Tertia Quinquagena.

1. Ave, Iesu, dulcis dici,

, A te peto benedici,

Per quem mala multa vici
Exprobrantis inimici.

2. Ave, parens mis parentum,
Iesu, nostrum tu figmentum,
Quia nosti, fac proventum
Contra hostis tentamentum.

3. Ave, fructus benedictus,
Iesu, matris qui amictus
Luce fulges, fac, ne victus
Sim ab hoste nec relictus.

4. Ave, Iesu, nomen gratum,
Nomen pacis nobis datum,
Quod et ego invocatum
Quaero pacis advocatum.

5. Ave, Iesu salutaris,
Bene nempe sic vocaris,
Quia salus nobis daris
Et salutem meditaris.

6. Ave, petra fluens mella,
Unguentorum fraglans cella,
Iesu, mundi seda bella,
Stentque flatus et procella.

7. Ave, portus requiei,
Iesu, bone fili Dei,
Tu solamen cordis mei
Atque lebes meae spei.

8. Ave, Iesu, ac dignare
Laude mea te laudare,
Me egenum visitare,
A dolosis observare.

9. Ave, summa spes salutis,
Iesu, virga tu virtutis
Ad nos missa, sensum brutis
Atque verba redde mutis.

10. Ave, Iesu, dulcis menti,
Escam donans te timenti,
Memor esto testamenti
Et placare tuae genti.

11. Ave, Iesu, lux exorta,
Mala dele iam suborta,
In me plana, quae sunt torta,
Mortis procul absit porta.

12. Ave, Iesu, lux caecorum,
Laude dignus puerorum,
Tu delector superborum,
Sublevator egenorum.

13. Ave, Iesu, robur meum,
Protectorem solum Deum
Te adoro, salva reum,
Ne devincat hostis eum.

14. Ave, Iesu, flos honoris,
Decor omnis tu decoris,
Quem circumdat vis doloris,
Me foveto cunctis horis.

15. Ave, Iesu, expers paris,
Calix, potus salutaris,
Ipse motus quo placaris
Et pro pace nobis daris.

16. Ave, salus, quam tenemus,
Aufer mala, quae, timemus,
Ut te, Iesu, fac, amemus,
In aeternum et laudemus.

17. Ave, Iesu, et de spinis
Peccatorum et ruinis
Salva, quaeso, me, ne minis
Hostis tradar belluinis.

18. Ave, Iesu, Iesu bone,
Legem ipse mihi pone,
Quam secatus actione
Tua fruar visione.

19. Ave, Iesu, lux beatis,
Tuis donis atque datis
Fac me laetum his sublatis,
Quae impugnant iam me gratis.

20. Ave, Iesu, ne dormites,
Surgunt hostes, en, immites,
Quorum ne formidem lites,
Tuis donis tu me dites.

21. Ave, Iesu, tu qui sedes
Et paternas regis sedes,
Ut caelestes super aedes,
Fac, sint stantes nostri pedes.

22. Ave, Iesu, regnans vere,
Fac nos semper te videre,
Qui te colunt nunc sincere,
Nostri, Deus, miserere.

23. Ave, Iesu, funde rivos
Pietatis super vivos,
Deus super omnes divos,
Solve tuos et captivos.

24. Ave, Iesu, gluten forte,
Me de peccatorum sorte,
Quaeso, trahe, ne me forte
Apprehendant mortis portae.

25. Ave, Iesu, tu quem scimus
Panem nostrum, retro imus,
Ni succurras, et perimus,
Consolati, fac, ut simus.

2(3. Ave, Iesu, ad me manum
Mitte tuam, fac me sanum,
Ut non frustra vel in vanum
Mundum sequar hunc pro-
fanum.

27. Ave, Iesu, dona gratis,
Dona multum, dona satis,
Laeter malis ut sublatis,
Qui te timent, cum beatis.

28. Ave, Iesu, dulcis fari,
Fac in bono me firmari,
Ut non possim expugnari,
Hostem iube infirmari.

29. Ave, Iesu, qui effundis
Pacem multam corde mundis,
Ad te clamo de profundis
Malis cunctis gemebundis.

30. Ave, Iesu, summum datum,
Sit, quod peto, tibi gratum,
Cordis mei rege statum,
Ne vilescat elevatum.

31. Ave, Iesu, lux diei,

Tu sis rector cordis mei,
O spes summa, fili Dei,
Quam elegi requiei.

32. Ave, bonum et iucundum,
Vas unguenti vasque mundum
Mundans omne, quod im-
mundum,
Cor perunge vagabundum.

33. Ave, Iesu, quem amare
Aequum est et salutare,
Fac in domo tua stare
Et me semper te laudare.

34. Ave, Iesu, nomen suave,
Leni quidquid urget, grave
Et a malis nobis cave,
Preme fluxa mentis pravae.

35. Ave, Iesu, ipsum vernum,
Qui es bonus in aeternum,
Vultum placa tu paternum,
Procul esse fac Avernum.

36. Ave, Iesu, dives donis,
Super ripam Babylonis
Qui nunc flemus, fac tu bonis
Nos adesse caeli thronis.

37. Ave, quies tu laborum,
Iesu, laudes labiorum
Recommenda famulorum
In conspectu angelorum.

38. Ave, Iesu, lumen rectum,
Cui nihil est obtectum,
Cerne meum imperfectum
Atque leva iam deiectum.

39. Ave, Iesu, ac dignare
Me bellantem adiuvare,
Hostem possim ut fugare,
Eius gressus supplantare.

40. Ave, laudis vas immensum,
Meum, Iesu, rege sensum,
Verba mea ut incensum
Ad te petant sic accensum.

41. Ave, Iesu mi, post luctum
Da felicem binc eductum
Atque caelis introductum
Fac haurire vitae fructum.

42. Ave, vas stillantis undae,
Menti meae sitibundae
Affluenter et abunde
Ipsum, Iesu, te infunde.

43. Ave, Iesu, et descende,
Tange mentem et accende,
Ut crementur in me mendae,
Oro Deus te colende.

44. Ave, Iesu, rex aeterne,
Rex immense, rex superne,
Doctor pacis et internae,
Quae me vincunt, mala cerne.

45. Ave, cordis mundans visum,
Iesu, stare fac elisum
Contra hostis me annisum
Fac intrare paradisum.

46. Ave, Iesu, totus mundus,
Psalmus decet te iucundus,
Assis mihi, ne me mundus
A te trahat furibundus.

47. Ave, Iesu, tu frumentum,
In Maria quod inventum,
Crucis venit ad tormentum,
Cordis mei pascementum.

48. Ave, Iesu, quem de caelis
Laudat omnis plebs fidelis,
Inter semen Israelis
Tu me quoque nosse velis.

49. Ave, Iesu, laus sanctorum,
Intus fac me tu decorum,
In te laeter, sis meorum
Supplementum gaudiorum.

50. Ave, Iesu summe bonus,
Suave cordis mei onus,
Angelorum tibi pronus
Digne plaudit dulcis sonus.