Tertia Quinquagena.

1. Ave, rosa, re perfecta
Crux in altum est erecta,

Et tunc caelis altior
Apparebat vili morte
Miseranda prorsus sorte

Omni vili vilior.

2. Ave, rosa, vide florem,
Vide tuum nunc amorem

Exaltatum misere,
Vide, virgo, patefacias
Nudae carnis cataractas

Quino ferri vulnere.

3. Ave, rosa, his in malis
Dolor tuus specialis

Tanti regis nuditas,
In derisu pessimorum
Creatoris angelorum
Tanta mortis vilitas.

4. Ave, rosa, quid ferebas,

Quid doloris sentiebas,

Nato cum assisteres,

Claritatem sic foedari,

Sic virtutem vulnerari

Praesto dum aspiceres?

5. Ave, rosa, tunc te ille,
Qui dolores dedit mille,

Pertransivit gladius,
Saeviturum quem notabat,
Vim doloris quo signabat,

Simeon praenuntius.

6. Ave, rosa, dum spectares
Et maternis inundares

Lacrimarum fontibus,
Vires dolor ebibebat,
Corpus tuum fatiscebat

Admirandis luctibus.

7. Ave, rosa, iam a fletu
Tibi flenti sine metu

Vultus intumuerat,
Nam caligo nebulosa
Tibi, virgo, tibi, rosa,

Oculos abolverat.

8. Ave, rosa, plangens carum
Eaucitate iam fibrarum

Tua vox perierat,
Tibi flenti iam singultus,
Eiulanti plangor multus

Vires prorsus fregerat.

9. Ave, rosa. plane rosa,
Tota rubens, cruorosa

Nati dulcis sanguine,
De supernis proluentem
Quem dum rapis rosascentem,

Rubescis aspergine.

10. Ave, rosa, Deus fortis,
Cum rigeret tactu mortis,

Effusurus animam
Te affatu salutavit,
Te dilecto commendavit
Vere amarissimam.

11. Ave, rosa, morte dura
Morientis summa cura

In te sola figitur,
Dum nec illam Magdalenam,
Condoloris igne plenam,
Moriens adloquitur.

12. Ave, rosa, cor discissum
Sic doloris in abyssum

Totum sese merserat,
Ut iam posset vix videri,
Si is esset, qui et heri

Vultus tuus fuerat.

13. Ave, rosa, dolor talis
Tibi soli specialis,

Nullo aevo cognitus
Provocabat in lamentum
Dura corda intuentum,

Vulnerata penitus.

14. Ave, rosa, re mutata
Dies lucet ter beata,

Fulget resurrectio,
Gratulare, virgo dulcis,
Iam te flore novo fulcis

Redivivo filio.

15. Ave, rosa, poena cessit,
Quae te pridem saeva pressit

Lacrimarum imbribus,
Fugit rigor glacialis,
Auster spirat aestivalis,

Sol praelucet nubibus.

16. Ave, rosa, vide rosam
Immortalem, speciosam,

Qua nil speciosius,
Quam mors ultra non involvet,
Algor bruraae non dissolvet,

Non torrebit Sirius.

17. Ave, rosa, ecce, quaero,
Tibi matri cur tam sero
Iesus tuus splenduit?
Nam Mariae Magdalenae
Specie in aliena
Prior se exhibuit.

18. Ave, rosa, tu repente
Si viventem maesta mente

Aspexisses filium,
Tuam tibi vitam plane
Insperatum et immane
Ademisset gaudium.

19. Ave, rosa, astu tali
Forma tantum aliquali
Sensim tuis sensibus
Lux illuxit novae rei,
Donec locus speciei
Esset in affectibus.

20. Ave, rosa, nunc floresce,
Vultu novo iuvenesce

Dulcem videns filium,
Quem plangebascontramorem,
En, adora campi florem,

Amplexare lilium.

21. Ave, rosa, cor extende,
Ascendenti coascende

Votis suspirantibus,
Ecce, scandit alta poli
Derelinquens ima soli

Suis admirantibus.

22. Ave, rosa, Iesu flenti,
Lactis potum sitienti,

Olim dabas ubera,
Stola carnis nunc formosum,
Nunc scandentem luminosum,

Cerne super sidera.

23. Ave, rosa, mater rosae,
Rosae, inquam, speciosae

Super caeli sidera,
Super lunam, super solem
Rosam illam, tuam prolem
Admirantur aethera.

24. Ave, rosa, dum iam ita
Ascendisset mundi vita
Suscepta in nubibus,
Novus amor in te crevit,
Ignis novus blande saevit
Tuis in affectibus.

25. Ave, rosa, quam intensae
Caritatis, quam accensae,

Urebaris gaudio,
Cum iam scires vitae ducem
Post flagella, sputa, crucem

Emicantem solio.

26. Ave, rosa, quam immenso,
Quam stupore longe tenso

Movebaris sensibus,
Cum videres ex te natum
Super caelos elevatum,

Regem in caelestibus.

