sig. V.

Quod autem sola nobilitas mentis videtur laudanda.

Respondemus, quod si qualitas operationis contraria agit nobilitati originis, tanto vitiosior et detestabilior est deformitas operationis, quanto magis est contra na- turalem inclinationem originis: et sic ruatis est culpabilis vitiosus nobilis quam ignobilis. Ubi. autem nobililas originis perficitur et ornatur nobilitate morum et operationis, utraque praestat alteri munimentum laudis. Deinde virtus originis ostenditur in operatione, non quasi adventitiam et cito mutabilem, sed. quasi propriam et. innatam et debitam nobilitatem contraxerant a parente : et dum virtus mentis fundamentum et radicem habet nobilitatem carnis, difficilius a virtute movetur dignitatibus non mutabilibus, sed quasi innatis minus elevatur, et humiliationibus quasi magis indignis altius exaltatur : et dum virtus mentis forsan tepuerit, ipsa carnis nobilitas ipsam ad nobilia excitat. Inde est, quod quando hae duae nobilitates conjunguntur, ambae merito laudantur. Unde fulgebat duplex decus in venerando Gregorio : Senatoria dignitas, voluntaria paupertas, etc. Si. autem separentur, nobilitas carnis non laudatur, sed vituperatur : nobilitas enim mentis sine nobilitate carnis tanto amplius laudatur, quanto etiam propriam vincens naturam laudabiliter operatur. Versus :

Malo pater tibi sit Thersites, dummodo tu sis aeacidae similis, Vulcaniaque arma capessas, Quam te Thersitae similem producat Achilles .

Item, alius : Consultor procerum servos contemne bilingues. Quod etiam, objicitur, quod non multi

potentes secundum carnem, et non multi sapientes , ''etc.

Dicimus, quod intelligendum est de praedicatoribus per quos mundus ad Iidem erat convertendus, quos congruebat plebeios esse et indoctos, ne eorum potentiae vel sapientiae vel dignitati adscriberetur illud quod Deus per gratiam et eorum ministerium operabatur : et sic crux Christi evacuaretur : unde congruebat, quod non doctis humanae sapientiae verbis, nec in potentia dignitatis homines ad fidem deciperentur vel cogerentur, sed simplicibus simplicium verbis exterius cooperantibus, divina virtute interius operante, humilis ad humilem humiliter vocaretur : et sic Deus humilis exaltaretur, et diabolus qui per superbiam vicerat, per humilitatem vinceretur. Unde Glossa ibidem : " Si non fideliter praecederet piscator, non humiliter sequeretur orator. " Aliud autem reformabat per actum in matre, quam decebat modis omnibus quibus potuit exaltare, et sibi nostram naturam uniendam in ipsa de qua eam assumpsit per omnia honorare. Ut sua igitur erga nos gratia tanto . major appareret, quanto nostram naturam sibi inseparabilius uniret, et quanto medium illius unionis multiplicius decoraret : ejusque humilitas tanto profundior et majoris gratiae capacior fieret, quanto eam et gratiae plenitudo et nobilitas elevaret.