586 Acta Apostolicae Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

NYERIENSIS seu TAURINENSIS

Beatificationis et Canonizationis Ven. Servae Dei Irenae Stefani (in saeculo: Au- reliae Iacobae Mariae a Mercede) sororis professae Instituti Sororum Missiona-

riarum a Consolata († 1891-1930)

DECRETUM SUPER MIRACULO

Venerabilis Serva Dei Irena Stefani in pago v. d. Anfo non longe a

Brixia die 22 mensis Augusti anno 1891 nata est, sacro baptismate lustra-

ta, nomen Aureliae Iacobae Mariae a Mercede habuit. Iam e pueritia tam

singulare studium ac sollertiam christianae et apostolicae vitae ostendit ut

in Institutum Sororum Missionariarum a Consolata ingrediret. E constanti

intentione ad sanctitatem eius vocatio ad sacram expeditionem orta est, ut

Evangelium in gentes evulgaretur, eam usque ad Keniam perducens. Primo

bello orbis terrarum flagrante, illa indigenis, qui impedimenta vehebant,

receptis iuxta militaria valetudinaria in Kenia et Tanzania assidebat. In

angustiis et foedis Serva Dei singulari suavitate vehementem caritatem

et industriam praestitit, omnia miti ac humili risu illustrans. Ministrabat,

mundabat, curabat et nutrimentum tam corpori quam animo praebebat

multis, qui in calamitate belli laborabant. Deinde eam ad novam missionem

pagi dicti Gekondi miserunt, ut doceret sed etiam ut pagos visitaret, chris-

tianam institutionem suppeditaret. Illa primis iuvenibus seminario ingressis

et operariis demigratis laboris causa, epistolis reficiebat et consolabatur;

pauperes et derelictos potissimum diligens, omnibus materna cura se prae-

bebat. Serva Dei mortali e vita die 31 mensis Octobris anno 1930 excessit.

Qui beneficia ab ea habuerunt dixerunt: « Non morbo sed amore mortua est » .

Summus Pontifex Benedictus XVI die 2 mensis Aprilis anno 2011 heroicas

virtutes agnovit.