Prima Quinquagena.

1. Iesu, da quod canimus

in psalmis, ut sequamur,
Ne ab infidelium

errore seducamur,
Nam primi nos materia

psalmi sic informavit,
Quae aliis ut prologum

Esdras sic adaptavit.

2. Iesu, qui per os David

olim cecinisti,
Cur gentes fremuerunt?

et nobis subvenisti,
Tuam per passionem

a paganis et malis
Hominibus nos liberans

protege sub alis.

3. Iesu, qui sanctum David

illaesum praeservasti,
A facie dum Absalon

fugit, liberasti,
Ne nos ab hominibus,

qui tribulant, vexari
Nec sinas a daemonibus,

qui temptant, superari.

4. Iesu, qui salvas David,

dum in modum coronae
Saul et exercitus

hunc cingunt, Iesu bone,
Sicut ei laetitiam

tunc dederas, sic dona,
Ut nunc et omni tempore

pace fruamur bona.

5. Iesu, qui cantoribus

psalmorum praestitisti,
Quod eos tua gratia

victores effecisti,
Nos, dum psalmos canimus,

exaudi supplicantes,
Pro hostium victoria

devote te rogantes.

6. Iesu, qui punis David

populum censentem
Et misericorditer

acceptas paenitentem,
Tuae nobis gratiae

dona largitatem,
Delens per paenitentiam

nostram pravitatem.

7. Iesu, qui parcis David,

quod ignoranter peccat,
Dum Doech iussu Saulis

sacerdotes necat,
Parce nobis, Domine,

qui ignoranter multum
Peccamus sine numero,

hoc transeat inuitum.

8. Iesu, qui meruisti

per tuam passionem
Coronam et gloriam

et exaltationem,
Nobis patientiam

et alia condona,
Per quae regni perpetui

acquiritur corona.

9. Iesa, qui psalmo nono

ob datam potestatem
Tibi iudiciariam

exsultans laudas patrem,
In extremo iudicio

ne nobis, quaeso, ''Ite,
''Sed ad dextris stantibus,

o Iesu, dic Venite.

10. Iesu, qui regem David

ad Moab fugientem,
Iubente propheta Gad

inde revertentem
In te facis confidere,

ne quid ei molesti
Contingat, sic nobiscum fac,

quando sumus maesti.

11. Iesu, qui de Ceyla

dum David fugiebat,
Quem ingratus populus

tradere volebat,
Salvasti, sic salva nos,

in tribulatione
Malorum dum existimus

et persecutione.

12. Iesu, qui per quattuor

regna affligebas
Hebraeos, dumque rogant,

tu exaudiebas,
A carne, mundo, daemone

et quarto inimico
Nos semper, quaeso, libera,

et grates tibi dico.

13. Iesu, Nabuchodonosor

sic sciens esse reum,
Quod et verbo factoque

blasphemans negat Deum,
Si qui in nobis mali sunt,

qui verbo sed non facto
Te confitentur, corrige

opportuno nacto.

14. Iesu, qui cum macula
ministros habitare
In tuo tabernaculo
nec sinis ministrare,

Da per paenitentiam
peccata nos deflere

Et tandem tabernaculum
caeleste possidere.

15. Iesu, quintus decimus

psalmus decantatur
De resurrectione,

ut Petrus testatur,
Dum a morte surgimus,

cum hoedis non stare,
Sed ad tuam dexteram

iube collocare.

16. Iesu, qui, dum oraret,

David exaudisti
Eumque, ne caperet

Saul, custodisti,
A malis dum persequimur,

sic, quaeso, nos tuere
In corpore vel anima

ne valeant nocere.

17. Iesu, cui David rex

pro angustiarum
Liberationibus

reddit gratiarum
Actiones, da, ut nos

grates sic agamus,
Ne pro beneficiis

ingrati 2naneamus.

18. Iesu, qui per caelicos

viros publicasti
Fidem evangelii,

quos illuminasti,
In via verae fidei

nos recte semper ire
Fac et post ad caelica

regna pervenire.

19. Iesu, qui, quando David

pro exercitu orat,
Exaudis victoriam

dans, pro qua implorat,
De caelo auxilium,

dum quacunque hora
Inire bellum cogimur,

mitte sine mora.

20. Iesu, qui regni tui

in exaltatione,
In adversariorum

vero depressione
Laetaris, sic et nostrum

regem triumphare
In iusto semper proelio

fac et exsultare.

21. Iesu, de passione

vicesimus primus
Psalmus est, ut saepius

scriptum invenimus,
Dum quid mali patimur,

liberans exaudi,
Et promptiores erimus

Semper tuae laudi.

22. Iesu, qui quando David

ad Moab fugit regem,
Revertentem in Iuda

pascis et eius gregem,
Si quis profectus gratia

in claustrum velit ire,
De corpore et anima

ne sinas hunc perire.

23. Iesu, qui dominium

habes generale,
Nam, quod tibi subditum

non sit, nil est tale,
Praeceptis tuis deditos

fac nos, qui cunctorum
Creator es ex nihilo

et dominus eorum.

24. Iesu, dum sanctus David

petit liberari,
Psalmo alphabetico

ab ipso vis orari,
Si qua tribulatio

adfligit spiritalis,
Nos orantes protege,

o Domine, sub alis.

25. Iesu, qui Saul mortuo

in regno prosperari

Regemque facis David

a malis praeservari,

Ne regnum nostri corporis,
precamur, Iesu pie,

Subvertant hostes pessimi,
qui temptant omni die.

