundi salus unica,
Cuius aula virginalis
Voce sub angelica
Verbo fecundatur,
Quod ex patris voluntate
Obumbrante spiritu,
Fracto nunquam aditu
Nec abscissa trinitate
Deus humanato,
V. Ut nos salvet a peccatis,
Quos lex eius sauciat,
Et heredes faciat,
Suae pietatis.

Trinus honor trinitati
Detur, laus et gloria,
Cuius dante gratia

Deo sumus grati.

Prosa

Virgo sine simili,

Mater singularis,
Digna partu nobili

Vitae salutaris.

Tuam nobis gratiam
Praesta, quam optamus,

Fac, ut mundi gloriam
Mundi caveamus.

Virgo, mater regia,
Scimus ex te natum,

Per quem datur venia,
Cessat et peccatum.

Nobis placa filium.

Cuius sumus rei,
Ut in eius gaudium

Adiungamur ei,

Qui dignatur humilis

Nobis apparere,
Cum sit rex mirabilis,

Trinus, unus vere.

In 3. Nocturno.
R esponsoria.

1. Aurea de spinis

processit vilibus olim
Virgula, flos cuius

roseus resplenduit ut sol.
V. Sentes Iudaeam

portendunt, virga Mariam,
Ex cuius flore

Messiam protulit ex se.

2. Sicut sol stellas

superat, sic virgo puellas,
Quae genuit prolem

superantem lumine solem.

V. Virgo, Dei genetrix,

assit lapsis reparatrix.

3. Rosa fragrans, lux solaris,

Virginale speculum,
Tu praesiguans singularis

Castitatis titulum
Et propinans salutaris

Medicinae poculum ;
Matris reae, mater pia,

Redimeris interitum,
Templum patris es effecta

Ob virtutum meritum.

V. Ius naturae superari

Stupet per te virginem,
Quia Deum peperisti
Pariter et hominem.

Prosa.

Templum pudicitiae,
Nova stella maris,

Naufraganti lux viae
Partu salutaris,

Per te sol iustitiae,

Lapis angularis,
Hos coaptet gloriae,

Ubi gloriaris.

Roga patrem, filia,
Placa, mater filium.

Cum dulci melodia
Sibi vox psallentium

Per tua subsidia
Dari poscit bravium,

Quod non tollat dulia
Nec demergat vitium.

Efficaci tua prece
Omni nos emunda faece,
Sic collaudet te vox chori,
Ut coaptet se cor ori

Ob virtutum meritum.