37. De s. Gerardo Poteiitino.

In 1. Vesperis.
Antiphunae.

1. Laudet, eia, salvatorem,
Qui Gerardum confessorem
Sibi dedit in pastorem
Potentina contio.

2. Qui dum circa Dei forum
Lucra quaerit talentorum,
Regni consors fit caelorum
Spreto nequam otio.

3. Lege vigil in divina
Christi fulsit in doctrina
Quasi stella matutina
In nebulae medio.

4. Hinc adeptus est aeterna,
Domo gaudet in superna,
Qui refulsit ut lucerna
Sanctitatis radio.

5. Tua nos oratione
Salvans in bac regione
Fac et caeli mansione
Christi frui gaudio.

R. Sancte Gerarde, tuis

famulis succurre benigne
Et fac nos omnes

meritis iungi tibi digne,
V. Ora devoto

pro clero, pro grege toto
Intercede pie,

da prospera fine remoto,
Sentiat ut celebrans

hoc festum dona salutis.

Ad Magnificat.

A. Ad honorem salvatoris

exsultet eclesia,
Nam Gerardi confessoris

Rutilant sollemnia,
Ortus causa cum canoris

Vocibus Placentia
Laudet, causa sed honoris

Gaudeat Potentia.

Ad Matutinum.
Invitatprium.

Adoremus regem summum
Mentibus supplicibus,

Qui Gerardum confessorem
Caeli iunxit civibus.

In 1. Nocturno.
Antiphonae.

1. Venit ab Italia

Domino ducente Gerardus.

2. Ipse Placentinus

civis placuit bene Christo.

3. Fitque Potentinus

doctor sic postea praesul.

Responsoria.

1. Praesulis eximii

festa cane, contio laeta,

Et dignas laudes

persolve Deo sine meta ;
V. Gaude, festa cohors,

gaudet provincia tota.

2. Ecclesiam rexit,

dictando magnificavit
Commissumque gregem
faciendo, docendo, beavit,

V. Sobrius, ornatus,

prudens, mitisque pudicus.

3. Pervigil et sollers,

cautus, patiensque benignus.
Cultor iustitiae,

rectus, pius, undique dignus,
V. Lector et assiduus,

doctor, largitor egenis.

In 2. Nocturno.
Antiphonae.

1. Quadam die visitando
dum iret parochiam
Quandam, beatae Mariae
venit ad ecclesiam.

2. Sitientes fratres eius
nec non et familiae
Vinum, quod non erat ibi,
magis petunt anxie.

4. Fertur aqua de, mandato
praesulis sanctissimi,
Signat aquam et fit vinum
saporis dulcissimi.

Responsoria.

1. Cernentes socii

tantum mirabile signum,
Immensae reputant

hunc laudis munere dignum.
V. Sed Domini famulus

refugit praeconia famae.

2. Exigit a sociis

sibi fida mente caveri,

Ne nisi post mortem
praesumant visa fateri,
V. Spernens adplausus

vacuos vulgaris honoris.

3. Praesentis vitae

dimittens lubrica castra
Terrea commutat

caelo, dum migrat ad astra,
V. Pro carnis pugna

caeleslem sumere palmam.

In 3. Nocturno.
Antiphonae.

1. Anno migrat in octavo,
Iam relicto mundo pravo
Tendit ad caelestia.

2. Gaudet chorus angelorum,
Sacrum sacer auget chorum,
Caeli gaudet curia.

3. Ibi perstat advocatus,
Nostros levigat reatus
Voce precatoria.

Responsoria.

1. Flet populus, gaudet

caelum, caelestia pangunt
Agmina, dulcisonis

melodiis organa tangunt,

V, Quod datur his socius,

quod amicus crescit amicis.

2. Congaudet aegris

subita veniente salute,
Pelluntur morbi,
febresque fugantur acutae,

V. Redduntur claudis

gressus et lumina caecis.

3. O lumen patriae,

populi dux, gloria cleri,
Digneris precibus

nos, sancte Gerarde, tueri,

Illustra patriam,

populum rege, protege clerum,
V. Ut tecum simus

per saecula cuncta dierum,
Cernentes pariter

lumen de lumine verum.

In Laudibus.
Antiphonae.

1. Cantemus Domino

laudum praeconia trino,
Ut per patronum
praebeat omne bonum.

2. Laudemus Dominum

iubilantes voce canora.
Cuncta Deo resonent
in sacris laudibus ora.

3. Psallamus pariter

caelesti cantica regi,
Ut mereamur eo
cuncta regente regi.

4. Laude creatori

benedicite cuncta creata
Exsultando Deum

sibi dicite cantica grata.

5. Caelum, terra, mare,

simul his contenta resultenr,
Cymbala, psalterium,
reboantia tympana pulsent.

Ad Benedictus.

A. Exsultemus in hac die

cummulato gaudio
Celebrantes sancti viri

festa cum tripudio.
Sancte nos Gerarde iura

tuo patrocinio,
Ut possimus collocari

supero palatio.

In 2. Vesperis.
Ad Magnificat.

A. Euge, Dei serve bone,

iam intrasti gaudium,
Post triumphum iam coronae

percepisti praemium ;
Xos, qui sumus in agone,

Sic duc per hoc devium,
Ut caelesti mansione

Consequamur bravium.

In Commememo ratio ne.

Ad Benedictus.

A. Tua nos oratione
Salvans in hac regione
Fac in caeli mansione
Christi frui gaudio.

Ad Magnificat.
A. Supplicat ex animo

tibi plebs tua, sancteGerarde,
Impetret ut per te
posse placere Deo.