404 Acta Apostolicae Sedis - Commentarium Officiale

profectus est et Chicagii apud fodinam operam exercuit, sed gravis casus oc- cursus nonaginta dies eum lecto affixit. Servi Dei animo autem haec omnia

signum voluntatis fuerunt Domini, qui eum devocabat, ut domum rediret.

Falanellum ergo se reddidit, ubi, licet parochus ei studendi et presbyterum

fiendi exprompserit consilium, Servus Dei tamen adhuc vocatione ad vitam

coniugalem et ad condicionem patrisfamilias colendam inflammabatur. Iuve- nem ergo quandam mulierem, cui Dominicae Bedonni nomen, e vico Verica

oriundam obviavit, quam die 19 mensis Maii anno 1914 duxit uxorem. Haec

idem familiae magnae et sanctae cum eo communicavit specimen, ut Domino

multos filios donare valeret sive in sacerdotio sive in vita religiosa et in mis- sionibus eidem consecratos.

Vita Servi Dei illinc illi coniugis intime adiuncta est, vere multiplicata prole cohonestata octo filiarum, quarum sex religiosae, quinque e Pia Societate Sancti Pauli et una ex Ancillis Sancti Francisci, et duorum filiorum, amborum e Fratribus Minoribus Capuccinis. Tantam haud facile fuit tollere familiam; Sergium autem et Dominicam adeo profonda divinae Providentiae movebat fides, ut ortus quisque iisdem alterum Dei esset donum, quod laetantes ipsi accipiebant. Filii sanitate corporis humanisque et christianis virtutibus referti creverunt et ad gratiam vocationis prompti. Post secundum filium presbyterum consecratum, coniuges Bernardini immo et alumnum quendam Seminarii e Nigeria, Felicem Ade Job, adoptaverunt, qui apud Propagandam Fidem stu- debat, presbyter anno 1966 ordinatus est et postea, anno 1971, episcopus Ibadanensis in Nigeria electus.

Sergius secundum spiritum dominici ministerii semper cum coniuge vixit. Una repetere solebant et filios docere illud: « Oratio pulcherrima caritas »; proinde, egenorum necessitatibus ac proximorum prebyterorumque et reli- giosorum hospitio properrime providebant. Filiae virgines et filius Iosephus,

qui nomen Germani in religione sumpsit et Archiepiscopus Smirnensis factus

est, ad missiones mox excesserunt et omnes per terrarum orbis continentes pervagati sunt; parentes autem magnam partem anni apud filiam quandam

infirmorum ministram Mutinae degerunt et dies suos in litteris filiis longinquis

remittendis atque Iesu sacramentato impenderunt adorando. Inconcussa semper et serena suppeditatus est fide, sed ultimis annis vitae

noctis spiritualis certamine illo adauctus est, quo Dominum abesse eumque

aversari cogitavit, atque inquietudinis pati cepit tormentum. Frustra porro propinqui atque Fratres ex Ordine Capuccinorum, qui eum iam diutius cog- noscebant eique assidue astiterant, eundem contenderunt solari, at Sergius