Congregatio de Causis Sanctorum 419

Magna sanctitatis fama, qua Servus Dei in vita et post mortem floruit,

effecit ut a die 27 mensis Februarii anno 1985 ad diem 8 mensis Maii

anno 1995 apud Curiam dioecesanam Zagrebiensem instrueretur Inquisitio

dioecesana super vita et virtutibus, cuius validitas iuridica decreto die 20

mensis Octobris anno 1994 ab hac Congregatione de Causis Sanctorum

agnosceretur. Positione confecta, disceptatum est, iuxta consuetudinem, an

Servus Dei more heroum virtutes christianas exercuisset. Die 26 mensis

Novembris 2013 habitus est Congressus Peculiaris Consultorum Theologorum

prospero cum exitu. Patres Cardinales et Episcopi in Sessione Ordinaria

diei 14 mensis Aprilis anno 2015, cui egomet ipse Angelus Cardinalis Amato

praefui, professi sunt Servum Dei virtutes theologales, cardinales iisque

adnexas in modum heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Antonii

Antić, Sacerdotis Professi ex Ordine Fratrum Minorum, in casu et ad effectum

de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 5 mensis Maii a.D. 2015.

angelus CarD. amato, s.D.B. Praefectus

L. G S.

G marCellus BartoluCCi Archiep. tit. Mevaniensis, a Secretis