Tertia Quinquagena.

1. Ave, cuius tempore
Sumpto Deus corpore
Te elegit virginem,
Ut Sion ecclesiae
Misertus miseriae

Per te salvet hominem.

2. Ave, nostram gaudium,
Cuius desiderium

Omni bono floruit,
Per quam instar aquilae
Iuvenescit facile,

Qui peccato senuit.

8. Ave templum inclitum.
Ad quod misit spicum

Fundens Deus munera.
Cuius rore muneris
Dum tota perungeris.

Renovasti vetera.

4. Ave. nubes splendida.
Sacro rore madida,

Tuorum protectio.
Qui Sul verus latuit.
Sacer flatus abluit,

Ab omni contagio.

5. Ave. sancta virgula.
Qua fecit miracula

Summus Aaron pontifex.
Maius signum claruit,
Dum puella genuit,

Et fit opus opifex.

6. Ave. cuius ubera
Nostra sanant vulnera.

Dum salutem generas.
Lac praebendo modicum,
Nostrum lactans medicum

Nos ab hoste liberas.

7. Ave, custos animi.
Vas purum altissimi,

Cunctis carens sordibus.
Semper prompta psallere
Corde, ore, opere

In divinis laudibus.

8. Ave, cuius genua
Detrivit assidua

Virtus abstinenriae.
Nam. quod erat carneum.
Immutavit oleum

Spiritalis gratiae.

9. Ave, virgo gracilis,
Delicata, fertilis,

Fructum vitae germinans.
Tu de Sion mitteris,
Parcens tuis miseris.
Iniquos exterminans.

10. Ave, per quam homines
Inter summos ordines

Meruerunt recipi.
Dum redemptor omnium
Causa missus hominum

Venit in te concipi.

11. Ave. virgo virginum.

Per quam lumen luminum

Ortum est in tenebris,
Ad cuius praesentiam
Respirat ad veniam

Peccatur de latebris.

12. Ave. via regia.

Per quam ad sublimia

Conscendit humilitas,
Te de terrae pulvere
Locatam in aethere

Vexit summa caritas.

13. Ave, per quam regimur,
Aegypto egredimur.

Salvamur a barbaris.
Tu duris ad patriam.
In qua spondes copiam

Lactis mellis, nectaris.

14. Ave. placens Domino.
Felix absque termino

In vivorum curia,
In qua nunquam habitat,
Qui non caste militat

Hic adversus vitia.

15. Ave, cuius anima

Cum carne sanctissima

Fulget in sublimibus.
Cuius vita sanctior
Et mors pretiosior

In sanctorum millibus.

16. Ave, per quam mediam
Fudit in nos gratiam

Mediatrix deitas,
Laxat reis debita.
Iustis auget merita

Per te clemens bonitas.

17. Ave, de qua nascitur,
Qui de monte scinditur

Lapis sine manibus,
Quem praevidit Daniel,
Nuntiavit Gabriel

Nasciturum gentibus.

18. Ave, digna titulis,
Cunctis carens maculis

Et mentis et corporis,
Te sacravit puritas
Et dicavit deitas

Ab intus et deforis.

19. Ave, quae pro meritis
Et exemplis inclitis

Carbo vivus diceris,
Quae succendis frigidos
Et nos facis calidos
Igne tui muneris.

20. Ave, mater principis,
Quem pudice concipis

Et paris cum gaudio,
Qui suum introitum
Servavit et exitum,

Ne pateret laesio.

21. Ave, turris turrium,
Per quam ictus hostium

Repelluntur eminus,
In qua propugnaculum
Ad vincendum Zabulum

Factus fuit Dominus.

22. Ave, caeli domina,
In te cordis lumina

Tui figunt servuli,
Donec pias lacrimas
Et purgatas animas

Tui cernant oculi,

23. Ave, per quam ferrei
Sunt contriti laquei,

Quos de monte tenderat,
De cuius decipula
Rex, qui novit singula,

Per te suos liberat.

24. Ave, mundi speculum,
Cuius pascit oculum

Sumraae pacis visio,
In qua praees ceteris
Nec moveri poteris

Unquam ab hoc gaudio.

25. Ave, pratum floridum,
Quod effecit gravidum

Auster sancti spiritus,
Ver dum perflat leniter,
De te mirabiliter

Flos est in te genitus.

