Congregatio de Causis Sanctorum 415

VERCELLENSIS

Beatificationis et Canonizationis Ven. Servi Dei Iacobi Abbondo Sacerdotis Dioe-

cesani (1720-1788)

DECRETUM SUPER MIRACULO

Ven. Servus Dei Iacobus Abbondo natus est Salomini, quod est pars

Tronzani Vercellensis, die 27 mensis Augusti anno 1720. Ordinatus est sa-

cerdos die 21 mensis Martii anno 1744. Multos per annos coadiutor fuit

parochi Sancti Michaelis Vercellis. Magis magisque fuit devotus confrater

Societatis Mariae Matris Boni Consilii et cultor spiritualitatis cordium Iesu

et Mariae. Fuit aestimabilis director spiritualis vocatorum ad vitam reli-

giosam et diligentissimus moderator spiritualis materialisque reclusorum

et poenae capitali damnatorum. Anno 1757 electus fuit parochus Tronzani,

ubi mansit usque ad mortem. Ibi sistematice curavit catechesim et praedi-

cationem, inculcando rectam doctrinam, corrigendo excessus iansenismi et

rigorismi sacramentalis. Maximam sollicitationem dedit curae infìrmorum

et pauperum et potentiavit Congregationem Caritatis. Homo Dei, orabat

die noctuque. Evangelizavit populum constanti exemplo spiritualitatis. Deo

offerebat labores et cruciatus. Pie quievit in Domino die 9 mensis Februarii

anno 1788. Papa Franciscus recognovit heroicitatem virtutum Ven. Servi

Dei die 9 mensis Maii anno 2014.

Ad beatificationem prospiciendam, Postulatio Causae iudicio huius Con-

gregationis coniectam subiecit sanationem cuiusdam adulescentis. Factum

evenit Tronzani, Vercellensi in provincia, anno 1907. Adulescens quattuor-

decim annos natus laborabat in agris. Foenum deponebat de alto. Lapsus

cecidit in furcam, cuius acumina perineum perforarunt et imum ventrem in

zona inguinali. Statim auxilium ei datus est et curatus fuit remediis illius

temporis, hoc est alcoholum tinctura iodii, cataplasmis (nondum antibiotici

reperti erant). Vulnus, secundum iudicium medici qui auxilium dedit, gra-

vissimum erat, ut facile degenerare possit in setticemiam aut peritonealem

infectionem. Exclusa fuit possibilitas transferendi vulneratum in valetudi-

narium, ubi cura hospitalaria erat pensione emenda et familia adulescentis

miserae conditionis oeconomicae erat. Iuvenis vulneratus erat valde. credens

et valde practicans. Invocavit igitur intercessionem Ven. Servi Dei, qui