340 Acta Apostolicae Sedis - Commentarium Officiale

devergentias composuit, animos moderata est, mores temperavit. Magna-

nimiter pauperibus succurrit, de propria tollens hereditate. Multos capite

damnatos salvavit, misericordiosam suam interponens intercessionem ad

commutationem penae consequendam. Divina gratia mutata, vultum bonum

et misericordem Christi resplenduit. Etiamsi in fastu vivere posset, Serva

Dei se coërcere voluit in cibo et palatii avocamentis. Verbi Iesu flammam

vivam maluit et sanctorum vitarum frequentationem, unde inspirationes

actionesve boni erga proximum indigentem hauriebat. Coram nugis ipsa

modestiam simplicisque animae innocentiam servabat. Palatii dominae dice-

re solebant: "Haud Adam filia videbatur, sed potius angelus". Intima animi

attentione sic diem agebat, ut spiritaliter penes tabernaculum sistere posset

in adoratione Iesu in Eucharistia, qui fons erat eius laetitiae uti sponsae,

matris et reginae. Postquam a Deo instanter maternitatis donum postulavit,

quod retardare videbatur, breve suum regnum nativitate heredis Francisci

incoronavit. Febri puerperali affecta, postremos dies in plena Dei voluntati

adhaesione vixit, disponens ut pauperibus, quibus astiterat etiam post eius

transitum provideretur. Obiit in palatio regali Neapoli media die XXXI mensis

Ianuarii anno MDCCCXXXVI, vasta fama sanctitatis circumdata.

Tot beneficiorum memor, populus sponte suam invocare coepit reginam,

gratias et sanationes eius per intercessionem accipiens. Anno MDCCCLXVI

Archiepiscopus Neapolitanus, Venerabilis Cardinalis Xystus Riario Sforza,

beatificationis causam incohavit. Decessor Noster Pius XI die VI mensis

Maii anno MCMXXXVII heroicas Servae Dei agnovit virtutes.

Servatis omnibus iure statutis, ad consequendam beatificationem Con-

gregationi de Causis Sanctorum quaedam sanatio exhibita est, intercessioni

Servae Dei tributa, quae in Archidioecesi Ianuensi anno MDCCCLXVI evenit.

Consultores Medici die XXIX mensis Octobris anno MMIX hoc factum scien-

tifice inexplicabile declararunt atque Consultores Theologi iis annuerunt et

sanationem intercessioni Venerabilis Servae Dei tribuerunt die XXVI mensis

Maii anno MMXII. In Sessione Ordinaria die IX mensis Aprilis anno MMXIII

Patres Cardinales et Episcopi iudicaverunt illam verum fuisse miraculum

divinitus patratum. Ideo Nos Congregationi de Causis Sanctorum faculta-

tem fecimus ut Decretum super miro ederet die II mensis Maii anno MMXIII.

Deinde decrevimus ut beatificationis ritus die XXV mensis Ianuarii anno

MMXIV Neapoli perageretur.