Tertia Quinquagena.

1. Ave, Iesu, quam sereno
Mundi huius hoc de caeno

Sursum migras pectore,
Totus pulcher, luminosus,
Super solem speciosus

Immortali corpore.

2. Ave, Iesu, quam mirandus,
Quam decorus, quam spectandus

Ascendis in iubilo,
Luce plenus gaudiorum
Alta petis, rex caelorum,
Terso carnis nubilo.

3. Ave, Iesu, sic levaris,
Sic amictus exaltaris
Vestimento luminis,
Sic a terra sublimatur,
Super caelos exaltatur
Flos assumpti hominis.

4. Ave, Iesu, tibi mille,
Angelorum coetus ille

Occurrit cum laudibus,
Patri victor praesentaris,
Dextra eius collocans

Signis cum victricibus.

5. Ave, Iesu, dux fidelis,
Sic exortum est in caelis

Lumen indeficiens,
Lumen vivum electorum,
Suavitate gaudiorum
Angelos reficiens.

6. Ave, Iesu, flos decore,
Mire fulgens in honore,

Regnans super sidera,
Tuos vultus per serenos
Inter Deum et terrenos

Pangis pacis foedera.

7. Ave, Iesu, rex aeterne,
Tuos, ecce, caros cerne

Votis suspirantibus,
Dum ascendis nube laetus,
Stat carorum ille coetus

Fixis post te nutibus.

8. Ave, Iesu, morte tristi
Sic regnare meruisti

Victor in caelestibus,
Nunquam tuis defuturas,
Patrem nobis placaturus

Ostensis vulneribus.

9. Ave, Iesu, dives donis,
Iam te suae sponsionis
Ordo monet inclitum,
Caritatis ut abyssum
Caris pandas et promissum
Dirigas paraclitum.

10. Ave, Iesu, nec moraris,
Praestolantes consolaris

Igne misso caelitus,
Qui linguarum in figura
Dilectorum corda pura

Inflammavit penitus.

11. Ave, Iesu, sic arsere,
Sic ardentes accepere

Novam mentis faciem,
Aurum ardens ut ardescit,
Ut in igne dum liquescit

Ignis habet speciem.

12. Ave, Iesu, ignis cuius

Pravum ignem mundi huius

Vincit et refrigerat,
Amor tuus ignis iste,
Ex te flammans, Iesu Christe,

Carnis flammam superat.

13. Ave, Iesu, ignis vitae,
Linguae ignis dispertitae,

Quae flammabant singulos,
Figurabant apte satis
Ignem tuae caritatis
Flammaturum populos.

14. Ave, Iesu, sic excoctos,
Sic purgatos, sic edoctos

Tua fecit unctio,
Pios, mites, laetos, mundos,
Fortes, gratos et facundos;

Quam stupenda ratio !

15. Ave, Iesu, rex insignis,
Amor tuus vivus ignis

Urit mentes dulciter,
Prece matris, o benigne,
Nos algentes da hoc igne

Inflammari iugiter.

16. Ave, Iesu, celsi throni,
Spiritalis huius doni

Dona participium,
Fac me durum te amare,
Caritatis da gustare

Dulce refrigerium.

17. Ave, Iesu, lumen purum,
Te spectamus adfuturum

Iudicem in nubibus,
Tunc virtutes movebuntur,
Civitates terrebuntur

Variis tumultibus.

18. Ave, Iesu, tunc pavendus,
Peccatori metuendus

Arbiter adveniens,
In horrenda ignis nube,
In clangore vocis tubae

Orbem totum quatiens.

19. Ave, Iesu, orbis totus
Velut loco suo motus

Fragorabit horride,
Terra tunc ardere iussa
Contremiscet vi concussa

Tempestatis validae.

20. Ave, Iesu, orbem totum
Ut a fundamentis motum

Quassabunt tonitrua,
Elementa creabuntur,
Igne cuncta vastabuntur,

Aequabuntur ardua.

21. Ave, Iesu, novo more

Tunc districto cum terrore

Fulgurans in nubibus,
Expavescet creatura,
Mundi ruet haec figura

Horrendis fragoribus.

22. Ave, Iesu, quantus angor,
Dum sonabit tubae clangor,

Ut defuncti prodeant,
Tunc cum iustis surgunt mali,
Sorte tamen non aequali,

Sed ut semper ardeant.

23. Ave, Iesu, finis astabit,
Ubi totus intonabit

Orbis contra impium,
Igne, motu, tempestate,
Ullulatu, vastitate,

Colliura nubium.

24. Ave, Iesu, tibi clarae
Videbuntur tunc astare

Angelorum acies,
Prae timore tunc arescent,
Tunc ut olla denigrescent

Damnatorum facies.

25. Ave, Iesu, dies ille,

Quem terrores foedant mille,

Jtfagnus et terribilis
Corda franget reproborum,
Nam tu iudex occultorum
Stas inexorabilis.

