400 Acta Apostolicae Sedis - Commentarium Officiale

MUTINENSIS-NONANTULANA

Beatificationis et Canonizationis Servae Dei Dominicae Bedonni viduae Bernardini Christifidelis Laicae et Matrisfamilias (1889-1971)

DECRETUM SUPER VIRTUTIBUS

« Mulierem fortem quis inveniet? Longe super gemmas pretium eius. Con-

fidit in ea cor viri sui et spoliis non indigebit. Reddet ei bonum et non

malum omnibus diebus vitae suae » ( Pr 31, 10-12).

Elogium biblicum sponsam et matremfamilias Servam Dei Dominicam Be-

donni viduam Sergii Bernardini aptissime decet, quae totam vitam intra moenia

domus suae degit, viro ac filiis dedita, quos amorem Domini docuit atque verbo

et exemplo adhortata est, ut non modo boni christifideles, sed et sancti essent.

Serva Dei in vico Verica prope Mutinam die 12 mensis Aprilis anno

1889 e parentibus Henrico et Mathilde Caselli in familia christiana pietate

penitus informata nata est. Hilaris ac mera indole, cantum valde diligebat,

semper vultu renidebat ac sub serenum tectum humanis christianisque re-

fertum virtutibus crevit. Anima eius propediem creaturarum contemplationis

orationisque assiduae Missaeque et cotidianae eucharisticae participationis

gratia amore Domini et, duodeviginti fere annos nata, desiderio vitae con-

secratae summopere exarsit, quod intime animadvertit in ea missionariorum

quorundam praedicatione suscitatum; cum autem aliquo omnino careret, qui

super hanc viam ei auxilium suppeditaret, postera ad matrimonium direxit.

Dum vicesimum agebat aetatis annum nuptias iuvenis cuiusdam pacta est,

qui autem paulo ante matrimonium decessit.

Anno 1913, Sergium Bernardini cognovit nuperrime ex America Septen-

trionali regressum, qui eidem adeo bonam praebuit opinionem, ut extemplo

consilium familiae christiano more efformandae uberatae prole communica-

rent, quae presbyterorum, religiosorum et missionariorum vocationum esset

cunae. Sponsi Evangelium legebant unaque meditabantur et super Verbum

Dei coniugium suum vere fundaverunt. Sergius et Dominica die 19 mensis

Maii anno 1914 matrimonium inierunt.

Vita Servae Dei familiae omnino est consecrata. Decem habuit filios,

quos summa excoluit sollicitudine et, concorde viro ad purissimas christianas

virtutes institutos, deditionis exemplo et spiritu servitii illustravit. Una cum

Sergio coniuge Missae dominicali, eucharisticae adorationi et Vesperarum