Tertia Quinquagena.

1. Gratias pro lacrimis,

Iesu, quas fudisti
Salsis, puris, calidis,

quibus commovisti
Tui patris viscera,

quibus eruisti
Me de manu inferi,

vitam contulisti.

2. Iesu, tuae lacrimae

salsae dent saporem,
Ut tu mihi sapias,

purae dent decorem
Puritatis, calidae

ingerant calorem,
Quae accendant, vulnerent,

auferant teporem.

3. Ut peccata defleam,

ad quae mens est prona,
Ut plangam exsilium,

ut aeterna bona
Requiram cum lacrimis,

o Iesu, corona
Celsior, tu tribue

lacrimarum dona.

4. Salsas confer lacrimas,
quae corruptionis
Expertem me faciant,
a pollutionis

Labe pure abluant,

contra aquilonis
Frigus mihi lacrimas

da dilectionis.
5. Illos tuos oculos

in morte clausisti,
Quibus Petrum, ceteros

pie respexisti
Peccatores, cordibus

quorum infudisti
Lumen tuae gratiae,

culpam remisisti.

6. O paternae gloriae

splendor, per respectum
Tuum benignissimum

animae profectum
Operaris, corporis

sublevas defectum,
In utroque respice

meum imperfectum.
7. Verus sol iustitiae,

tu interiorem
Hominem irradia,

da cordi fervorem
Spiritus, exterius

tribue vigorem
Membris, laudent omnia

suum creatorem.

8. Diadema spineum

intulit dolorem
Reverendo capiti

tuo et cruorem
Extraxit purpureum

pretiosiorem
Regum diademate,

regnis cariorem.

9. Pie pater, filium

tuum me fecisti,
Sanguine de regio

tu me genuisti,
Quando semen sanguinis

in terra fudisti
Et ex hac fidelium

grana produxisti.

10. Ut in me perficias,

quod coepisti, bonum,
Tuarum participem

me fac punctionum,
Quibus si communico,

te ipsum in donum
Dabis, regis filius

obtinebo thronum.

11. Sanguis tui capitis

extractus per spinam
Sensus mei capitis

servet, ne ruinam
Patiantur, fugiant

hanc mundi sentinam,
Illos ad notitiam

erige divinam.

12. Ad te, Iesu, oculi

mei dirigantur,
Cuius pulchritudinem

sol, luna, mirantur,
Ad choreas virginum

aures erigantur,
Paradisi floribus

nares nutriantur.

13. Da gustare, Domine,
quantae suavitatis,
Quantae sis dulcedinis,
me humanitatis

Tuae lacte refice,

melle deitatis,
Tactu tuae fimbriae

mundes a peccatis.

14. Tui sancti capitis

verticem beatum
Veneror arundine

pro me flagellatum,
Obsecrans, dulcissime,

ut caput elatum,
Quod erexi contra te,

tibi sit substratum.

15. Iesu, tui capitis

inclinatione
Me salutas, osculum

praebes, fiunt pronae
Aures meis precibus,

de afflictione
Grates agis, pascar hac

dulci lectione.

16. Te tradente spiritum

caput inclinasti,
Quid hoc, nisi quod per hoc

reconciliasti
Me patri et rediens

mihi nuntiasti
Pacem, meque capitis

motu salutasti.

17. Dulce praebes osculum

pace reformata,
Hoc est quasi diceres:

meretrix prostrata,
Surge, sume osculum

sanguine mundata
Meo, eris deinceps

mihi desponsata.

18. Aures pace reddita

fiunt proniores
Patris, quasi diceres:

hactenus labores
Consumpsisti vacuos,

cum precum clamores
Ad ipsum transmitteres,

nunc secure ores.

19. Audias, exaudias,

pater, tantum, talem,
Volo, te exhibeas,

quae sis digna, qualem
Sponsam decet regiam,

refuge carnalem
Vitam et amplectere

formam spiritalem.

20. In hoc gestu capitis,

Iesu, declinare
Te a crucis titulo

perpendo, vitare
Per hoc vanam gloriam

te ostendit, care
Doctor, ac si diceres:

nolo hic regnare.

21. Nolo, scribat, nominet

me regem Pilatus,
Laudum plumas respuo,

qui sum deputatus
Modo cum latronibus,

cito coronatus
Regnabo in gloria

patris sublimatus.

22. Hic plebis abiectio,

ibi exaltabo
Caput, meam gloriam

alteri non dabo,
Danti mihi gloriam

ego procurabo
Gratiam et gloriae

locum praeparabo.

23. Sic me, Iesu, instruis,

ne a me quaeratur
Laus, ac favor bominum,

si a me geratur,
Quod sit dignum laudibus,

sed tibi dicatur
Laus, qui velle tribuis,

a quo posse datur.

24. Iesu, confer gratiam,
ne velim laudari
De bonis operibus,
regis appellari

Nomine, sed tribue

hic humiliari,
Ut in regno valeam

per te sublimari.

25. In hoc gestu capitis,

Iesu, actiones
Gratiarum reddere

in adversis mones
Dignas, te per varias

tribulationes
Sequendum ad praemia,

ubi nos corones.

