Congregatio de Causis Sanctorum 417

ZAGREBIENSIS

Beatificationis et Canonizationis Servi Dei Antonii Antić Sacerdotis Professi ex

Ordine Fratrum Minorum (1893-1965)

DECRETUM SUPER VIRTUTIBUS

« Vivo autem iam non ego, vivit vero in me Christus » ( Gal 2, 20).

Christo conformis fieri vehemens fuit desiderium spiritale quod Servus

Dei Antonius Antić, evangelica consilia profitendo ac sacerdotale ministe-

rium exercendo, toto corde prosecutus est. Authenticus Sancti Francisci

Assisiensis filius, Dei Famulus fuit religiosus humilis et misericors, patiens

et ad veniam inclinatus, afflictorum consolator, dubitantium consiliarius,

aegris suppeditans.

Decem filiorum sextus, Servus Dei in insula v.d. Prvić-Šepurine prope,

Sibenicum, Croaticae regionis, die 16 mensis Aprilis anno 1893 e Thoma

et Thaide, nata Vlahov, coniugibus natus est.

Cum materno in ventre adhuc esset, pii parentes eundem tempore pro-

cellae, quae illorum vitae, dum mari navigabant, periculum fecit, Sancto

Antonio Patavino voverunt. Dei Famulus, septem annos natus, familia co-

mite demigravit in locum vulgo Zaton, ubi prima litterarum studia perfecit,

Domino respondens vocanti, anno 1905 Collegium seraphicum Setoviense, e

religiosa provincia SS. Redemptoris, est ingressus. Anno 1911 Franciscalem

vestem induit atque in conventu sub titulo Sanctae Mariae Angelorum, parva

in insula Visovac posito, noviciatum iniit. Die 17 mensis Septembris anno

1912 temporariam professionem ac perpetuam die 1 mensis Septembris

anno 1915 nuncupavit. Sebenici die 29 mensis Iulii anno 1917 presbyteralem

ordinationem recepit.

Ob intellectuales, morales spiritalesque dotes Servum Dei, ad iuvenes

religiosos formandos, superiores destinarunt. Ab anno 1917 usque ad annum

1925 Pater Antonius vicarii magistri clericorum officium Macarscae explevit.

Magister clericorum est deinde nominatus (1925-1946). Munus idem Zagra-

biae in conventu Beatae Mariae Virgini Lapurdensi dicato, quo studentatus

theologiae erat interea traductus, vero sustinuit.

Unionis cum Christo vita, baptismali gratia inchoata ac presbyterali

consecratione perfecta, praecipuum illius spiritualitatis fuit signum. Dei Fa-