346 Acta Apostolicae Sedis - Commentarium Officiale

19. Frater Martialis del Penedès (Carolus Canyes Santacana) in loco

vulgo Vilafranca del Penedès prope Barcinonem die XVI mensis Aprilis

anno MCMXVII ortus est. Vota religiosa temporaria die XXV mensis Iulii anno

MCMXXXIII professus est. In loco vulgo Pedralbes prope Barcinonem, tantum

quod religiosus erat, nocte diei XX mensis Augusti anno MCMXXXVI, undevi-

ginti annos natus, interemptus est.

20. Frater Eudaldus de Igualada (Aloisius Estruch Vives) in loco vulgo

Igualada prope Barcinonem die VI mensis Aprilis anno MCMXVIII ortus est.

Prima vota religiosa die IX mensis Septembris anno MCMXXXIV professus est.

Noctu diei XXXI mensis Octobris anno MCMXXXVI ab armigeris arreptus est

et postero die in loco vulgo Pobla de Claramunt interemptus, duodeviginti

annos ac septem menses natus, ex his omnibus aetate minor martyr.

21. Frater Pacianus Maria de Barcinone (Franciscus Maria Colomer

Presas) Barcinone die XXIX mensis Aprilis anno MCMXVI ortus est. Vota re-

ligiosa temporaria die XXV mensis Martii anno MCMXXXVI professus est. Die

XXI mensis Ianuarii anno MCMXXXVII arreptus, quia « tiro Fratrum » erat, in

coemeterio loci vulgo Cerdanyola del Vallès prope Barcinonem die XXIV

mensis Februarii eodem anno interemptus est.

22. Frater Angelus de Ferreries (Iosephus Coll Martí) in oppido vulgo

Ferreries in insula Minorica die XI mensis Februarii anno MCMV natus est.

Vota religiosa uti frater laicus die VIII mensis Novembris anno MCMXXIII et

sollemnia die IX mensis Novembris anno MCMXXVII professus est. In recessu,

quo post Superiorum mandatum conventi loci Sarriá deserendi sese abdi-

derat, arreptus est et die XXVIII mensis Iulii anno MCMXXXVI interemptus.

23. Frater Cyprianus de Terrassa (Raimundus Gros Ballvé) in loco vulgo

Terrassa prope Barcinonem die XXIII mensis Ianuarii anno MDCCCLXXI natus

est. Vota religiosa sollemnia die XIII mensis Octobris anno MDCCCXCVIII pro-

fessus est. Cum frater religiosus compertus esset, die XXIX mensis Iulii anno

MCMXXXVI Barcinone interemptus est.

24. Frater Eligius de Bianya (Ioannes Ayats Plantalech) in loco vulgo

San Salvador de Bianya prope Gerundam die IV mensis Iunii anno MDCCCLXXV

natus est eodemque baptizatus. Vota religiosa sollemnia die XXVI mensis Iunii

anno MCMIV professus est. Cum religiosus compertus esset, una cum aliis

sodalibus arreptus est et die XXIX mensis Iulii anno MCMXXXVI interemptus.

25. Frater Prudentius de Pomar de Cinca (Gregorius Charlez Ribera) in

loco vulgo Pomar de Cinca prope Oscam die XVII mensis Novembris anno