406 Acta Apostolicae Sedis - Commentarium Officiale

TAURINENSIS

Beatificationis et Canonizationis Servae Dei Iuliae Colbert Falletti di Barolo Christi-

fidelis Laicae Fundatricis Congregationis Flliarum a Iesu Bono Pastore (1789-1864)

DECRETUM SUPER VIRTUTIBUS

« Dominus noster dixit: Estote perfecti sicut Pater vester caelestis! Si

corda nostra quatenus ad gradum illius sanctitatis metiri oporteret, ubinam

gradus versaremur? Quandoquidem tamen haec dixit Dominus noster, ne-

cesse est ut, eius praesidio, id efficere curemus, vel saltem viribus omnibus

conari ut miseria nostra illuc extollatur. Misericors Deus reliquum faciet ».

Verba haec, quibus Serva Dei Iulia Colbert Falletti di Barolo Sorores

suas est allocuta, testificantur eam per totam vitam assiduo animo sanc-

titatem quaesivisse.

Serva Dei e familia nobili et firma fide christiana insignita die 26 mensis

Iunii anno 1786 ortum habuit in arce vulgo Maulévrier in Vandea, in Gallia,

ubi infantiam et adulescentiam in serenitate gessit. Iuvenili cum esset aetate,

apud Regiam Parisiensem Comitem cognovit Carolum Tancredi Falletti di

Barolo, ipsum quoque inter Dei Servos relatum, cui nupsit die 18 mensis

Augusti anno 1806.

Hi coniuges cum Augustam Taurinorum sese contulerunt, consuetudinem

foverunt cum Pedemontana societate, quae diffusa materiali et morali pau-

pertate afficiebatur. Tot hominum perspectis cruciatibus, altissimo iustitiae

et christianae caritatis sensu inducti, confestim statuerunt opes suas cum

indigentioribus communicare. Quodam die Serva Dei ante carcerem transiens

animo vehementer commota est prae clamoribus maledictionis cuiusdam viri in

carcere reclusi. Petivit et obtinuit ut illam poenalem domum invisere posset;

tunc depravationis gravitatem animadvertens, consilium cepit eius sanationem

promovendi. Prolis expers, intimo humanitatis sensu praedita necnon comi-

tantis mariti opere suffulta, pro detentis in carcere, pauperibus, infirmis et

innuptis matribus meliorem provehere incepit condicionem, sic maiore nisu

opera adaugens caritatis. Illinc exorta sunt opera nempe quae sequuntur: Refu-

gium pro mulieribus reclusis iam emendatis, Asylum, Congregationes Sororum

a Iesu Bono Pastore ac Sororum Sanctae Annae.

Triginta post elapsos annos vitae coniugalis, Serva Dei correpta est ma-

riti morte, quae die 4 mensis Septembris anno 1838 evenit. Quamvis dolore