16. De sancta Berta.

In 1. Vesperis.
Super Psalmos.

A. Inclitae martyris festa
Beatae colentes alma
Flagitemus, Christe, tuum
Nobis dari praesidium
Quo illius ope celsa
Vitae sumamus praemium.

Ad Magnificat.

A. Magnifice regem

laudemus cunctipotentem,
Omnis cui sexus,

aetas, genus, ordo sacratur,
Qui sibi praeclaram

delegit vivere Bertam,
Cuius maiestas

nos protegat ac benedicat.

Ad Matutinum.
Invitatorium.

Contio nunc hilaris

Domino iubilemus in hymnis,
Caelica qui sanctae

tribuit sponsalia Bertae.

In 1. Nocturno.
Autiphonae.

1. Ad Domini nomen,
tota mirabile terra,
Emicuit nostris
in finibus inclita Berta.

2. Alma, diu thalamo

meritis coniuncta beatis,
Nos tecum veri

fac lumina capere solis.

3. Insons et mundi

felix habitudine cordis,
In montem Domini

precibus nos tolle pudicis.

4. Gratia te, mater,

caelestis iunxit ovanter,
Propterea Domino

nobis benedicta, faveto.

5. Facta Deo templum

te sanctificante beatum,
Fac precibus nostris

habitare in cordibus ipsum.

6. Sedes digna Dei

magnique habitatio regis,
In medio templi

recipi nos posce perennis.

Responsoria.

1. In sacrosanctae

sollenni lumine Bertae
Sursum cum manibus

voces et corda levemus,
V. Quo meritis, precibus

nos salvet conditor eius.

2. Sancta Dei Berta,

praedulcisFranciaealumna,
A summis procerum

generosum protulit ortum,
V. Cum carnis genere

mentis proba nobilitate.

3. Sponsa huic sponso

coniuncta, beata beato,
Par insigne animis,

Gumberto Berta sodalis,

V. Prole tamen cassa

latet, an sit et inviolata.

In 2. Nocturno.
Antiphonae.

1. In fundamentis

rite aedificata supernis,
Inter lactantes

ibi nos habitare preceris.

2. Psallat nostra Deo

socialis turma benigno,
Qui tantae matris

nos ditat munere digno.

3. Exsultet terra,

lactentur et atria nostra,
Quae Dominus gleba
pius illustravit honore.

4. Cantica quae Domino

modulis canis altisonoris,
Protege nos meritis

et nunc et in omnibus horis.

5. Sancte super Cherubim
residens oculosa, canoro
Carmine ter sanctum

modulantia numine simplo,

6. Suscipe, quas laudes

canimus tibi supplice voto,
Cumque tua sponsa

pie nos super astra levato.

Responsoria.

1. Desolata viro

migrante beata virago
Cuncta fere spreto

pede reppulit infima saeclo,
V. Permutans pullo

rutilantia flammea velo.

2. Dum sancta explorat,

quo diva habitacula ponat,
Angelico visu

super hac re certificatur,

V. Monstraturque locus

Vallis prius Aurea dictus.

3. Omnibus exstructis

dum mater tractat herilis,
Quisnam illuc Domino

famulatu militet ordo,
Virginibus saepta

visa est sibi virgo Maria,
V. Sic monstrando locum

monialibus instituendum.

In 3. Nocturno.
Ad Cantica.

A. Felix mater, ave

longaque in saecula gaude,
Vera Dei cultrix,

mundi fortissima victrix,
Oramus, domina,

sic accipe cantica nostra,
Ut tecum in superis

coniungas gaudia nostra.

Responsoria.

1. Temporibus priscis

aqua deerat sedibus istis,
Unde gravata [Deum]

dum sanctaexposceret almum,
Fons certusque locus
sibi caelitus insinuatur,
V. Qui Virtus dictus

iacet, ad tria milia passus.

2. Illuc cum libra

nummorum sancta profecta,
Postquam pro pretio

fuit illa solvere praesto,
Pertrahit arva colum,
sic ducit ad sua rivum,
V. Quo fluit usque hodie,

servans cognomina Librae.

3. Felix et Domino

gratissima Berta supremo,
Dum per multiplices

mundo obluctata labores
Testata est, Christi

quantum victoria possit,

Tandem martyrium

peragens petitaltapolorum,
V. Quo divina videns,

etiam sinetemporegaudens,
Christo, cui placuit.

precibus nos iungere possit.

In Laudibus.

Antiphonae

1. Regnans cum Domino
virtute accincta virago
Cum grege sanctorum
gaudet sine fine dierum.

2. Alma Dei iubilans

et inenarrabile plaudens,
Nos prece iunge tibi

per pascua et atria regni.

3. Omnicreatori

benedictio personet omnis,
Quem superaxaltat

sanctorum contio casta.

4. O sacra, laudandum

laudans laudabile Christum,

Nos ipsum tecum

laudare exposee per aevum.

Ad Benedictus.

A. Christe, salus nostra,

tibi laus et gloria cuncta,
Qui nobis oriens

lux atque redemptio vera,
Nos tantae matris

donas praedivite gleba;
Cuius nos precibus

hinc abstrahe mortis ab
umbra.

In 2. Vesperis.
Ad Magnificat.

A. Praeclari generis

meritique insigne beati
Berta triumphato

fausto certamine mundo
Libera sidereum

petit et palmata senatum,
Quo nos virtutum

curramus odore suarum.