27. Ave, rosa, cum iam tota
Fixa prorsus et immota

Transisses in spiritum
Et amoris lege certi
Creatoris inexperti

Ignorares gemitum.

28. Ave, rosa singularis,
Homo tamen movebaris

Sensu nostri sanguinis,
Quo movente resolvebas
Et ad horam demittebas

Theorias luminis.

29. Ave, rosa, mox novata,
Somno velut excitata,

Miris desideriis
Loca Iesu visitabas
Et ardorem temperabas

Gravibus suspiriis.

30. Ave, rosa, sic ardebat
Pectus tuum, sic urebat

Flamma invincibilis,
Mundi huius omne clarum
Tibi visum est amarum,

Res intolerabilis.

31. Ave, rosa, censens grave,
Quidquid blandum aut suave

Adludebat sensibus,
Sola tuis tua vita,
Nimis clara margarita,

Splenduit affectibus.

32. Ave, rosa, laetum solem
Aestimabas velut molem

Fastiditi luminis,
Sole vero intus plena,
Tota ardens et serena,

Diem spernens hominis.

33. Ave, rosa, memorare,
Tibi tamen singulare

Praestitit solacium
Iesu tuo cum videres
Et videndo constuperes

Turbas tot credentium.

34. Ave, rosa, in hoc mundo
Volvebaris in profundo

Lugubris maestitiae,
Sed nunc audis beatorum
Super choros angelorum

Cantica laetitiae.

35. Ave, rosa transplantata,
Super caelos exaltata

Iuxta thronum filii,
Angelorum ibi coetus
Tibi semper canit laetus

Dulces hymnos gaudii.

36. Ave, rosa, multum gaude,
Risu cordis Deo plaude
Pro immensis gratiis
Ecce, regnas laetabunda,
Iesu semper coniucunda,
Affluens deliciis.

37. Ave, rosa, nunc honorant,
Nunc te laudant et decorant

Angelorum agmina
Concinentes sine fine,
Caritatis seraphinae

Tibi sonant carmina.

38. Ave, rosa, laeta prole,
Deitatis clara sole,

Luna subest pedibus,
Caput sacrum honoratur,
Dum bis senis coronatur
Igneis sideribus.

39. Ave, rosa, terrenarum
Phantasias iam curarum

Detersisti nubilas,
Et affecta vi amoris
In aspectu conditoris
In aeternum iubilas.

40. Ave, rosa, fulgens ore,
Moysino prae fulgore

Longe luminosior,
Sol lucescit ut prae stellis,
Sic tu, rosa, prae puellis

Luce speciosior.

41. Ave, rosa, spes lugentum,
Mihi si sint linguae centum,

Si facundus fuero,
Nihil tamen tibi digne,
Nihil tibi coinsigne
Decantare potero.

42. Ave, rosa, intuere,
Mei, mater, miserere,

Mater, mater gratiae,
Mater clemens, mater pia,
Mater dulcis, o Maria,
Dona locum veniae.

48. Ave, rosa manus clarae,
Lava, terge, miserare

Foedum facinoribus,
Pressum, ecce, larva mortis
Ab inferni trahe portis,

A gehennae ignibus.

44. Ave, rosa, absque naevo,
Ne draconi tradar saevo,

Totis age nisibus,
Nam et multum si peccavi,
Iesum tamen non negavi,
Hoc repone sensibus.

45. Ave, rosa, fidem muni,
Fidem firma et couni

Nostris fixam mentibus,
Ne vagetur nutabunda,
Sed sit fortis et iucunda

Mortis in doloribus.

46. Ave, rosa, amoenorum

Ad convalles duc nos florum,

Ad hortorum lilia,
Paradisi ad virores,
Violarum ad odores,

Ad rosarum milia.

47. Ave, rosa ter beata,
Duc nos ad malogranata,

Ad florentes vineas,
Ad spirantes auras vitae,
Ad nardorum nemus mite,

Duc ad sedes aureas.

48. Ave, rosa super rosas,
Duc ad domos luminosas

Resplendentes oculis,
Claritatis vi vernantes,
Intus, extra rutilantes

Aureis laterculis.

49. Ave, rosa, duc ad zetas
Gemmis, auro, luce laetas,

Lucis ad palatium,
Quo lux lucet semper viva,
Vita, pax indefectiva,
Caritas et gaudium.

50. Ave, rosa, te, Maria,
Flagitamus, virgo pia,

Mundi post exsilium
Fontem vitae, fontem boni
Nostrae palam visioni

Praebe, tuum filium.

Oratio praeambula ad primam
Quinqugenam.

1. O Messia, vitae via,
Verus Deus, verus Ia,

Riga cordis intima
Ut medulla cordis bulla
Sit parata tua grata
Fari beneficia.

2. O Maria, mater pia,
O benigna, laude digna,

Plena Dei lumine,
Me laudare te dignare
Verbis dignis, sanctis hymnis

Et psalmorum carmine.

3. O praeelara crucis ara,
Mors amara, vita clara,

Nostra rumpens vincula,
O mors dura et obscura,
Mortis iura cum censura

Tu cassasti aspera.

