210. De Tempore Vernali.

1. In vernali tempore

Ortu laetabundo
Dum recedunt frigora,

Nuntiat hirundo:.
Terrae, maris, nemoris
Decus adest deforis

Renovata mundo,
Vigor redit corporis,
Cedit dolor pectoris

Tempore iucundo.

2. Terra viret floribus

Et nemus virore,
Aves mulcent cantibus

Et vocis dulcore,
Aqua tempestatibus
Caret, aer imbribus,

Dulci plenus rore,
Sol consumptis nubibus
Radiis patentibus

Lucet cum dulcore.

3. O quam mira gloria,

Quantus decor Dei,
Quanta resplendentia

Suae faciei,
A quo ducunt omnia
Ima, summa, media

Formam speciei I
Maior est distantia
Quam sit differentia

Noctis et diei.