Acta Francisci Pp. 521

amantissimi patris » seu vulgo nempe ad sonitum rustici idiomatis Oru Nalla Apparite Chavarul enotantur, tamquam enchiridion familiarum adhuc emicat praestantissimum.

Oratio, taciturnitas, umbratilis conversatio austeritasque vitae, verbi Dei auditione et Eucharistiae celebratione admodum suffultae, Reveren- dum Patrem Chavara verum contemplativum fecerunt simulque in fratrum sublevandas aerumnas et in necessitates spiritus et corporis suscipiendas iugiter promptum, ut revera ipse voce vulgo Karmayogi seu vir divinam contemplationem et servitium proximi congerens posset vocari.

Ad metam aevi sui perventus, sodalibus ita prodidit: « [...] tempus meum consummavi. Et cum Sanctae Familiae intercessione semper gavisus essem, gratiam per baptismum receptam numquam amisi. Sanctae Familiae ergo parvam nostram Congregationem et unumquemque vestrum addico. Quae vero in cordibus vestris regnet ».

Sacramento infirmorum accepto, die iii mensis Ianuarii anno mDccclxxi, in Domino quievit et in civitate Koonammau corpus eius sepultum est. Exuviae deinde in civitatem vulgo Mannanam anno mDccclxxxix transla- tae sunt et intra moenia ecclesiae Sancti Ioseph apud Domum Principem Congregationis tumulatae.

Ob continuatam famam sanctitatis et signorum Excellentissimus Dominus Matthaeus Kavukatt, Archiepiscopus Metropolita Changanacherrensis, an no mcmlvii Commissionem historicam constituit et insequenti anno apud Epar- chiam Processus Informativus celebratus est. Itinere canonico expleto, die VII mensis Aprilis anno MCMLXXXIV Decretum super virtutibus a Reverendo Patre Chavara more heroum exercitis promulgatum est. Beatificationis dein respectu mira subiecta est asserta sanatio, quam Medicorum Collegium Congregationis de Causis Sanctorum die VIII mensis Novembris anno MCMXIV inexplicabilem secundum hodiernam scientiam medicam fuisse affirmavit. Die XXVIII mensis Februarii a. mcmlxxxv, Congressus Peculiaris Consultorum Theologorum pros- pero cum exitu hanc sanationem Venerabilis Servi Dei Cyriaci Eliae Chavara intercessioni tribuit ac, die vii insequentis mensis Maii, Sessio Ordinaria Patrum Cardinalium et Episcoporum de miraculo divinitus patrato constare confirmavit.

Summus Pontifex Sanctus Ioannes Paulus II Decretum super miraculo die VIII mensis Maii anno MCMLXXXV publici iuris fieri disposuit eumque die VIII mensis Februarii anno MCMLXXXVI, in celeberrima visitatone ad urbem vulgo Kottayam in Kerala patrata, sollemni ritu, cui Ipse praefuit, in numerum

Beatorum rettulit.