Acta Congregationum 589

SPEDIENSIS - SARZANENSIS - BRUGNATENSIS

Beatificationis et Canonizationis Servae Dei Italae Mela Oblatae Benedictinae

Monasterii Sancti Pauli in Urbe († 1904-1957)

DECRETUM SUPER VIRTUTIBUS

« Inhabitationem Verbi vitae meae interioris facere cardinem est sicut

ex alto animi, omnibus in adiunctis, sapientiam et caritatem et virtutem

et misericordiam Dei haurire ».

In Serva Dei Itala Mela mysterium inhabitationis Sanctissimae Trinitatis

non fuit mentis cognitio tantum, sed vitae usus vivus: communione enim

cum Deo penitus transfigurata est et crucis Christi fideliter benigneque

participavit.

Haec Serva Dei die 28 mensis Augusti anno 1904 Spediae in Italia e

parentibus magistris nata est. Infantiam atque adulescentiam praesertim

apud avos ex parte matris degit et, anno 1915, Primae Communionis simul

et Confirmationis accepit sacramenta. Dum autem lyceum frequentabat, fra-

terculi novem modo annos nati mortem tulit acerbam, quod animum eius

et totius vitae conspectum adeo affecit funditus, ut Itala Dei substantiam

adusque omnino advenit denegandam. Studiis superioribus prospere patratis,

Facultati Litterarum in Universitate Studiorum Ianuensi se adscripsit et, ipso

eodem tempore, acri interioris animi perturbatione superata, ad sacramenta

Reconciliationis et Eucharistiae rursum accedere valuit, novo inito itinere

conversationis ad lumen invocationis: « Si adsis, Domine, cognoscaris! ».

Anno 1923, Foederationi Alumnorum Universitatum Studiorum Catholi-

corum Italicorum se sociavit, apud quam illustros convenit homines, quibus

totam reliquam vitam comitata est, inter quos Reverendus Dominus Ioannes

Baptista Montini, qui postea Summux Pontifex Paulus Papa VI factus est,

Eminentissimus ac Reverendissimus Dominus Beatus Hildephonsus Cardi-

nalis Schuster et Reverendus Pater Augustinus Gemelli fuerunt.

Die 3 mensis Augusti anno 1928, Apuae, prima tum mirae Dei in anima

sua praesentiae experiri Itala inivit indicia, cum e Seminarii ecclesiae ta-

bernaculo radium quoddam lucis una et nuntium divinum manare intellexit.

Vocationis ergo ad vitam religiosam in hoc sub spiritualitatis Sancti Bene-

dicti moderamine valuit intelligere signa, sed inibi se aegra etiam valetudine