26. Ave, Iesu, mundus gemet,
Omne vivum tibi tremet

Prae sollicitudine,
Servi, reges una stabunt,
Rugientes ullulabunt

Prae amaritudine.

27. Ave, Iesu, iudex dure,

Quanti aestus, quantae curae

Tunc involvent miseros,
Dum a iustis sequestrati,
Ad sinistram collocati

Proruent ad inferos.

28. Ave, Iesu, quam pavendum,
Cum damnandis ad horrendum:

Ite, ite dicitur,
Quam gemenda gemunt niole,
Cum detrusi a te sole

Spes salutis tollitur.

29. Ave, Iesu, tunc inferni
Flamma, ignes sempiterni
Concremabunt perditos,
Tunc torquebit putens nidor,
Ignis, frigus, fletus, stridor
Mundi. quondam inditos.

30. Ave, Iesu, tunc dolore,
Tunc horrendo prae furore

Vae, vae, vae, vae mugient,
Vi sepulti tenebrarum
Nihil nisi vae amarum

Sine fine rugient.

31. Ave, Iesu, spes iustorum,
Quam stupenda tunc eorum

Erit exsultatio,
Cum se cernent assumendos,
Post laborem inducendos

Beatorum gaudio.

32. Ave, Iesu, fac nos esse
In extrema illa messe

Tuis cum fidelibus,
Ibi per te ut salvemur,
In te laeti gloriemur

Regnis in caelestibus.

33. Ave, Iesu, tunc cessabit
Clamor, luctus exspirabit,

Abstergentur lacrimae,
Tunc conformes tibi erunt,
Qui te vitam amaverunt,

Electorum animae.

34. Ave, Iesu, digne coli,
Carnis tuae claro soli

Tunc configurabimur,
Caro nostra foedae molis
Claritatem vincet solis,
Cum sic immutabimur.

35. Ave, Iesu, credo ita,
Hoc mortale quod a vita

Prorsus absorbebitur,
Crassum erit tunc subtile,
Ponderosum, tardum, vile

Tunc agitabitur.

36. Ave, Iesu, lux serena,
Sic nos duces ad amoena

Luminosae patriae,
Ibi patrem agnoscemus,
Ibi novum tunc legemus

Librum sapientias.

37. Ave, Iesn, lnx in caelo,
Tunc fulgebit sine velo

Tua luminositas,
Ibi erit dies una
Sine sole, sine luna

Vultus tui claritas.

38. Ave, Iesu, quam serene,
Quam formose lucis plenae

Cubas in meridie,
Ubi iusti collaetantur,
Luminosa iucundantur

Tui vultus specie.

39. Ave, Iesu, lux solaris,

Quam dilectis, quam praeclaris

Gaudes coheredibus,
Quos tu, lux indefectiva,
Vultus tui luce viva
Pascis in sublimibus.

40. Ave, Iesu, tunc in caelo
Veritatem sine velo

Nova pandet civitas,
Cuius non claudentur portae,
Ubi vita sine morte,

Ubi summa caritas.

41. Ave, Iesu, decor ille
Vincet luce soles mille

Nec habet caligines,
Urbis huras claro fundo
Tunc sternentur auro mundo

Platearum ordines.

42. Ave, Iesu, cuius muros
Auro perlucente puros
Venustant ehrysoliti,
Viridium smaragdorum,
Claritate beryllorum
Ex alternis incliti.

43. Ave, Iesu, ibi zetae
Margaritis veniant laete,

Ibi grata otia,
Ibi laudum odae sonant,
Quae laudanti mille donant

Gaudiorum gaudia.

44. Ave, Iesu, quam beata
Caritatis auro strata

Sion illa rutilat,
In qua coetus beatorum
Choris mixtus angelorum

Te laudando iubilat.

45. Ave, Iesu, Sion illa,
Pacis dives et tranquilla,

Rutilescit floribus,
Ibi dies semper verni,
Flores spirant sempiterni
Variis odoribus.

46. Ave, Iesu, ibi rosae,

Quas hic mortis pretiosae

Purpuravit caritas,
Liliorum candor ibi,
Quae suavescunt summe tibi,
Virginalis castitas.

47. Ave, Iesu, ibi satis
In odore suavitatis

Fraglant corda mitia,
In hoc mundo quae mundavit,
A peccatis expiavit

Vera paenitentia.

48. Ave, Iesu, pax est viva
Ibi, iugis et votiva

Gratiarum actio,
Ibi nudae veritatis,
Rigorosae aequitatis

Suavis admiratio.

49. Ave, Iesu, ibi bonis
Lux divinae rationis

Resplendet ut speculam,
Cum non esset creatura,
In quo tamen ut futura

Hoc vivebat saeculum.

50. Ave, Iesu, lux stupenda,
Fide cordis inquirenda,

Spiritu, non oculo;
Mater lucis, fac sincere
Lucem illam nos videre
In futuro saeculo.