QUAESTIO CLXI.

Utrum imbuerit proprietates Seraphim ?

Supremus omnium ordo est Seraphim, cujus secundum beatum Dionysium octo

sunt proprietates, quarum prima est mobile. Secunda est incessabile. Tertia, cali- dum. Quarta, acutum. Quinta, superfervidum. Sexta, intenta. Septi rua, intima. Octava, inflexibilis.

Quas proprietates exponit Commentator sic : Prima igitur proprietas est dilectionis quod est vita. Hanc habuit beata Virgo in summo : ipsa enim sua charitate meruit de congruo sibi vivere vita summe sig. loriosa, et quod ipsa fuerit principium vitae increatae et omnibus nobis causa vitae aeternae. Item, Si vita est effectus dilectionis : ergo cum in ipsa improportionabiliter sit dilectio, in ea improportionabilis erit vita.

Secunda proprietas est incessabile, et est incessabile charitas, quia est perpetuum. Incessabilitatem charitatis habuit in summo super Seraphim beatissima Virgo : magis est enim incessabile quod non cessat nec potest cessare nec umquam potuit cessare, quam quod non cessat et non potest cessare modo, sed tamen aliquando potuit cessare : sed charitas Angelorum Seraphim potuit aliquando cessare, summus enim de illo ordine cessavit quando cecidit, et similiter alii potuerunt tunc sicut ille : sed charitas beatissimae Virginis numquam potuit cessare : ergo magis fuit incessabile : ergo excellit Seraphim in incessabili charitate. Minor patet per hoc quod non potest cessare nisi per peccatum mortale : sed ipsa numquam mortaliter peccare potuit : in utero enim nullus potest peccare mortaliter, ipsa autem adhuc in utero matris sanctificata fuit et contra peccata confirmata, et sic numquam potuit charitatem amittere : Seraphim autem amittere potuerunt: ergo excellit illos in hoc quod est incessabile.

Tertia proprietas calidum est, et calidum est dilectio quasi sopita : sed hanc habuit beatissima Virgo super Seraphim : aliis enim paribus fortior est virtus quae tantumdem operatur cum resistentia contrarii, quam illa quae sine resistentia : unde major est virtus quae sopitum facit

in tumultu et strepitu, quam quae facit sopitum in silentio et quiete : ergo cum beatissima Virgo sopita fuerit et omnino tranquilla in tumultu et strepitu tribulationum, tentationum et persecutionum hujus mundi, magis fuit sopita quam Seraphim extra hujusmodi strepitum et tumultum constituti: sicut major est violentia somni quae cogit hominem in strepitu dormire, quam quae in quiete.

Quarta proprietas est acutum. Et dicit Commentator : Acutum quod est sapientiae. In hac excellit beatissima Virgo Seraphim, ut patet supra in pluribus locis de ipsius sapientia. Praeterea dicit Augustinus : " Christus est in Maria: ergo omnes thesauri sapientiae et scientiae Dei in Maria sunt. " Item, Unctio Seraphim docet de omnibus necessariis ad salutem : unctio Dominae nostrae dat omnia necessaria ad salutem. Item, Participant sapientiam creatam accidentaliter : ipsa est mater sapientiae increatae essentialiter.

Quinta proprietas est superfervidum, quod est, ut dicit Commentator, dum per vim amoris extollitur super se et per vim amoris expellitur a se. Hanc etiam beatissima Virgo habuit in summo : vidi enim speciosam sicut columbam ascendentem per contemplationem desuper rivos aquarum, id est, super omnes choros Angelorum. Et nardus ejus charitatis ac humilitatis introivit in cubiculum regis et deduxit regis filium de domo patris. Item, Spiritus elevat sursum: sed improportionabiliter aliis habuit Spiritum sanctum: ergo improportionabiliter aliis habuit cor sursum. Item, Ubi est thesaurus tuus, ibi est et cor tuum : ''sed ipsa prae omnibus maximum thesaurum habuit sursum : ergo maxime luit ipsius cor sursum. Item, Ipsa fuit maxime expulsa a se : quia totaliter se Deo dederat, corpore et anima Deo plena erat, ita quod nec corpus nec anima plus gratiae secundum statum pro tempore recipere poterant: quid enim homo habet gratiae quod de ea non accepit ? ergo quanto plus habet gratiae, tanto minus habet de se : ergo quae plena gratiae fuit, tota de se expulsa fuit.

Sexta proprietas est intenta, quod est secundum Commentatore tu ire in ipsam. Hanc etiam beatissima Virgo habuit in summo : quia intima cordis ejus penetravit, et de visceribus misericordiae suas intimis Filium de intimo corde Patris extraxit, et in summam immensitatem misericordiae ipsius intime et profundissime intimavit, et omnes divitias ejus misericordiae effudit, et in sanctuariis Dei habitans sapientiam a saeculis absconditam carne indutam patefecit.

Septima proprietas est intima, quod est, ut dicit Commentator, quod ad exteriores non effluat. Quod etiam eam in summo ipsa habuit super Seraphim, patet : illi enim non effluxerunt descendendo, sed non ascenderunt: ista autem deorsum non fluxit, imo contra naturam sursum fluxit: et omnes qui defluxerunt, sursum traxit.

Octava proprietas est inflexibile, quod est, ut dicit Commentator, ut ad alia negotia extra ipsum non divertat. Hanc quoque habuit super Seraphim : illi enim tantum ab illo tempore quo hoc acceperant, non diverterunt: ipsa autem numquam divertit ab ipso, sed omnia vertit ad ipsum, et totum mundum in ipsum convertit. Item, Alii accipiunt aliquid ab aliis unde se ad Deum convertunt : ipsa autem sola habuit in solo Fi-

lio unde numquam divertit ab ipso.

Ex his patet quomodo beatissima Virgo omnes proprietates omnium Angelorum habuit in summo.

Item, Bernardus quasdam quibusdam aliis assignat proprietates, dicens quod Virtutum est miracula facere, Potestatum contrarias potestates daemonum co ercere, Principatuum regna mutare et ministrare. Haec omnia in beatissima Virgine fuerunt in summo : quia omnium. miraculorum miraculosissimum fecit, cum Deum et hominem genuit, Polestates coercuit, cum regnum diaboli destruxit, et eum inferno ligavit. Regna mutavit cum omnes in regnum caelorum transduxit.

Est igitur beatissima Virgo Angelus in gratiae inventione, Archangelus in Dei generatione, Princeps in principum subjectione, Potestas in supernaturalium operatione, Virtus in deiformissimorurn actuum perfectione, Dominatio in creaturae supperpositione, Thronus in Dei corporali receptione, Cherubim in omnium secretorum secretissima cognitione, Seraphim in summa supra omnes dilectione.

Patet igitur qualiter beatissima Virgo omnes proprietates omnium Angelorum habens, super hierarchias omnes est exaltata, ita quod singulorum omnium omnes proprietates et dona ipsa universaliter et singulariter in summo possedit universa.