Acta Francisci Pp. 341

Hodie igitur Neapoli de mandato Nostro Venerabilis Frater Noster An-

gelus S.R.E. Cardinalis Amato, S.D.B., Praefectus Congregationis de Causis

Sanctorum, textum Litterarum Apostolicarum legit, quibus Nos Venerabi-

lem Servam Dei Mariam Christinam a Sabaudia, Regni Utriusque Siciliae

reginam, in Beatorum numerum adscribimus:

Nos, vota Fratris Nostri Crescentii S.R.E. Cardinalis Sepe, Archiepiscopi

Metropolitae Neapolitani, necnon plurimorum aliorum Fratrum in Episco-

patu multorumque christifidelium explentes, de Congregationis de Causis

Sanctorum consulto, auctoritate Nostra Apostolica facultatem facimus ut

Venerabilis Serva Dei Maria Christina a Sabaudia, Utriusque Siciliae regi-

na, mulier actuosae caritatis evangelicae, quae regni Christi primatum est

testificata, populi verum promovens bonum, Beatae nomine in posterum

appelletur, eiusque festum die una et tricesima mensis Ianuarii, qua in

caelum orta est, in locis et modis iure statutis quotannis celebrari possit.

In nomine Patris et Filii et Spiritus Sancti.

Pietate et operosa eminens caritate, potissimum erga pauperrimos et

versantes in periculo vitae vel animae, beata regina Maria Christina multis

capite damnatis gratiam apud regem expostulavit, puellas pauperes nubendi

causa dote iuvit, aegrotos curavit, omnes tunc ac nostra aetate suo exemplo

ad christianam vitam ducendam incitando.

Quod quidem decrevimus, volumus et nunc et in posterum tempus vim

habere, contrariis rebus quibuslibet non obsistentibus.

Datum Romae, apud Sanctum Petrum, sub anulo Piscatoris, die XXV

mensis Ianuarii, anno MMXIV, Pontificatus Nostri primo.

De mandato Summi Pontificis

petrus card. parolin

Secretarius Status

Loco G Plumbi

In Secret. Status tab., n. 16.997