76. In Festo Sororum BMV.

In 1. Vesperis.

R. Benedicta villa maris,

Quam thesauris tam praeclaris

Rex ditavit gloriae,
In te portus salutaris,
Sal virtutis et amaris
Aquaeductus gratiae.
V. Sola digna gloriaris,
Quod sorores amplexaris
Virginis eximiae.

Ad Magnificat.

A. O felix prosapia,

Ex regali germine
David propagata!
Beata Provincia,
Sub Mariae nomine
Stellis illustrata !
Digne gaudes, villa maris,
Quae duabus filiabus
Annae Venustaris.

Ad Matutinum.

Invitatorium.

Iubilemus in hac die
Dignis Deo laudibus,
Qui claris virtutibus
Regnum dat sororibus

Virginis Mariae.

In 1. Nocturno.
Antiphonae.

1. Ecce, dies gloriosa,
Dies mundo gratiosa,
Qua sorores matris Christi
Meruerunt caelo sisti.

2. Gratuletur civium

Coetus supernorum,
Festivans sollemnium
Sacrarum sororum.

3. Almae matris nomine
Vocatae sorores
Stellae maris, feminae
Pollent gratiosae.

Responsoria,

1. Dies festus beatarum
Matris Christi germanarum

Celebratur hodie,
Quas invitat ad superna
Christus, luce sempiterna
Fruituras gloriae;
V. Felicium par sororum

Chorus gaudet supernorum.

2. Mirandae propagines
Tres ex una vite
Generantur,
Procreantur

Ex quibus sex homines
Et creator vitae;
V . Sic ex Anna tres puellae,
Omnes dictae maris stellae.

3. Ante regis solium
Astat purpurata,
Per duarum
Puellarum
Fulta ministerium,
Hesther delicatas
V. Hae puellae duo flores,
Matris Dei sunt sorores.

In 2. Nocturno.
Antiphcmae.

1. Anna, coniunx Ioachim,
trinos sponsos habuit
Et Mariam, Domini
matrem, primo genuit.

2. Quo defuncto Cleopham
maritum accepit,
De quo matrem Iacobi
Mariam concepit.

3. Demum sponso Salomae
tertio donatur,
Hinc Maria, Salome
dicta, generatur.

Responsoria.

1. Maria post sabbatum
Duaeque sorores
Emerunt aromatum
Mysticos odores,
Cupientes stigmatum
Ungere livores,
V. Et dicunt ad invicem:
Quis revolvet silicem
Ad sepulcri fores?

2. O Iesu, deiferae

Lucis instrumentum,
Olivae fructiferae

Dulce condimentum,
Quem duae materterae
Mane quaerunt ungere

Portantes unguentum ;
V. Hae super candelabrum

Duo sunt olivae,
Post crucis ventilabrum

Testes carnis vivae.

3. Orto solis radio
Mulieres visio

Clara consolatur,
Angelus terribilis,
Veste delectabilis,
Amoto signaculo,
Reserato tumulo

Eas sic adfatur:
V. Non est hic, quem quaeritis,
Sed, prout videbitis,

Surgens gloriatur.

In 3. Nocturno.
Antiphonae.

1. Maria de Ioachim
fuit primogenita,

Quae Christi per gratiam
mater fuit inclita.

2. Haec Maria Iacobi
minoris est mater,
Cuius fuit Cleophas,
homo iustus, pater.

3. Et Maria, Salomae
proles erudita,
Paterno sic nomine
fuit insignita.

Responsoria.

1. Duo luminaria

Praeclara formantur,
Duo sanctuaria,

Quae huc destinantur,
De quorum praesentia
Fulget haec ecclesia,
Caelum, terra, maria

Pariter lactantur.
V. Felices materterae,
Sorores Christiferae,
Cum virtutum munere

Ad nos applicantur.

2. Scriptam Deus in tabulis
Duabus legem statuit,
Post Verbum-caro populis,
Gratiae plenum, claruit,
Quam signis et miraculis
Mundo vivens exposuit.
V. Dum sorores matris hic posuit,
Duas legis tabulas tribuit.

3. Gaudeamus hodie,
Immensae laetitiae

Laudes extollantur,
Dum reginae gloriae
Sorores egregiae,
Annae duae filiae,

Caelo coronantur.

V. Hic chorus ecclesiae,
Ubi sunt reliquiae;
Plebs tota Provinciae
Digne gloriantur.

Ad Lau des.
Antiphonae.

1. Cum Maria Magdalene
Sorores venerunt
Et unguentum fide plenae
Mane portaverunt.

2. Ad sepulcrum veniunt
Sociae beatae,
Quod solis aspiciunt
Orta claritate.

3. Et intrantes splendidum
Iuvenem sedere
Vident, stola candidum,
Et obstupuere.

4. Mulieres leniter
Angelus adfatur
Et paventes dulciter
Eas consolatur:

5. Scio, Iesum quaeritis

Credentes hunc mortuum,
Surrexit, videbitis,
Ecce, locum vacuum!

Ad Benedictus.

A. Benedicta sit trinitas

Ter Annae replens uterum,
Benedicta germanitas

Trium praeclara siderum;
Benedicta sit iterum
Trinae Mariae claritas,
Per quas hos fines visitas,
Dator aeterne munerum.

In 2. Vesperis.
Ad Magnificat.

A, O lux luce clarior,
Gemina lucerna,

Ceteris splendidior

Dies hodierna,
Qua sorores strenuae

Scandunt ad superna,
Gaudentes assidue

Luce sempiterna.