Congregatio de Causis Sanctorum 397

ACTA CONGREGATIONUM

CONGREGATIO DE CAUSIS SANCTORUM

MONTISVIDEI

Beatificationis et Canonizationis Servi Dei Hyacinthi Vera Episcopi Montisvidei (1813-1881)

DECRETUM SUPER VIRTUTIBUS

« Ego sum pastor bonus; bonus pastor animam suam ponit pro ovibus » ( Io 10, 11).

Evangelicum Ioannis effatum figuram Servi Dei notam reddit quatenus respicit eius pastoralem amplitudinem, quae ab exordiis eius vocationis ni-

tide eminet et per totam eius vitam constanter ac perseveranter explicatur. Parentes Servi Dei, Gerardus Vera et Iosepha Durón, oriundi ambo e loco

Lanzarote in Insulis Canariis, agricolae pauperes et cupidi digniorem vitam gerendi pro familia, statuerunt in Uruquariam mensibus Maio et Iunio anni 1813 emigrare. Perdurante itinere, dum Atlanticum Oceanum transirent, die 3 mensis Iulii anno 1813 in lucem venit quartus filius, qui die 2 sequentis mensis Augusti in quodam Brasiliae templo sacri baptismatis aqua lustra-

tus est, Hyacinthi nomen assumens. Deinde, iter persequentes, coniuges commorationem denique posuerunt in loco Abra del Mallorquín, ex regione Maldonado in Uruquaria. Ibi vires insumpserunt in agris colendis ac postea Toletum, in regione Canelones situm, se contulerunt, ubi domum ac simul

praedium emerant. Hyacinthus, tam a matre quam a fratribus Franciscali-

bus christiana fide eruditus, anno 1826 ad eucharisticum convivium primo

accessit. Anno 1832, secessuum spiritualium cursu expleto, ad sacerdotalem

vitam vocari percepit, quam vocationem deinde sequi potuit; itaque studiis theologicis Bonaëropoli absolutis apud Collegium sodalium Societatis Iesu,

sacro presbyteratus ordine mense Maio anno 1841 est insignitus.

In Uruquariam reversus, in loco Canelones prius vices agens parochi deinde parochi munus assumpsit, ubi ita intensum pastorale exercuit ministerium, ut

pervastum paroeciale attingeret territorium. In hac communitate commorans

electus est quoque particeps. Consilii Oeconomici Administrativi illius regionis.