522 Acta Apostolicae Sedis - Commentarium Officiale

Canonizationis respectu, nova exhibita est mira asserta sanatio, quae die

xvi mensis Octobris anno mmvii cecidit. Episcopus Eparchialis Palaiensis,

Excellentissimus Dominus Iosephus Kallarangatt, Inquisitionem dioece-

sanam instruxit anno mmxi celebratam. Et Medicorum Collegium Congre-

gationis de Causis Sanctorum die XXVI mensis Septembris anno MMXIII hanc

sanationem inexplicabilem secundum hodiernam scientiam medicam fuisse

affirmavit, quam vero die X mensis Decembris eodem anno Congressus

Peculiaris Consultorum Theologorum et die XVIII mensis Martii anno MMXIV

Sessio Ordinaria Patrum Cardinalium et Episcoporum verum esse miracu-

lum intercessioni Beati Cyriaci Eliae a Sancta Familia Chavara tribuendum

censuerunt.

Nosmet Ipsi concessimus, ut Congregatio de Causis Sanctorum Decre-

tum super miraculo die III mensis Aprilis eodem anno promulgaret atque

in Concistorio diei XII insequentis mensis Iunii statuimus, proinde, ut ritus

Canonizationis die XXIII mensis Novembris anno MMXIV, in sollemnitate Do-

mini Nostri Iesu Christi Universorum Regis, perageretur.

Hodie igitur in Foro ante Basilicam Papalem Sancti Petri in Urbe, infra

Missarum sollemnia hanc pronuntiavimus formulam:

Ad honorem sanctae et individuae Trinitatis, ad exaltationem fìdei ca-

tholicae et vitae christianae incrementum, auctoritate Domini nostri Iesu

Christi, beatorum Apostolorum Petri et Pauli ac Nostra, matura delibera-

tane praehabita et divina ope saepius implorata, ac de plurimorum Fratrum

Nostrorum Consilio, Beatos Ioannem Antonium Farina, Cyriacum Eliam a

Sancta Familia Chavara, Ludovicum a Casaurea, Nicolaum a Longobardis,

Euphrasiam a Sacro Corde et Amatum Ronconi Sanctos esse decernimus et

defìnimus ac Sanctorum Catalogo adscribimus, statuentes eos in universa

Ecclesia inter Sanctos pia devotione recoli debere. In no mine Patris et Filii

et Spiritus Sancti.

Clarus ipse ductor fuit atque Ecclesiae societatisque instaurator, qui

admodum in Ecclesiam in Kerala spiritualiter renovandam valuit ac summo-

pere praecavit, ne communitas christifidelium ad tentationem separationis

procumberet, tamquam verus pastor animarum ille, quem Deus, fidelium

lumen, in Ecclesia posuit, ut oves suas verbo pasceret et informaret exem-

plo, cuius intercessione nobis detur et fidem servare, quam verbo docuit,

et viam sequi, quam exemplo monstravit.