26. Ave, salus miseri,
Cuius fructus uteri

Merces est viventium,
Quem, qui Deo militant,
Post mortem hereditant

In terra viventium.

27. Ave, vitis gratiae,
Dans vinum laetitiae,

Quod bibit ecclesia,
Agni digna nuptiis,
Christi stricta brachiis,

Uxor labem nescia.

28. Ave, quae nil tumidum,
Nil egisti sordidum,

Imitatrix filii,
Qui superbos deicit
Et incestos reicit

A throno palatii.

29. Ave, cuius animus
Deo fuit proximus

Verbum Dei retinens,
Donec mundum redimat
Et infernum perimat

Redemptorem sustinens.

30. Ave, sequens minima,
Quamvis esses maxima,

Sanctitate celebris,
Non segnis, non petulans,
Non in magnis ambulans,

Non elatis palpebris.

31. Ave, mater lucida,
Cuins alvus tumida

Suum fructum protulit,
Quem in sede propria
Facturum iudicia
Deus pater sustulit.

32. Ave, quam ros caelicus
Produxit intrinsecus

Dans virtutum copiam,
Quam fecit simplicitas
Et simplex humilitas

Vestis Aaron fimbriam.

33. Ave, luna noctium,

Lux sanctorum cordium,
Qua nos caecos visitas,
Ad quam preces fundimus,
Ad quam manus tollimus,
Dum instat adversitas.

34. Ave, dives meritis,
Parens regis divitis,

Qui dat regna regibus,
Qui salvat et perimit,
Qui confert et adimit

Virtutem potentibus.

35. Ave, per quam ovium
Pastor spiritalium

Fit in pastum hominis,
Suae carnis epulum
In praeclarum poculum

Sui praebens sanguinis.

36. Ave, cuius munere
Iam in laudem libere

Nostra sonant organa,
Per quam hostem vincimus,
Babylonem fugimus

Erepti de Satana.

37. Ave, cuius cantica
Resonant cum musica

Supernorum agminum,
Sed auctorem omnium
Laudas sicut filium,

IIIa sicut Dominum.

38. Ave, sidus aureum,
Caius iubar flammeum

Dat lumen ecclesiae,
Ut caecos illumines
Et noctem elimines,

Tuae sunt deliciae.

39. Ave, sancta castitas,
Cui servavit deitas

Pudoris signaculum,
Cui virtus altissimi
Super caput animi

Conficit umbraculum.

40. Ave, virga terrea,
Cuius odor turea

Transcendebat omnia,
Cum flagrans devotio
Et fraglans oratio

Petebant caelestia.

41. Ave, cuius portio
Felix omni gaudio

Fit in caelo Dominus,
Ad quem suspiraveras,
In quo spem defixeras,

Videns illum comminus.

42. Ave, quam edocuit,
Quam implere voluit

Summa sapientia,
Quam, cum adest exitus,
Bonus duxit spiritus

Ad caeli fastigia.

43. Ave, quae deliciis
Praetulisti regiis

Deum, quo nil dulcius,
Inter omnes filias
Per virtutes varias

Ornata venustius.

44. Ave, virgo Maria,
Cuius ex memoria

Mira fit suavitas,
Haec vox mel est faucibus,
Haec vox melos auribus,
Haec vox cordis claritas.

45. Ave, clavis carcerum,
Per quam nodos scelerum

Dei solvit dextera,
Per te lapsos erigit,
Per te vagos dirigit,
Per te sanat vulnera.

46. Ave, sidus siderum,
Quae fulgore munerum

Omnes stellas praevenis,
Es Maria nomine,
Stella maris omine,

Quae periclis subvenis.

47. Ave, lucis ianua,
Portarum praecipua,

Patens regi gloriae,
Qui servavit veniens
Nec confregit exiens

Seras pudicitiae.

48. Ave, sole purior,
Globo lunae clarior

Cunctisque sideribus,
Amplexaris filium,
Quem vox laudat omnium

Psalmis, hymnis, precibus.

49. Ave, Sion filia
Regis, cuius gloria

Resultat alacriter,
Meae carnis tympanum,
Mei cordis organum
Modulare dulciter.

50. Ave, cum qua caelitus
Omnis Deo spiritus

Decantet Alleluia,
Honor tibi virgini,
Patri, nato, flamini

Sit virtus perpetua.