520 Acta Apostolicae Sedis - Commentarium Officiale

ab infantia pietate et devotione erga Sanctam Familiam informatus crevit,

parentum vitam consectans exemplarem. Aliquibus post annis institutionis

apud nativam paroeciam receptae Seminarium Pallipuramense ingressus est

et die XXIX mensis Novembris anno MDCCCXXIX presbyteratu auctus.

Die XI mensis Maii anno MDCCCXXXI una cum Reverendis Patribus Thoma

Palackal et Thoma Porukara in urbe vulgo Mannanam domui aedificandae illi

initium dedit, quae postea primitias religiosi pro christifidelibus Ecclesiae in

India Instituti hospitio excepit, hodie Congregationis Fratrum Carmelitarum

Beatae Mariae Virginis Immaculatae nomine nuncupati.

Die VIII mensis Decembris anno MDCCCLV, in sollemnitate Immaculatae

Conceptionis Beatae Mariae Virginis, Reverendus Pater Chavara vota reli-

giosa sollemnia professus est, Cyriaci Eliae a Sancta Familia sumens nomen,

et primi novae communitatis Superioris munus accepit, quo adusque diem

supremum functus est.

Per operam Congregationis suae multum ad spiritualem et socialem re-

novationem Ecclesiae in Kerala attulit: Seminaria enim exstruxit et domus

pro recessibus spiritualibus perficiendis, librariam editricem pro doctrina

catholica et civili informatione diffundenda fundavit, derelictis moribundis-

que vacavit et in catechumenis instituendis summopere enixus est. Strenuo

animi ardore in religiosis sacerdotibusque et christifidelibus laicis erudiendis

viribus nihil pepercit, ut primas partes agerent in spirituali instauratione

Ecclesiae et societatis in India.

Mense Februario anno MDCCCLXVI una cum aliis in urbe vulgo Koonam-

mavu Tertium Ordinem Carmelitarum Discalceatorum instituit, mulieribus

Indicis sic ad vitam consecratam accedendi praebens facultatem.

Reverendus Pater Cyriacus etiam officium exercuit Vicarii Generalis Ec-

clesiae ritus syro-malabarensis, cuius unitati reconciliandae maxime cavit,

sententiam quodammodo in seipso recapitulans illam: « sanctificatio suipsius

et proximi salus ».

Praecursor quoque fuit institutionis informationisque praelo datae tra-

dendae eximius. In tam variis etiam et multiiugis navitatibus Beatus tempus

invenit, quo in litteris elaboraret, eiusque fuit consilium libros liturgicos

ritus syro-malabarensis in codicem colligendi, orationes scilicet canonicas

sacerdotibus pronuntiandas, necnon calendarium apparandi una et rubricas,

sub voce Thukkasa in lingua syriaca nuncupatas, atque orationes pro de-

functis. Monitiones eius ad familias christianas, quae sub titulo « Te stamenti