4. O dilecta, praedilecta,
Caeli clavis, mundi navis,

Te devotus postulo,
Ut digneris nec moreris
Clemens esse nec deesse

Mihi tuo famulo.

5. O res mira, o mors dira,
Iudaeorum fremens ira

Nobis vitam repara,
Gens dolosa, mortis glosa
Odiosa, clamorosa,

Mortis tulit pabula.

6. O regina, lux divina,

O formosa plus quam rosa,

Pro me, quaeso, rogita,
Ora Deum, serva reum
Consolando, visitando

Sensum meum visita.

7. O dilecte, iudex recte,
Sordes necte, corda flecte,

Poli rector optime,
Et reflecte vili sectae
Quae nos ducunt indirecte

Liberator maxime.
8. O beata, Deo grata,
O serena, Deo plena,

Votis meis annue,
Ne me tangant, ne me frangant
Hostis ictus et conflictus,

Me de malis erue.

9. O electe, rex perfecte,
Aequitate nos complecte

Et correctos effice,
Ut amoenae cantilenae
Nostri cordis fructu plene

Sint in tuo nomine.
10. O spes rei, templum Dei,
Stella maris singularis,

Esto custos animae,
Ut vincantur et pellantur,
Erubescant et tabescant,

Hostes meos comprime.

Oratio praeambula ad secundam
Quinquagenam.

1. O amate, vulnerate
Dei nate, caelo date

Spiritali munere,
Destinato maiestate,
Caelitus praeordinate,

Mundum veni solvere.

2. O flos florum, fons hortorum,
O praeclara, Deo cara,

Meum sis solacium,
Obcaeeato, vulnerato
Sis candela, sis medela

Tuum dans auxilium.

8. O Iesu, Mariae fili,
Emundator sorde vili,

Cuncti cedant aemuli,
Tecto carne te servili
Manu subdis te hostili,

O salvator populi.

4. O suavis, nulli gravis,
Dei cella, nitens stella,

Carnis aufer vitium,
Os precantis, cor peccantis
Tua prece munda faece

Delictorum omnium.

5. O Iesu, qui cupivisti

Mortem ferre, quam subisti

Pro delicto saeculi,
Mortem nostram sic vicisti,
Procumbentes erexisti

Forma tectus servuli.

6. O decora plus aurora,
Virgo parens labe carens,

Me clementer corrige,
Ne peccati potestati
Sim subactus, meos actus
Gubernando dirige.

7. O pudici cordis doctor,
O amici gregis pastor

Tentus corde simplici,
Fac felici frui fine,
Superis adici iube,

Nullo metu affici.

8. O lux solis, proles prolis,
O lucerna, quae superna

Coruscas in patria,
Te precamur, ut ducamur
Post hanc lucem per te ducem
Ad sanctorum gaudia.

9. O salvator, nos salvato,
Victor mortis, vitam dato

Divino consilio,
Tu languentem visitato,
Reos mortis liberato
Horrendo exsilio.

10. O vas mellis expers fellis,
Cinnamomo et amomo

Nomen habens dulcius,
Post tuorum unguentorum
Vel ordorem vel dulcorem,

Fac, ut currem citius.

Oratio praeambula ad tertiam
Quinquagenam.

1. O flos Iesu, me in bono

Frena deitatis dono

Caritatis vinculo,

Qui te creatorem colo,

Fac remotum omni dolo

Me et omni vitio.

2. O caelestis margarita
In sublimi throno sita

Nostris fulge cordibus,
Ut fulgore tuo tracti
Iuncti simus et compacti

Paradisi civibus.

3. O dux bone, mitis esto,
Ut oblato corde maesto

Canamus cum iubilo,
Bonae voluntatis scuto
Fac diverti calle tuto

Salvans a periculo.

4. O Maria, maris stella,
Deitatis casta cella,

Hostis fuga aciem,
Sacra virgo, nos iuvare,
Ut possimus contemplare

Tuam pulchram faciem.

5. O Iesu, solis ab ortu
Duc tu salutari portu

Salvans ab interitu,
Benedicto ventris fructu
Liberans ab omni luctu

Sis salus in exitu.

6. O Maria, Deo cara,
Nulli gravis neque rara,

Te exspectant pauperes,
Noli, virgo, iam tardare,
Flentes tuos consolare,

Luctus fundunt uberes.

7. O Iesu, salutis gustu

Qui dum pascis mundos actu

Te praesentans obitu,
Redimis a mortis ictu
Nobilis patris conflictu

Amoris intuitu.

8. O Maria, mundi navis,
Peccatorum caeli clavis,

O salutis poculum,
Pota nos de vino trino
Dulci deitatis vino,
Angelorum speculum.

9. O Iesu eductos flatu
Dotes divino affatu

Et caeli introitu,
Mundans salutari fletu
Ab omni defende metu

Tartari exercitu.

10. O tu templum trinitatis,
Culmen summae castitatis,

Virginalis gloria,

Praebe ignem caritatis

Et nos tuae claritatis

Configura, Maria.