Acta Congregationum 587

Beatifìcationis respectu, Causae Postulatio iudicio istius Congregationis de Causis Sanctorum mirum quoddam casum subiecit, qui anno 1989 in Mozambico evenit. Illo tempore, haec regio Africae civili bello cruciabatur, quod iam multo tempore obdurabat et quod tres per alios annos mansurum erat. Istis in rebus actiones in odium fidei christianae non defuerunt. Die 10 mensis Ianuarii anno 1989 in pago Nipepe, sacra Missa celebrando, matu- tino tempore, audiebantur fragores et diruptiones, quae facile pugnas inter duas factiones significabant. Militantes alterius factionis ecclesiam circunda- verunt et fideles armis sacra in aede manere coacti sunt, istis vero et alii incolae pagi accesserunt, ut se sacro in templo servarent. Ducentiseptuaginta fideles omnino fuerunt, segregati ac constipati in ecclesia, tres dies et ultra steterunt. Decurrente tempore, aquae commeatus magis impellebat, quia etiam pueri in templo multi fuerunt. Illa regione Africae mensis Ianuarii longe ardentior evadit. Hac re, fideles, institutoris christianae doctrinae permissu, sacro fonte baptismali aquam haurierunt, quae tamen omnino insufficiens praesentibus reperiebatur, quia tota capacitas illius alvei non plus quam duodecim litris pollebat et duo diebus ante baptismata ministrata sunt, magno usu aquae, quae fere ad dimidiam partem reducebatur. Istis in rebus missionarius, diebus illis legens vitam Servae Dei, omnes praesentes orare exhortatus est, intercessionem illius impetrantes ut omnes servarent. Secundum eius testimonium « Servae Dei responsio perfecta, superabundans et longe praeter postulationem fuit ». Aqua sacro in labro ne minime quidem attenuebatur, sic omnibus, qui aderant comprehensi, omnino aqua satiavit. Omnes mira de hac re obstupuerunt et casus etiam milites alterius factionis obsidentes valde admirationem ac reverentiam movit.

De hoc casu, qui mirus habitus est, iuxta Curiam Lichingaënsem in Mo- zambico a die 18 ad diem 26 mensis Iulii anno 2010 Inquisitio dioecesana celebrata est, cui anno 2011 Inquisitio suppletiva accessit, quorum iuridica validitas ab hac Congregatione de Causis Sanctorum per Decretum diei 2 mensis Decembris est approbata. Consilium Peritorum huius Dicasteri in sessione diei 31 mensis Octobris anno 2013 casum celerem et ex scientiae legibus inexplicabilem fuisse agnovit. Die 4 mensis Februarii anno 2014 Congressus Peculiaris Consultorum Theologorum habitus est. Die 20 mensis Maii anno 2014 Patres Cardinales et Episcopi se congregaverunt Ordinaria in Sessione, me praesidente, card. Angelo Amato. Et in utroque Coetu, sive Consultorum sive Cardinalium et Episcoporum, posito dubio an de miraculo

divinitus patrato constaret, responsum affirmativum prolatum est.