133. De beata Maria V.

1. Iesu mater, deiea
Virginum ''Maria
''O curatrix, medica
Hominum Maria.

2. O de Deo genita
Genetrix ''Maria,
''O decus angelicum,
Gaudium Maria.

3. Haec divina ''gratia
''Mire procuravit,
Te virtutum ''gratia
''Privilegiavit.

4. Ave, ventrem ''gratia
''Prole fecundavit,
Cuius mira ''gratia
''Damnatos sanavit.

5. Nam plena munditiae
Cella puritatis,
O plena laetitiae
Porta pietatis!

6. Nam in ventris alvulo
Requievit ''tecum,
''Iacens in praesaepio
Colludebat tecum.

7. Et prius in stabulo
Laborabat ''tecum,
''Nunc sedens in solio
Gratulatur tecum.

8. Solam iam prae ceteris
Dominus dilexit,
Ultra summos angelos
Dominus te vexit.

9. Decoris te pallio

Dominus contexit,
Et dulcoris oculo
Dominus respexit.

10. Et benedicto Domino
Gaudens benedicta'',
''Nam Maria nomine
Tu es benedicta.

11. Tui fructus praemia
Da participare,
Amen dicat populus
Cum devotione.