26. Iesu, qui hanc gratiam

post Saulis necem,
Antequam inunctus est,

David propter precem
Dederas, quod populo

poterat praeesse,
Hoc his, qui habent regem,

dones, est necesse.

27. Iesu, qui et ornantem

David exaudisti
Et in fuga Absalon,

quod petit, praestitisti,
Qui vexamur plurimum

te, Domine, rogamus,
Ut liberes, tunc gratias

laeti tibi damus.

28. Iesu, tabernaculi

in consummatione
David hic laetificas

et repositione
Arcae et, quod tibi sit

devote offerendum,
Ostendis exemplariter

et prompte serviendum.

29. Iesu, qui dedicari

templum voluisti,
David cum Bethsabee

peccanti indulsisti,
Dum per paenitentiam

dimissas speramus
Culpas, da, ut gratias

tibi referamus.

30. Iesu, qui, dum David est

in persecutione,
Salvas eum provocans

sic pro actione
Gratiarum, nobis da,

ut non pereamus,
Et tunc grates reddimus

hymnosque sacramus.

31. Iesu, adulterii

qui culpam commissam
A David tu per Nathan

revelas dimissam,
Si non certitudinem,

attamen spem dona,
Culpas nostras diluens

confessione bona.

32. Iesu, qui tricesimo

psalmo et secundo
Ad tuum praeconium

fideles corde mundo
Inducis et praemium

praeconii ostendis,
Quod et illis dare vis,

quos dignos deprehendis.

33. Iesu, qui David in Geth

ad Achis fugientem
A servis eius tertio

salvas insanientem,
Pro quo tibi gratias

agit in hoc psalmo,
Doce nos has reddere

tibi Deo almo.

34. Iesu, qui in Saulis

fuga exsistentem
Exaudis David regem

auxilium petentem,
Nos, qui malis premimur

quam plurimis, rogamus,
Exaudi, pie Domine,

et victimam litamus.

35. Iesu, qui a doloso

Saul liberasti
David, quod et per eum

hoc psalmo prophetasti,
Dona, dum quid patimur,

ne simus ingrati,
Ad tuam qui exsistimus

imaginem creati.

3.6. Iesu, qui docueras

hic ''Noli aemulari,
''Ut non cum malevolis
quaeramus properari,

Quia sic est, tribue
adversa libenter

Et omnia, quae patimur,
ferre patienter.

37. Iesu, quem rogat David

corde atque ore,
Ne eum arguere

velis in furore,
Poena sibi debita

suis pro delictis,
Idem, quaeso, tribue

omnibus afflictis.

38. Iesu, qui regem David

dolas affluenter,
Dum maledicit Semei,

suffert patienter,
Exemplo tam egregio,

o Iesu, nos informa,
Ut virtus patientiae

nostra fiat norma.

39. Iesu, qui hic canere

David more pio
Iussisti de mystico

de corporeque tuo,
Tam grandia mysteria

Etsi perscrutari
Nescimus, saltem tribue

ea venerari.

40. Iesu, qui in hoc psalmo

de tua passione
David loqui feceras

et resurrectione,
Hanc nos passionem fac

colere decenter
Et post vitae terminum

surgere gaudenter.

41. Iesu, Core filios

inspiratos a te
Psalmum istum canere

de captivitate
Iubens Babyloniae,

duc nos corde mundo
Ad caeleste gaudium

de hoc nequam mundo.

42. Iesu, iudicaturus

cum in mundi fine
Venies in Iosaphat

vallem, tunc non sine
Nos cum hoedis, quaesumus,

ad sinistram stare,
Sed ad tuam dexteram

velis collocare.
43. Iesu, Core filii

hunc psalmum cecinerunt
De persecutione,

Iudaei qua fuerunt
Sub nobili Antiocho,

sed inde liberantur,
Pro quo dicti filii

devote deprecantur.

44. Iesu, Core filios

iubens prophetare
De teque et ecclesia

hunc psalmum decantare,
Da, te regem gloriae

perfecte diligamus
Hic et illic, ubi te

perpetue laudamus.

45. Iesu, Core filios

qui miraculose
Salvas atque provocas

ad laudes gloriose,
Terra dum absorbuit

patrem et adhaerentes,
Nos promptos fac in omnibus

gratias agentes.

46. Iesu, qui in hoc psalmo
grates magna cura
Agis pro victoria
sub Iosue futura

Et hoc per Core filios,

qui a te inspirati
Hoc prophetarunt, tribue,

ut semper simus grati.
47. Iesu, qui Ierusalem

templum glorificasti
Per magna et mira opera,

quae ibi actitasti,
Quaeso, da, pro omnibus

te magnificemus
Atque devotissimas

grates tibi demus.

48. Iesu, qui in hoc psalmo

moves quaestionem
De extremo iudicio

et das solutionem,
In hoc die iudicii

cum malis non timere,
Fac cum bonis potius

perpetue gaudere.
49. Iesu, qui de duplici

iudicio cantare
In mundum, ad iudicium

Asaph prophetare
Facis evangelii

virtutemque ostendis,
Si non damus gratias,

iure reprehendis.
50. Iesu, sicut David rex

a Nathan reprehensus
Paenitet et gratia

divinitus accensus
Petit misericordiam,

sic culparum nodum
Solve, quia pessimi

sumus supra modum.