59. De s. Lucia Salernitana.

In 1. Vesperis.
Antiphonae.

1. Iam splendor, lumenluminum,
[ln] Ecclesia micuit,
Nam lux, quae radiavit,
Lucia, consors virginum,
Candor lucis apparuit,
Ad caelos evolavit.

2. Cuius perfecta sanctitas

Per mundum duxit rivulos,
Qui scaturinnt, aquarum,
Istius fontis claritas
Sororum traxit ramulos.
Ad matrem filiarum.

3. Haec virgo spernens gloriam
De mundo fert victoriam

In ordine Minorum,
Dumque Francisci studia
Sectatur, est in gratia

More patrum priorum.

4. Lucia docens filias,
Cuius est ad iuvenculas
Caelestis disciplina,

Crucis Christi delicias
Informat haec novitias
Exemplis et doctrina.

5. Virgo Lucia, gaudeas,
In laude semper floreas

Ad Christumperducflorem,
In annis puellaribus
Delectamenti facibus

Spretis quae das odorem.

Ad Magnificat.

A. O proles nobilium,

O virgo, splendens lilium,
Ex te sidus claruit,
Quod nos illustravit,
Castitas per saecula,
Refulgens Christi vernula,
Lucia lux micuit,
Quae crucem amavit.
In te rosa rutilat,
In te fructifer pullulat
Requiescens spiritus,
Dulcis vis odorum,
Cuius replet sanctitas
Sorores Christo deditas,
Per te nobis aditus
Pateat polorum.

Ad Matutinum.

Invitatorium.

Regi, qui mundo claruit,
Cuncti demus honorem,

Lucia cruci praebuit
Crucem amans amorem.

In 1. Nocturno.
Antiphonae.

1. Haec virgo prudentissima,
Virgo fulgens, flos florum,
Lucia splendidissima

Virginum intrat chorum.

2. Francisci tenens formulam
Haec virgo Deo grata
Illuminavit regulam
Sponso Christo dicata.

3. Mundi spernens delicias
Vult Christum invenire,
Per corporis miserias
Ad caelum studet ire.

Responsoria.

1. Francisci sequens regulam
Cum sancta paupertate,
In voto Christi sedulam,

Perfectam caritate,
Lucia virgo plantulam
Se plantat sanctitate.
V. O iuvenem virgunculam,
Quae se Christo tam parvulam
Dedicat castitate.

2. In mundo spernens vivere
Mundum suppeditavit,
Quae morum fulgens opere

Sorores informavit,
Sic botrum Christi colere
Studens fructificavit.
V. Dam fructus venit legere
Legionis fructiferae
Fructus multiplicavit.

3. In paupertatis nidulo
Iacens virgo sacrata,
Virtutum pollens titulo
Christo configurata,
Sine nummorum loculo
Vivit alleviata.
V..........

In 2. Nocturno.
Antiphonae.

1. Pauper affectans vivere
Pauperibus se vinxit,
Adnullans se in cinere
Cilicio [se] cinxit.

2. Tamquam fidelis docuit
Sorores castitatem
Et semper eas monuit
Sectari sanctitatem.

3. Delectat evangelium

Christi semper audire,
Desiderat in superum
Gaudium introire.

Responsoria.

1. Haec est virgo paupercula
De numero prudentium,
Amatrix margaritae,
Quae castigatur ferula,
Sorores paenitentium
Docens: istic venite;
V. Cunctis datur haec formula:
Quem gessit viigo filium,
Ad ipsum omnes ite.

2. Amica crucis plangere
Crucifixum non desinit,
Quem docensipsaplangit
Pro dulci ferens pondere,
Crucis iugiter meminit,
Nec eam dolor angit;

V, Per crucem credens vivere
Psalmos huic dulces concinit,
Quam tractans manu tangit.

3. Vivens [in] caeli gaudio
Lucia cum tripudio

Cum Christo iucundatur,
Splendorem dans palatio
Lux lucet, cuius radio
Mundus illuminatur ;
V. Cursu laboris praevio
Sursum felici bravio
Fruens deliciatur.

In 3. Nocturno.
Antiphonae.

1. Crucem diligens iugiter
Cordi suo adfixit,
Quam dulce pondus suaviter
Eam laedens adflixit.

2. De petra trahit oleum
Et de rosa odorem,
De testa crucis rubeum
Et lilii candorem.

3. Virgo Lucia macerat

Corpus se flagellando,
Sic ad caelestem properat
Curiam exsultando.

Responsoria.

1. Carnis virgo

spernens delicias
Metit granum,

excutit paleas,
Caeli solum

captat divitias,
Deo laudis

offert primitias ;
V. Virgo virtutes varias
Sponso portat ad nuptias.

2. De paupertatis horreo

Dum studet spicam vellere
Virgo, suo corporeo

Dum castigatur verbere,
Fit panis, quem offert Deo

Pro sui fructus munere ;
V. Sic pro pane cinereo,

Quem fletu rigat ubere,
Pane cibatur melleo,

Quod est cum Christo vivere.

3. Felix virgo, quae laetaris
Gaudio polorum,
Quae cum pace iam cibaris

Pane angelorum,
Quaesumus, reminiscaris ,
Supplicum tuorum,
V. Iam corona puellaris
Tibi datur pro amaris
Vitae meritorum.

In Laudibus.
Antiphonae.

1. Sancta Lucia gaudeat,

Choris [con]iunctavirginum

Habet, quem adamavit;

In caelo gaudens floreat,

In quo lucet lux luminum,

Qua Dominus regnavit.

2. Agnus vocat ad nuptias,
Invitat ad delicias

Ludam castitate,
Non quaerit haec inducias,
Sed spernit mox divitias

Pro Deo, iubilate.

3. Haec in te tota sitiens,
O tu fons indeficiens,

Deus, ad te de luce
Vigilavit, quem diligens
Frequentavit non neglegens,

Amplexans te in cruce.

4. Amatrix crucis Domini
Det crucifixi nomini

Gloriam tractans crucem,
Hanc tenet manu dextera
Ut benedicant opera,

Per quem transit ad lucem.

5. Laudans factorem omnium
Monet turbam fidelium

Hunc solum [adorare],
Quem cymbalis pulsantibus
Et tympanis sonantibus

Non cessat personare.

Ad Benedictus.

A. O lux lucens ecclesiae,
Virginis tam egregiae!
Amat Lucia pauperes,
Spernit mundi degeneres
Mens intus ditata,
Cuius in claustro lectulus
Pauperculus et nudulus,
Crucifixo coniungitur,
Christo passo conectitur,
Cruci conformata ;
Post finis sui terminum
Virgo cum turba virginum
Scandit ad caelos fulgida,
Splendet ut lumen lucida,
Pulchre laureata.

In 2. Vesperis.
Ad Magnificat.

A. Gaude, plebs fidelium,

Plaude, conventus ordinum,
Lucia, candor virginum,

Tuum lauda factorem,
Tibi dantur monilia
Gemmis effulgentia

Dantibus splendorem.
O vita caelestium,

Quae lampade non vacua
Venit ut virgo fatua

Oleum non ferens,
Sed evigilans aperit,
Sponsum digne repperit,

Hunetoto corde quaerens.

Alia Antiphona.
O Iesu, lux signorum,
Fons luminum et stella
Signis radiosa,
Dulcissimus flos florum
Manat ex tua cella,
Virgo speciosa.
Ex rosis hunc hortorum,
Lucia nobi(li)s bella
Radiat ut rosa.
Balsamus unguentorum,
Tus, cedrus et fiscella
Non sic pretiosa,
Sicut est vis odorum,
Quo replet nos puella
Signis gratiosa.