2G. Hoc est quasi diceres:

tu, qui viam quaeris,
Qui ducit ad patriam,

per crucem doceris,
Si mei non fueris

imitator, peris,
Ambulas in invio,

morte morieris.

27. Ne sit iter asperum,

pedibus substravi
Tuis mei sanguinis

purpuram, pugnavi,
Vici et latrunculos

viae trucidavi,
Ergo passus ambula,

per quos ambulavi,

28. In hoc gestu capitis,

Iesu, relicturus
Matrem et discipulum,

ad patrem iturus
Accipis licentiam,

ultimum dicturus
Vale circumstantibus,

hic est sermo durus.

29. Ad istam licentiam

quis non moveatur,
Cum audit, quod filius

Dei moriatur,
Thesaurus tam nobilis

de mundo tollatur,
Universa continens

sepulcro claudatur?

30. Iesu, mea lectio

et philosophia,
Mei cordis speculum,

quo Rachel et Lia
Suas ornant facies,

dulcis melodia,
Quam de carnis cithara

produxit Maria.

31. Membra tui corporis

in cruce extenta
Cantilenas resonent

mihi, quas attenta
Aure cordis audiam,

horum sacramenta
Cuncta vincunt musicac

artis instrumenta.

32 Tu sis mihi iubilus,

tu sis canticorum
Canticum, solacium

dolorum meorum
Singulare, unicum,

vulnerum tuorum
Memorem in numero

ponc filiorum.

33. Iesu, tui memores

fac imitatores
Esse tuos, fac eos

exempla et mores
Tuos apprehendere,

plagae et livores
Tui nostros condiant,

temperent labores.

34. Memores Calvariae

montis decalventur,
Tecum fiant filii

Chore, conformentur
Membra suo capiti,

terrenis nudentur,
Ut a te caelestibus

thesauris donentur.

35. Cruci tui memores
fac considerare
Tuae crucis proelia
et se praeparare

Ad bella, quae imminent

vexillum levare
Crucis et fortissimum

nomen invocare.

36. In hoc tuo nomine

manus confortentur
Dissolutae, pavida

corda roborentur,
Hoc audito nomine

in fugam vertentur
Hostes, decem milia

duo prosequentur.

37. Milites audaciam

sumant intuendo
Sui regis vulnera,

sese offerendo
Ad mortem pro mortuo

crucem sustinendo,
Vincula et carceres,

sanguinem fundendo.

38. Tua triumphalis crux

super cor ascendat
Et cordis signaculum

fiat, apprehendat
Crucis longitudinem

cor et se distendat
In latum, totaliter

cruci se impendat.

39. Dulcis Iesu, tua mors

mors victoriosa,
Iudaeo turpissima,

Iudaeo probrosa,
Nobis amantissima,

nobis saporosa,
Inscribatur cordibus

in textu et glosa.

40. Quidquid est a vertice

ad plantam, conetur
Tuae morti compati,

cor intus mactetur
In contritionibus,

corpus castigetur
In labore, sanguine

lacrimis lavetur.

41. Non torrens, non rivulus,

non fontes aqurum
Oculis sufficiant,

Iesu, lacrimarum
Da nobis diluvium

respectu guttarum
Quas fudisti, talia

nihil sunt aut parum.

42. Tuae mortis memores

mundo moriantur,
Vivant tibi, Domine,

qui vivificantur
Tuo sacro corpore,

hi benedicantur
A patre et spiritu

sancto repleantur.

43. Dulcis Iesu, rogo te,

tuum monumentum
Et murra et aloe

quasi librae centum,
Lintea, sudarium

sint incitamentum
Doloris et gemitus

provocent lamentum.

44. Murra membra condiat

contra vitiorum
Vermes, intus aloe

agat contritorum
Gemitus, ut ita sim

de beatis, quorum
Peccata remissa sunt,

de coetu iustorum.

45. Cor meum quod exstitit

spelunca latentis
Inimici, fac tibi

locum quiescentis,
Utere pro sindone

castitate mentis,
Sit loco sudarii

labor paenitentis.

46. Rogo te per gloriam

resurrectionis
Tuae, da resurgere

a malis, in bonis
Florere, ut in die

consummationis,
Me verbum non feriat

maledictionis.

47. Supplico, dum tempus est

emendationis,
Da mereri gratiam

benedictionis,
Quam tuis daturus es,

locum mansionis
Obtinere, gloriam

tuae visionis.

48. Da mihi te cernere

regem in decore,
Tuo da colloquio

frui, ex amore
Amplecti te intimo,

sumere ab ore
Osculum, te perfrui

paradisi flore.

49. Pater mihi tribuat

immortalitatis
Locum, tu me saties

tuae caritatis
Ferculis, paraclitus

suae voluptatis
Torrente inebriet,

regnem cum beatis.

50. Ad altare aureum

hoc devotionis
Granum in memoriam

tuae passionis
Dulcis, Iesu, offero,

te summum in bonis
Requiro pro munere

retributionis.