Congregatio de Causis Sanctorum 409

TRIDENTINA

Beatificationis seu Declarationis Martyrii Servorum Dei Marii Borzaga Sacerdotis

Professi e Congregatione Missionariorum Oblatorum Beatae Mariae Virginis Im-

maculatae et Pauli Thoj Xyooj Christifidelis Laici Catechistae († 1960)

DECRETUM SUPER MARTYRIO

« Fide et caritate profunda solidaque volo informali, nec martyr setius

esse possum: fides enim et caritas pernecessaria. Omnia transigunt, praeter

quam credere et amare ».

Verba haec ex Ephemeride Servi Dei Marii Borzaga excerpta singulari

eloquentia eiusdem animum et rationem vitae enarrant, quibus visceribus

Servus Dei Pauli Thoj Xyooj omnino adhaesit: gravis enim conscii super

ipsos instantis discriminis, Evangelio nihilominus pauperibusque pro bono

pacis atque deservierunt humanitatis et ad plenam mysterii Crucis proces-

serunt participationem.

Servus Dei Marius Borzaga die 27 mensis Augusti anno 1932 Tridenti

ortus est. Apud familiam fidei praeceptis penitus innisam Christi mandatis

institutus, vocationis ad vitam sacerdotalem et ad missionem signa ibidem

animadvertere cepit. Anno 1940, Primae Communionis et Confirmationis

recepit sacramenta et, in duodecimo aetatis anno constitutus, Seminarium

dioecesanum frequentare inchoavit, studiis usque ad superioris scholae dis-

ciplinarum classicarum examen perseveratis. Viginti autem annos natus,

vocationis dilucidato itinere, Institutum Missionariorum Oblatorum Beatae

Mariae Virginis Immaculatae a Sancto Eugenio de Mazenod fundatum in-

gressus est, novitiatum in vico Ripalimosanis prope Campum Bassum iniit et,

anno 1953 primis votis religiosis professus atque expleto institutionis cursu

apud Studium vici Sancti Georgii Canapicii prope Augustam Taurinorum,

die 24 mensis Februarii anno 1957 presbyteratu auctus est.

Superiores Congregationis, prompta eius sollicitudine ad missiones pro-

ficiscendi attenta, eum apostolico labori in Laosio addixerunt, quapropter,

mense Octobri eiusdem anni, Neapoli Ventianiam loci civitatum principem

una cum primo Oblatorum italicorum coetu devectus est. Hac in Asiae

natione vulgarem sermonem atque humani cultus consuetudines didicit et

officiis missionis singulari studio vacavit: Pater Marius enim in medio populi