Acta Francisci Pp. 347

MDCCCLXXV natus est. Vota religiosa sollemnia die VI mensis Februarii anno

MCMV professus est. Uti frater laicus variis muneribus functus est hortulani,

stipem quaeritantis, sutoris, ianitoris et coqui. Fuit devotus, amans oratio-

nem et contemplationem. Inde fere caecus tum erat, cum eum conventum

loci Arenys de Mar deserere opus fuit ac refugium quaerere. Die XXVIII

mensis Iulii anno MCMXXXVI arreptus est eodemque die ad fines territorii

loci Arenys du Mont interemptus.

26. Frater Felix de Dertosa (Ioannes Bonavida Dellá) Dertosae prope

Tarraconem die II mensis Aprilis anno MDCCCXCIV natus est. Vota religiosa

sollemnia die XXIII mensis Ianuarii anno MCMXXVI professus est. Ad fines

territorii loci Santa Maria Palafolls die I mensis Augusti anno MCMXXXVI,

se pro Christo mori proclamans, interemptus est.

Quorum Servorum Dei mors a multis iam statim post eorum necem

martyrium aestimata est. Proinde, Provincia Cataloniensis Ordinis Fra-

trum Minorum Capuccinorum actrix in Causa super martyrio constituta

est et die XXVIII mensis Martii anno MCMLVII apud Curiam Archiepiscopalem

Barcinonensem Processus Informativus initus est. Omnibus iure requisitis

expletis Positioneque confecta, Congressus Peculiaris Consultorum Theo-

logorum prosperam sententiam quoad martyrium die X mensis Decembris

anno MMXIII censuit et Patres Cardinales et Episcopi in Sessione Ordinaria

die XIX mensis Maii anno MMXV habita omnes Servos Dei sanguinem pro

fidelitate Christo et Ecclesiae effudisse agnoverunt.

Nosmet Ipsi die v mensis Iunii eodem anno concessimus, ut Congregatio

de Causis Sanctorum Decretum super martyrio promulgaret, ac statuimus,

ut ritus beatificationis die XXI mensis Novembris eodem anno Barcinone in

Hispania perageretur.

Hodie igitur hac in urbe de mandato Nostro Venerabilis Frater Nos-

ter Angelus S.R.E. Cardinalis Amato, S.D.B., Praefectus Congregationis

de Causis Sanctorum, textum Litterarum Apostolicarum legit, quibus Nos

Venerabiles Servos Dei Fridericum de Berga et XXV Socios in Beatorum

numerum adscribimus:

Nos, vota Fratrum Nostrorum Aloisii S.R.E. Cardinalis Martinez Sistach,

Archiepiscopi emeriti Barcinonensis, et Ioannis Iosephi Omelia Ornella,

Archiepiscopi Metropolitae Barcinonensis, necnon plurimorum aliorum Fra-

trum in Episcopatu multorumque christifìdelium explentes, de Congregatio-

nis de Causis Sanctorum consulto, auctoritate Nostra Apostolica facultatem