60. De s. Lucia de Monte Virginis.

In 1. Vesperis.

II. Extremum peragens
felix Lucia laborem

Virgo beatorum

merito perrexit in arcem,
Qua divina videns

diademata virginitatis

Fulgebit semper;

tua nunc solacia praebens
Sidereum regem

nobis deposce favorem,
V. Implora veniam,

cura nos, cuncta secunda.

Ad Magnificat.

A. Sponsa Dei, Lucia, memor

[huius] esto catervae,
Quae tua gesta canens

a te petit auxiliari,
Natalis cum grata tui

sollemnia pollent,
Et te quaerentes

scelerum fac peste carere.

Ad Matutinum.
Invitatorum.

Praecelso regi,

cui machina subiacet orbis,
Qui sibi sacravit

Luciam dote beatam,
In labiis huius

memores et corde canamus.

In 2. Nocturno.

R. Flos sudans rorem

ascendit ad montis honorem
Et super hunc florem

Deus inspiravit odorem,
Flos virgo , ros grata salus,
odor aura salutis.

Id 3. Nocturno.

A. Multorum dulci

medicamine vulnera curans,
Aula Dei radians.

domus et deitatis amica,

Fer curam nostri

nobisque benigna, faveto.

Responsoria.

1. Carnis terens

adulescentiam,
Dei tantum

quaerens notitiam,
Regnum linquens,

notos et patriam,
Gressum vertit

in Lotharingiam ;
V. ''Optans Christo sponso con-
iungi voluntarie mundanam
vicit gloriam.''

2. O lampas ecclesiae,

Rivum fundens olei,
Medicina gratiae,

Nutrimentum fidei,
Tutelam praesta pavidis,
Calorem minus fervidis,

Languidis medelam.
V. In te [virgo] veritas,

Oliva fructifera,
Cuius lucet puritas

Et resplendent opera.

In Laudibus.
Antiphonae.

2. Gaudia festivae

percurrant ora diei,

Christicolae plebis

celebrat qua laeta [caterva]

Virgineum decus ad
laudem Domini Luciam.

3. Haec est virgo nitens,

quae clara iam tibi sponsa

Obviam processit,

factura perenniter illic

Obsequii pensum,
divis sociata choreis.

4. Aula capax lucis

verique domus pia solis,
Quae medicante manu

miseros compassa fovebas.,
Nunc petimus nostris

occurre per omnia morbis.

5. O felix ancilla Dei,
nos pondere pressos

Exonera et fessos

mordacibus exue culpis,

Aetheris et pateat

te supplice ianua nobis.